| e-texts navigator |
| Wylie |
276a1 @##། །རྒྱ་གར་སྐད་དུ། ཨཱརྱ་ཤི་ལ་ཀྵིཔྟ་སཱུ་ཏྲཾ། བོད་སྐད་དུ། འཕགས་པ་རྡོ་འཕངས་པའི་མདོ། བམ་པོ་དང་པོ། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས
276a2 གྱད་རྣམས་ཀྱི་ལྗོངས་རྒྱུ་བ་སྤྱད་ནས་སྡིག་པར་གཤེགས་ཏེ། སྡིག་པའི་སྲིན་བུ་པད་པའི་ནགས་ཁྲོད་དུ་བཞུགས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཀུ་ཤའི་གྲོང་ཁྱེར་ག་ལ་བར་ཚུར་ཤོག་།བཙུན་པ་དེ
276a3 བཞིན་ནོ་ཞེས་གསོལ་ནས་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་ལྟར་ཉན་ཏོ། །ཡང་དེའི་ཚེ་ཀུ་ཤའི་གྲོང་ཁྱེར་གྱི་གྱད་རྣམས་ནི་གྱད་ལྔ་བརྒྱ་ཙམ་སྟེ། དེ་ལ་གྱད་རེ་རེ་ཡང་གྱད་ཀྱི་འཁོར་བརྒྱ་བརྒྱ་དང་ལྡན་ནོ། །འདུན་ས་ཅིག་ཤོས་སུ་འདུས་ཏེ་འཁོད་པ་དེ་དག་བར
276a4 གྱི་གཏམ་ཡང་དག་པར་བརྗོད་པ་འདི་ལྟ་བུ་བྱུང་སྟེ། ཤེས་ལྡན་དག་བཅོམ་ལྡན་འདས་གྱད་རྣམས་ཀྱི་ལྗོངས་སུ་རྒྱུ་བ་སྤྱད་ནས་སྡིག་པར་གཤེགས་ཏེ། སྡིག་པའི་སྲིན་བུ་པད་པའི་ནགས་ཁྲོད་ན་བཞུགས་སོ། །དེ་ལ་སྡིག་པར་སྐྱེས་པའི་གྱད་རྣམས་ཀྱིས་རི་མོར་བྱ་བ
276a5 མཆོག་གིས་རི་མོར་བྱས། མཆོད་པར་བྱ་བ་མཆོག་གིས་མཆོད། བླ་མ་ལ་གུས་པ་མཆོག་གིས་ཀྱང་བསྙེན་བཀུར་བྱས་སོ། །བཅོམ་ལྡན་འདས་ཀྱིས་ཀྱང་དེ་དག་ལ་ཆོས་ཀྱི་སྦྱིན་པ་དམ་པ་གྱ་ནོམ་པ་བླ་ན་མེད་པས་ཕན་གདགས་པར་མཛད་དོ། །དེ་ལ་ད་བཅོམ་ལྡན་འདས
276a6 གནས་པ་ཇི་ལྟ་བུར་གནས་པས་རིང་པོ་མི་ཐོགས་པར་དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང་དགེ་སློང་གི་དགེ་འདུན་གྱིས་མདུན་དུ་བདར་ཏེ། བདག་ཅག་གི་གྲོང་གི་ཞིང་དུ་ཀུ་ཤའི་གྲོང་ཁྱེར་དུ་གཤེགས་སོ་སྙམ་མོ། །དེ་ལ་གང་འོ་ན་བདག་ཅག་གིས་ཀྱང་བཅོམ་ལྡན་འདས་དེ་ལ་རི
276a7 མོར་བྱ་བ་དང་། མཆོད་པར་བྱ་བས་བདག་ལ་ཕན་པར་བྱ་བའི་ཕྱིར་ཀུ་ཤའི་གྲོང་ཁྱེར་ཀུན་ཆོ་ག་བཞིན་དུ་ཕྱག་དར་དག་བྱ། ཆག་ཆག་ལེགས་པར་བཏབ་པ་དང་། བྱི་དོར་ལེགས་པར་བྱ་བ་དག་བྱས་ནས་རྒྱན་དང་ལྷབ་ལྷུབ་ཐམས་ཅད་དང་། བདུག་པ་དང་། ཕྲེང་བ་དང་། མེ་ཏོག་དང་།
iiif viewer powered by OpenSeadragon
