| e-texts navigator |
| Wylie |
279a1 བདག་ཅག་གིས་ལམ་ཡང་ཤིན་ཏུ་ཕྱག་དར་བྱས་པར་འགྱུར་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་མཆོད་པར་འགྱུར་ཏེ། ཕྱོགས་དང་ཕྱོགས་མཚམས་དག་ཏུ་ཡང་བདག་ཅག་གིས་དགེ་བ་རྒྱ་ཆེན་པོ་གྲགས
279a2 པ་དང་། སྒྲ་དང་། ཚིགས་སུ་བཅད་པས་མངོན་པར་འཕགས་པར་འགྱུར་བ་ནི་གང་དག་གིས་རྡོ་ཆེན་པོ་ཡངས་པ་འདི་ཕྱོགས་འདི་ནས་བཏེག་སྟེ་ཕྱོགས་ཅིག་ཤོས་སུ་འཕངས་པས། ཀྱེ་མ་ཀུ་ཤའི་གྲོང་ཁྱེར་གྱི་གྱད་དཔའ་བ་དག་ཅིག་བྱུང་ངོ་། །ཀྱེ་མ་ཀུ་ཤའི་གྲོང་ཁྱེར་གྱི་གྱད
279a3 རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཆེས་སྟོབས་དང་ལྡན་པ་དག་བྱུང་ངོ་ཞེས་ཟེར་གྱིས། ཤེས་ལྡན་དག་དེའི་ཕྱིར་རྡོ་ཆེན་པོ་ཡངས་པ་འདི་ག་ལ་བར་ཀུན་ཀྱང་ཕྱིར་བྱུང་སྟེ་དེང་ཤིག་།དེ་བཞིན་ནོ་ཞེས་སྨྲས་ནས་དེ་དག་དང་དེ་ཉིད་གཅིག་ལ་གཅིག་གི་ལྟར
279a4 ཉན་ཏེ། སོ་སོ་ནས་བཞོན་པ་བཟང་པོ་དག་ལ་ཞོན་ཏེ། བདག་ཅག་ནི་ས་སྟེང་འདི་ན་ཆེས་སྟོབས་དང་ལྡན་པའོ་སྙམ་དུ་རློམ་སེམས་བྱེད་ཅིང་འོངས་པ་དང་། རིགས་དང་། སྟོབས་དང་། ལུས་བྱད་དང་། དབང་ཕྱུག་གི་རྒྱགས་པས་དྲེགས་ཏེ། སྐད་མཐོན་པོ་དང་། སྐད་ཆེན་པོས
279a5 ག་ཞ་བྱེད་ཅིང་ཅ་ཅོ་བྱེད་ལ་དགའ་མགུ་རངས་ཤིང་དགའ་བ་དང་། བདེ་བ་དང་། ཡིད་བདེ་བ་སྐྱེས་ཏེ། འབྱོར་པ་ཆེན་པོ་མཆོག་གིས་ཀུ་ཤའི་གྲོང་ཁྱེར་ནས་ཕྱིར་བྱུང་སྟེ། རྟ་དང་། རྔ་མོ་དང་། བ་ལང་སྔོན་པོའི་མཆོག་ཏུ་བྱིན་པ་དང་། ཁྱུ་མཆོག་དང་། གླང་པོ་ཆེ་དང་། སྤོས་ཀྱི་གླང་པོ
279a6 ཆེ་བརྒྱ་ཕྲག་དུ་མ་དེད་ནས་རྡོ་ཆེན་པོ་ཡངས་པ་དེ་ག་ལ་བ་དེར་དོང་སྟེ་ཕྱིན་ནས། རྡོ་ཆེན་པོ་ཡངས་པ་དེ་རྩིད་པའི་ཐག་པ་སྲ་བས་རྣམ་པ་ཐམས་ཅད་དུ་དཀྲིས་ནས་དེ་དག་དང་དེ་ཉིད་ཁ་ཅིག་གིས་ནི་སྐས་བཙུགས་ཏེ། རྩཝ་མུན་ཛ་དང་། བལ་བ་ཛའི་ཐག་པ་དང་། རྟས་འདྲེན་པའི་ཐག་པ་དག་གིས
279a7 ཚུར་དྲང་བར་བྱ་ཕར་དྲང་བར་བྱའོ། །ཁ་ཅིག་ནི་རྨོ་ལྕགས་བརྒྱས་རྩ་ནས་འབྱིན་པར་འདོད་དོ། །ཁ་ཅིག་ནི་དགྲ་སྟ་དག་གིས་གཅོད་པར་འདོད། ཁ་ཅིག་ནི་རྡོ་རྗེས་གདབ་པ་དག་གིས་ཕྱེ་མར་བྱ་བར་འདོད། ཁ་ཅིག་ནི་ལུས་ཀྱི་སྟོབས་ཀྱིས་མཆུ་དག་བསྡམས་ཏེ་ཡོངས་སུ་བསྒུལ་བར་འདོད།
iiif viewer powered by OpenSeadragon
