| e-texts navigator |
| Wylie |
287a1 ལགས་སོ། །བདེ་བར་གཤེགས་པ་མཆོག་ཏུ་འཚལ་ལགས་སོ། །གནས་འཇོག་གི་རྒྱུད་དག་དེའི་ཕྱིར་ཁྱེད་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་ངས་བཤད་དོ། །གནས་འཇོག་གི་རྒྱུད་དག་འཛམ་བུའི་གླིང་ཆུ་དང་རྒྱར་ནི་དཔག་ཚད་བདུན་སྟོང་ཡོད་དེ
287a2 བྱང་ཕྱོགས་སུ་ནི་ཡངས་ལ། ལྷོ་ཕྱོགས་སུ་ཤིང་རྟའི་དབྱིབས་སོ། །གནས་འཇོག་གི་རྒྱུད་དག་ཤར་གྱི་ལུས་འཕགས་གླིང་ནི་ཆུར་དཔག་ཚད་བརྒྱད་སྟོང་ཡོད་དེ་ཟླ་གམ་དུ་གནས་སོ། །གནས་འཇོག་གི་རྒྱུད་དག་བ་ལང་སྤྱོད་ཀྱི་གླིང་ནི་ཆུར་དཔག་ཚད་དགུ་སྟོང་ཡོད་ལ་ཀུན་དུ་ཟླུམ་པོའོ། །གནས
287a3 འཇོག་གི་རྒྱུད་དག་བྱང་གི་སྒྲ་མི་སྙན་གྱི་གླིང་ནི་ཆུར་དཔག་ཚད་ཁྲི་ཡོད་དེ་ཀུན་ནས་གྲུ་བཞིའོ། །གནས་འཇོག་གི་རྒྱུད་དག་གང་གླིང་བཞིར་དུས་མེད་པའི་སྤྲིན་ཆེན་པོ་ཡང་དག་པར་འོང་བའི་དུས་དེ་ཡོད་དེ། དེའི་ཚེ་གླིང་ཆེན་པོ་བཞི་ནས་ཆུ་ཆེན་པོའི་རྒྱུན་དང་། ཆུ་ཆེན་པོའི་ཕུང་པོ་རྒྱ་མཚོ་ཆེན
287a4 པོར་འབབ་སྟེ། དེ་བཞིན་གཤེགས་པའི་ཆུའི་ཐིགས་པ་རེ་རེ་ལ་ཆུའི་ཐིགས་པ་འདི་ནི་འཛམ་བུའི་གླིང་ནས་ཆར་འབབ་བོ། །གྲོང་ཆེ་གེ་མོ་དང་། གྲོང་རྡལ་ཆེ་གེ་མོ་དང་། ལྗོངས་ཆེ་གེ་མོ་དང་། ལྗོངས་ཀྱི་ཕྱོགས་ཆེ་གེ་མོ་དང་། ཤིང་ལྗོན་པ་ཆེ་གེ་མོ་དང་། སྡོང་པོ་ཆེ་གེ་མོ་དང་། ཡལ
287a5 ག་དང་། འདབ་མ་དང་། མེ་ཏོག་དང་། འབྲས་བུ་དང་། རྩཝ་དང་། ཤིང་དང་། ཡལ་ག་དང་། ཤིང་གི་དུམ་བུ་ཆེ་གེ་མོ་ལས་ཆར་བབ་པའོ། །འདི་ནི་བ་ལང་སྤྱོད་པ་དང་། ཤར་གྱི་ལུས་འཕགས་དང་། བྱང་གི་སྒྲ་མི་སྙན་གྱི་གླིང་ནས་ཆར་བབ་པའོ། །གྲོང་ཆེ་གེ་མོ་དང་། གྲོང
287a6 རྡལ་ཆེ་གེ་མོ་དང་། ལྗོངས་ཆེ་གེ་མོ་དང་། ལྗོངས་ཀྱི་ཕྱོགས་ཆེ་གེ་མོ་དང་། ཤིང་ལྗོན་པ་ཆེ་གེ་མོ་དང་། སྡོང་པོ་ཆེ་གེ་མོ་དང་། ཡལ་ག་དང་། འདབ་མ་དང་། མེ་ཏོག་དང་། འབྲས་བུ་དང་། རྩཝ་དང་། ཤིང་དང་། ཡལ་ག་དང་། ཤིང་གི་དུམ་བུ་ཆེ་གེ་མོ་ལས་ཆར་བབ་པའོ་ཞེས་ཡོངས་སུ
287a7 དཔྱོད་པར་མཛད་དེ། ཆུའི་ཐིགས་པ་དེ་ཡང་རྡུལ་ཕྲ་རབ་ཙམ་དུ་ཡོངས་སུ་དཔྱོད་པར་མཛད་དོ། །གནས་འཇོག་གི་རྒྱུད་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དག་ནི་བསྒོམ་པའི་སྟོབས་དེ་ལྟ་བུ་དང་ལྡན་པ་དག་ཡིན་ཞིང་། གང་དག་འདས་པ་དག་དང
iiif viewer powered by OpenSeadragon
