| e-texts navigator |
| Wylie |
282a1 ནམས་དག་ཏུ་ངེས་པར་བརྟག་པར་བྱས་ཀྱང་བརྒྱའི་ཆར་ཡང་ཉེ་བར་མི་འགྲོའོ། །སྟོང་གི་ཆ་དང་། བརྒྱ་སྟོང་གི་ཆ་དང་། གྲངས་དང་། ཆ་དང་། བགྲང་བ་དང་། དཔེ་དང་། རྒྱུར་ཡང་ཉེ་བར་མི་འགྲོའོ། །གནས་འཇོག་གི་རྒྱུད་དག་གླིང་བཞིའི་སེམས་ཅན་རྣམས
282a2 ཀྱི་བསོད་ནམས་གང་ཡིན་པ་དེ་གླིང་བཞིའི་བདག་པོ་འཁོར་ལོས་སྒྱུར་བའི་བསོད་ནམས་དག་ཏུ་ངེས་པར་བརྟག་པར་བྱས་ཀྱང་བརྒྱའི་ཆར་ཡང་ཉེ་བར་མི་འགྲོའོ། །སྟོང་གི་ཆ་དང་། བརྒྱ་སྟོང་གི་ཆ་དང་། གྲངས་དང་། ཆ་དང་། བགྲང་བ་དང་། དཔེ་དང་། རྒྱུར་ཡང་ཉེ་བར་མི་འགྲོའོ། །
282a3 གནས་འཇོག་གི་རྒྱུད་དག་ཡང་འཁོར་ལོས་སྒྱུར་བ་བཞི་བྱུང་སྟེ། གླིང་གཅིག་པ་དང་། གླིང་གཉིས་པ་དང་། གླིང་གསུམ་པ་དང་། གླིང་བཞི་པའི་འཁོར་ལོས་སྒྱུར་བའོ། །དེ་ལ་གླིང་གཅིག་པའི་འཁོར་ལོས་སྒྱུར་བའི་འཁོར་ལོ་ནི་ལྕགས་ལས་བྱས་པ་ཁོར་ཡུག་ཏུ་རྒྱང་གྲགས་གཅིག་ཡོད
282a4 པ་འབྱུང་ངོ་། །གླིང་གཉིས་པའི་འཁོར་ལོས་སྒྱུར་བའི་འཁོར་ལོ་ནི་ཟངས་ལས་བྱས་པ་ཁོར་ཡུག་ཏུ་རྒྱང་གྲགས་གཉིས་ཡོད་པ་འབྱུང་ངོ་། །གླིང་གསུམ་པའི་འཁོར་ལོས་སྒྱུར་བའི་འཁོར་ལོ་ནི་དངུལ་ལས་བྱས་པ་ཁོར་ཡུག་ཏུ་རྒྱང་གྲགས་གསུམ་ཡོད་པ་འབྱུང་ངོ་། །གླིང་བཞི་པའི་འཁོར་ལོས
282a5 སྒྱུར་བའི་འཁོར་ལོ་ནི་གསེར་ལས་བྱས་པ་རྩིབས་སྟོང་པ་ལྟེ་བ་དང་བཅས་པ། མུ་ཁྱུད་དང་བཅས་པ་ཐམས་ཅད་གསེར་ལས་བྱས་པ། ལྷ་རྫས་ཀྱི་འོད་འཕྲོ་བ། འོད་རབ་ཏུ་གསལ་བ། ཁོར་ཡུག་ཏུ་རྒྱང་གྲགས་བཞི་ཡོད་པ་འབྱུང་ངོ་། །གནས་འཇོག་གི་རྒྱུད་དག་གླིང་བཞི་པའི་འཁོར
282a6 ལོས་སྒྱུར་བ་དག་། བྱེ་བ་ཕྲག་འབུམ་གྱི་བསོད་ནམས་གང་ཡིན་པ་དེ་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་བསོད་ནམས་དག་ཏུ་ངེས་པར་བརྟག་པར་བྱས་ཀྱང་བརྒྱའི་ཆར་ཡང་ཉེ་བར་མི་འགྲོའོ། །སྟོང་གི་ཆ་དང་། བརྒྱ་སྟོང་གི་ཆ་དང་། གྲངས་དང་། ཆ་དང་། བགྲང་བ་དང་། དཔེ་དང་།
282a7 རྒྱུར་ཡང་ཉེ་བར་མི་འགྲོའོ། །རྒྱལ་ཆེན་བཞིའི་རིས་ཀྱི་ལྷ་དག་བྱེ་བ་ཕྲག་འབུམ་གྱི་བསོད་ནམས་གང་ཡིན་པ་དེ་རྒྱལ་པོ་ཆེན་པོ་བཞིའི་བསོད་ནམས་དག་ཏུ་ངེས་པར་བརྟག་པར་བྱས་ཀྱང་བརྒྱའི་ཆར་ཡང་ཉེ་བར་མི་འགྲོའོ། །སྟོང་གི་ཆ་དང་། བརྒྱ་སྟོང་གི་ཆ་དང་། གྲངས་དང་། ཆ་དང་།
iiif viewer powered by OpenSeadragon
