| e-texts navigator |
| Wylie |
285b1 ཤིང་མངོན་དུ་བཟུང་ལགས་ཏེ། དོག་ས་ཆེན་པོ་འདི་ལ་དོག་ས་ལས་བྱུང་བའི་རོའི་ཁམས་གྱ་ནོམ་པ་གང་ལགས་པ་དེ་ནི་འོག་ན་གནས་ལགས་ཤིང་། བདག་ཀྱང་བདག་ཉིད་ཀྱི་ཡང་དག་པར་ཤེས་པ་མཐོང་བ་འཇུག་ལགས་སོ། །དོག་ས་ཆེན་པོ་འདི་ལ་དོག་ས་ལས་བྱུང་བའི་རོའི
285b2 ཁམས་གྱ་ནོམ་པ་གང་ལགས་པ་འདི་ནི་འོག་ན་གནས་པ་ལགས་ཏེ། བཙུན་པ་དེའི་སླད་དུ་དོག་ས་ཆེན་པོ་བསྒྱུར་བར་བདག་འཚལ་ལགས་སོ། །དོག་ས་ཆེན་པོ་འདིའི་འོག་ན་རོའི་ཁམས་གྱ་ནོམ་པ་གང་ལགས་པ་དེ་སྟེང་ན་མཆིས་པར་བགྱི་ལགས་སོ། །སྟེང་ན་མཆིས་པ་གང་ལགས
285b3 པ་དེ་འོག་ན་མཆིས་པར་བགྱི་ལགས་སོ། །དེ་ལ་འདི་སྐད་ཅེས་ཀྱང་ངས་བཀའ་སྩལ་ཏོ། །མཽད་གལ་གྱི་བུ་ས་ཆེན་པོ་བསྒྱུར་བར་འདོད་དམ། དེས་འདི་སྐད་ཅེས་གསོལ་ཏོ། །བཙུན་པ་དོག་ས་ཆེན་པོ་བསྒྱུར་བར་འཚལ་ལགས་སོ། །དེ་ལ་འདི་སྐད་ཅེས་བཀའ་སྩལ་ཏོ། །གནས་འདིར་གནས
285b4 ཏེ་ས་ཆེན་པོ་བསྒྱུར་བར་འདོད་དམ། དེས་འདི་སྐད་ཅེས་གསོལ་ཏོ། །བཙུན་པ་ཁོར་ཡུག་དང་ཁོར་ཡུག་ཆེན་པོ་དག་གི་གནས་སུ་གནས་ཏེ་དོག་ས་ཆེན་པོ་བསྒྱུར་བར་འཚལ་ལགས་སོ། །དེ་ལ་ཡང་འདི་སྐད་ཅེས་བཀའ་སྩལ་ཏོ། །མཽད་གལ་གྱི་བུ་ས་ཆེན་པོ་བསྒྱུར་བར་འདོད་ན་གང་དག
285b5 ས་ལ་རྟེན་པའི་སེམས་ཅན་དང་། སྲོག་ཆགས་དེ་དག་ཇི་ལྟར་བྱེད། དེས་འདི་སྐད་ཅེས་གསོལ་ཏོ། །བཙུན་པ་དོག་ས་ཆེན་པོ་བསྒྱུར་བར་འཚལ་ལགས་ཏེ། གང་དག་དོག་ས་ལ་རྟེན་པའི་སེམས་ཅན་དང་། སྲོག་ཆགས་དེ་དག་ལག་པ་གཡོན་པས་བླངས་ཏེ་བཟུང་བར་བགྱི་ལགས
285b6 སོ། །ལག་པ་གཡས་པས་ནི་ས་ཆེན་པོ་བསྒྱུར་བར་བགྱི་ལགས་སོ། །དེ་ལ་ཡང་འདི་སྐད་ཅེས་བཀའ་སྩལ་ཏོ། །མཽད་གལ་གྱི་བུ་ཆེན་པོ་ས་ཆེན་པོ་སྒྱུར་བར་བྱེད་པ་ན་ཇི་ལྟ་བུའི་འདུ་ཤེས་དང་ལྡན་པར་བྱེད། དེས་འདི་སྐད་ཅེས་གསོལ་ཏོ། །བཙུན་པ་ས་ཆེན་པོ་སྒྱུར་བར་བགྱིད་པ་ན་འདུ
285b7 ཤེས་མཆོག་ཏུ་ཡང་བ་དང་ལྡན་པར་བགྱིད་ལགས་ཏེ། འདི་ལྟ་སྟེ། སྐྱེས་བུ་སྟོབས་དང་ལྡན་པ་ཞིག་ཆུ་ཤིང་གི་འདབ་མ་སྒྱུར་བར་བགྱིད་པ་ན་འདུ་ཤེས་མཆོག་ཏུ་ཡང་བ་དང་ལྡན་པར་བགྱིད་ལགས་སོ། །བཙུན་པ་དེ་བཞིན་དུ་བདག་ས་ཆེན་པོ་སྒྱུར་བར་བགྱིད་པ་ན། །འདུ་ཤེས་མཆོག
iiif viewer powered by OpenSeadragon
