| e-texts navigator |
| Wylie |
280b1 སྒོམ་པའི་སྟོབས་སོ། །བཙུན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དག་ཡབ་ཡུམ་ལས་བྱུང་བའི་སྟོབས་ཇི་ལྟ་བུ་དང་ལྡན་པ་ལགས། གནས་འཇོག་གི་རྒྱུད་དག་ཁྱེད་དེ་བཞིན་གཤེགས་པ་ལས་དེ་བཞིན་གཤེགས་པ་དགྲ་བཅོམ་པ
280b2 ཡང་དག་པར་རྫོགས་པའི་སངས་རྒྱས་རྣམས་ཀྱི་ཡབ་ཡུམ་ལས་བྱུང་བའི་སྟོབས་ཉན་པར་འདོད་དམ། བཙུན་པ་བཅོམ་ལྡན་འདས་མཆོག་ཏུ་འཚལ་ལགས་སོ། །བདེ་བར་གཤེགས་པ་མཆོག་ཏུ་འཚལ་ལགས་སོ། །གནས་འཇོག་གི་རྒྱུད་དག་དེའི་ཕྱིར་ཁྱེད་ལེགས་པར་རབ
280b3 ཏུ་ཉོན་ལ་ཡིད་ལ་ཟུང་ཤིག་དང་ངས་ཁྱོད་ལ་བཤད་དོ། །གནས་འཇོག་གི་རྒྱུད་དག་མི་བཅུའི་སྟོབས་གང་ཡིན་པ་དེ་བ་ལང་ཕལ་གཅིག་གི་སྟོབས་སོ། །བ་ལང་ཕལ་བཅུའི་སྟོབས་གང་ཡིན་པ་དེ་བ་ལང་སྔོན་པོ་གཅིག་གི་སྟོབས་སོ། །བ་ལང་སྔོན་པོ་བཅུའི་སྟོབས་གང་ཡིན་པ་དེ
280b4 ཁྱུ་མཆོག་གཅིག་གི་སྟོབས་སོ། །ཁྱུ་མཆོག་བཅུའི་སྟོབས་གང་ཡིན་པ་དེ་གཡག་གཅིག་གི་སྟོབས་སོ། །གཡག་བཅུའི་སྟོབས་གང་ཡིན་པ་དེ་བསེ་གཅིག་གི་སྟོབས་སོ། །བསེ་བཅུའི་སྟོབས་གང་ཡིན་པ་དེ་གླང་པོ་ཆེ་ཕལ་གཅིག་གི་སྟོབས་སོ། །གླང་པོ་ཆེ་ཕལ་བཅུའི
280b5 སྟོབས་གང་ཡིན་པ་དེ་སྒྲ་གསལ་བར་མི་བྱེད་པའི་གླང་པོ་ཆེ་གཅིག་གི་སྟོབས་སོ། །སྒྲ་གསལ་བར་མི་བྱེད་པའི་གླང་པོ་ཆེ་བཅུའི་སྟོབས་གང་ཡིན་པ་དེ་སྒྲ་ཆེན་པོར་བྱེད་པའི་གླང་པོ་ཆེ་གཅིག་གི་སྟོབས་སོ། །སྒྲ་ཆེན་པོར་བྱེད་པའི་གླང་པོ་ཆེ་བཅུའི་སྟོབས་གང་ཡིན་པ་དེ་མཆེ་བ་གཅིག་པའི
280b6 གླང་པོ་ཆེ་གཅིག་གི་སྟོབས་སོ། །མཆེ་བ་གཅིག་པའི་གླང་པོ་ཆེ་བཅུའི་སྟོབས་གང་ཡིན་པ་དེ་རི་སྔོན་པོའི་གླང་པོ་ཆེ་གཅིག་གི་སྟོབས་སོ། །རི་སེར་པོ་དང་། རི་དམར་པོ་དང་། རི་དཀར་པོ་དང་། དྲི་མཆོག་དང་ལྡན་པ་དང་། དྲི་ངད་འཇམ་པ་དང་ལྡན་པ་དང་། དྲི་ཨུད་པ་ལ་དང་ལྡན་པ་དང་།
280b7 དྲི་ཀུ་མུ་ད་དང་ལྡན་པའི་སྟོབས་ཀྱང་དེ་བཞིན་ནོ། །ཀུ་མུ་དའི་སྤོས་ཀྱི་གླང་པོ་ཆེའི་སྟོབས་གང་ཡིན་པ་དེ་པད་མའི་གླང་པོ་ཆེ་གཅིག་གི་སྟོབས་སོ། །པད་མའི་གླང་པོ་ཆེ་བཅུའི་སྟོབས་གང་ཡིན་པ་དེ་པད་མ་ཆེན་པོའི་གླང་པོ་ཆེ་གཅིག་གི་སྟོབས་སོ། །པད་མ་ཆེན་པོའི་གླང་པོ་ཆེ་བཅུའི་སྟོབས་གང
iiif viewer powered by OpenSeadragon
