| e-texts navigator |
| Wylie |
284a1 མཉམ་པ། ཡོན་ཏན་མཚུངས་པ་མཉམ་པ། བསོད་ནམས་ཀྱི་འབྲས་བུ་རྣམ་པར་སྨིན་པ་མཉམ་པ་དག་ཡིན་ཏེ། རྒྱུ་གསུམ་པོ་རིགས་དང་། སྐུ་ཚེ་དང་། སྐུ་ལུས་ཀྱིས་མཉམ་པ་དག་ནི་མ་ཡིན་ནོ། །བཙུན་པ་བདག་ཅག་གིས་དེ་བཞིན་གཤེགས་པ་ལས་དེ
284a2 བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཡབ་ཡུམ་ལས་བྱུང་བའི་སྟོབས་ཀྱང་ཐོས་ལགས། བསོད་ནམས་ཀྱི་སྟོབས་ཀྱང་ཐོས་ལགས་ན་བཙུན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དག་ཤེས་རབ་ཀྱི་སྟོབས
284a3 ཇི་ལྟ་བུ་དང་ལྡན་པ་དག་ལགས། གནས་འཇོག་གི་རྒྱུད་དག་ཁྱེད་དེ་བཞིན་གཤེགས་པ་ལས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཤེས་རབ་ཀྱི་སྟོབས་ཉན་པར་འདོད་དམ། བཙུན་པ་བཅོམ་ལྡན་འདས་མཆོག་ཏུ་འཚལ་ལགས་སོ། །བདེ
284a4 བར་གཤེགས་པ་མཆོག་ཏུ་འཚལ་ལགས་སོ། །གནས་འཇོག་གི་རྒྱུད་དག་དེའི་ཕྱིར་ཁྱེད་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་ངས་བཤད་དོ། །གནས་འཇོག་གི་རྒྱུད་དག་རྒྱ་མཚོ་ཆེན་པོ་ནི་ཟབས་སུ་དཔག་ཚད་བརྒྱད་ཁྲི་ཡོད་པ། རྒྱར་དཔག་ཏུ་མེད་པ་དེ་སྣག་ཚའི་སྙིང་ཁུས་ཡོངས
284a5 སུ་གང་བར་གྱུར་ཅིང་། རིའི་རྒྱལ་པོ་རི་རབ་དཔག་ཚད་བརྒྱད་ཁྲི་ཆུའི་ནང་ནས་མངོན་དུ་འཕགས་ཏེ། རིན་པོ་ཆེ་སྣ་བཞི་ལས་བྱས་ཤིང་། ངོས་བཞི་ཡོད་པ། དེའི་ངོས་གཅིག་ནི་གསེར་ལས་བྱས་པ་ཡིན། ངོས་གཉིས་པ་ནི་དངུལ་ལས་བྱས་པའོ། །གསུམ་པ་ནི་བཻ་དཱུརྱ་ལས་བྱས་པའོ། །བཞི་པ་ནི
284a6 ཤེལ་ལས་བྱས་པ་སྟེ། དེ་ལ་གསེར་གྱི་ངོས་སུ་ནི་བྱང་གི་སྒྲ་མི་སྙན་གྱི་གླིང་སྣང་ངོ་། །དངུལ་ལས་བྱས་པའི་ངོས་སུ་ནི་ཤར་གྱི་ལུས་འཕགས་ཀྱི་གླིང་སྣང་ངོ་། །བཻ་དཱུརྱ་ལས་བྱས་པའི་ངོས་ན་ནི་འཛམ་བུའི་གླིང་སྣང་ངོ་། །ཤེལ་ལས་བྱས་པའི་ངོས་ན་ནི་བ་ལང་སྤྱོད་ཀྱི་གླིང་སྣང་ངོ་། །རིའི་རྒྱལ
284a7 པོ་རི་རབ་དཔག་ཚད་བརྒྱད་ཁྲི་འོག་ཏུ་ཆུའི་ནང་དུ་ནུབ་སྟེ། གསེར་ལས་བྱས་པའི་ས་སྟེང་གི་བར་ན་གནས་པ་དེ་གྲོ་གའི་ཤོག་ཤོག་ཙམ་དུ་གྱུར་ལ། གླིང་བཞི་ན་སེམས་ཅན་གྱི་ཁམས་གང་སུ་དག་ཡོད་པ་ཡི་གེ་པ་རྣམས་ནི་དེ་ཙམ་དུ་གྱུར་ཏེ། ས་ཆེན་པོའི་སྟེང་ན་རྩཝ་དང་། ཤིང་དང་། ཤིང
iiif viewer powered by OpenSeadragon
