| e-texts navigator |
| Wylie |
278b1 ཚོགས་ཤིང་ཡང་དག་པར་དགའ་བར་བགྱིད་ལ། རྩོད་པ་མ་མཆིས་ཤིང་རྩེ་གཅིག་སྟེ་བློ་གཅིག་པར་གྱུར་ནས་ཀུ་ཤའི་གྲོང་ཁྱེར་ཐམས་ཅད་ནི་ཆོ་ག་བཞིན་དུ་ཕྱག་དར་དག་བགྱིད། ཆག་ཆག་ལེགས་པར་བཏབ་པ་དང་། བྱི་དོར་ལེགས་པར་བགྱི་བ་དག་བགྱིས་ནས་རྒྱན་དང་ལྷབ་ལྷུབ
278b2 ཐམས་ཅད་དང་། བདུག་པ་དང་། ཕྲེང་བ་དང་། མེ་ཏོག་དང་། སྤོས་དང་། རོལ་མོའི་སྒྲ་གྱ་ནོམ་པ་དག་གིས་བརྒྱན་པར་བགྱིད། གདུགས་དང་། རྒྱལ་མཚན་དང་། བ་དན་དག་ཀྱང་འཛུགས་པར་བགྱིད། དུས་སྟོན་ཡང་རབ་ཏུ་འཇོག་པར་བགྱིད། བཅོམ་ལྡན་འདས་ཤུལ་གང
278b3 ནས་གཤེགས་པའི་ཤུལ་དེ་ཡང་ཆོ་ག་བཞིན་དུ་ཕྱག་དར་དག་བགྱིས་པས་གོར་མ་ཆེན་པོ་ཡངས་པ་དེ་གནས་མ་ལགས་པ་ན་མཆིས་ཤིང་། ཤུལ་པོ་ཆེ་ན་གནས་པ་མཐོང་ལགས་སོ། །དེ་ནས་བདག་ཅག་འདི་སྙམ་དུ་སེམས་སོ། །གང་འོ་ན་བདག་ཅག་གིས་རྡོ་ཆེན་པོ་ཡངས་པ་འདི་ཕྱོགས
278b4 འདི་ནས་བཏེག་སྟེ་ཕྱོགས་གང་ཡང་རུང་བར་གཞག་གོ། །དེའི་ཕྱིར་བདག་ཅག་གིས་ལམ་ཡང་ཤིན་ཏུ་ཕྱག་དར་བགྱིས་པར་འགྱུར་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་མཆོད་པར་འགྱུར་ཞིང་། ཕྱོགས་དང་ཕྱོགས་མཚམས་དག་ཏུ་ཡང་བདག
278b5 ཅག་གི་དགེ་བ་རྒྱ་ཆེན་པོར་གྲགས་པ་དང་། སྒྲ་དང་། ཚིགས་སུ་བཅད་པ་མངོན་དུ་འཕགས་པར་འགྱུར་ཏེ། གང་དག་གིས་རྡོ་ཆེན་པོ་ཡངས་པ་དེ་ཕྱོགས་འདི་ནས་བཏེག་སྟེ། ཕྱོགས་ཅིག་ཤོས་སུ་འཕངས་པས་ཀྱེ་མ་ཀུ་ཤའི་གྲོང་ཁྱེར་གྱི་གྱད་དཔའ་བ་དག་བྱུང་ངོ་། །ཀྱེ་མ་ཀུ་ཤའི
278b6 གྲོང་ཁྱེར་གྱི་གྱད་རྟུལ་ཕོད་པ་ཡན་ལག་མཆོག་གི་གཟུགས་དང་ལྡན་པ། ཆེས་སྟོབས་དང་ལྡན་པ་དག་བྱུང་བར་གྱུར་ཏོ་ཞེས་ཟེར་རོ་སྙམ་ནས་དེ་ལྟར་རྗེས་སུ་རྣམ་པར་བསམས་ཏེ། དམ་བཅའ་བ་ཁས་བླང་བ་དག་ནི་ཤེས་ལྡན་དག་ཀུ་ཤའི་གྲོང་ཁྱེར་གྱི་གྱད་དག་དང་། གྱད་ཀྱི་བུ་གཞོན་ནུ
278b7 དག་ཉོན་ཅིག་། བདག་ཅག་གིས་ལམ་འདི་ཕྱག་དར་བྱ་བར་བརྩོན་ནོ། །རྡོ་ཆེན་པོ་ཡངས་པ་འདི་ནི་གནས་མ་ཡིན་པ་ན་འདུག་ཅིང་རྒྱལ་པོའི་ལམ་ན་གནས་ཏེ། གང་འོ་ན་བདག་ཅག་གིས་རྡོ་ཆེན་པོ་ཡངས་པ་འདི་ཕྱོགས་འདི་ནས་བཏེག་སྟེ་ཕྱོགས་ཅིག་ཤོས་སུ་གཞག་པར་བྱའོ། །དེའི་ཕྱིར
iiif viewer powered by OpenSeadragon
