| e-texts navigator |
| Wylie |
77b1 དུས་སུ་སྐྱེ་བའི་དབང་ངམ། ཡང་དག་པའི་ཚུལ་ཁྲིམས་འཆལ་པའམ། སྦྱོར་བས་ཚུལ་ཁྲིམས་འཆལ་པའམ། དངོས་པོས་ཚུལ་ཁྲིམས་འཆལ་པའམ། ལུས་ཀྱི་རྣམ་གསུམ་དང་། ངག་གི་རྣམ་བཞི་དང་། ཡིད་ཀྱི་རྣམ་གསུམ་གྱིས་སངས་རྒྱས་དང་།
77b2 ཆོས་དང་། དགེ་འདུན་དང་། ཕ་མ་དང་། མཁན་པོ་དང་། སློབ་དཔོན་ནམ། བླ་མ་གཞན་དག་ལ་ཉེས་པ་བགྱིས་པའམ། སེམས་ཅན་གྱི་ཁམས་ལྟ་བ་ལོག་པ་ལ་བཙུད་པའམ། སེམས་ཅན་ཡང་དག་པ་སྒྲུབ་པ་ལ་གནས་པ་རྣམས་ཀྱི་བར
77b3 ཆད་བགྱིས་པའམ། དགེ་བའི་རྩ་བ་རྣམས་ལོག་པར་སྔོ་བས་ཡོངས་སུ་བསྔོས་པའམ། དེ་བཞིན་གཤེགས་པ་ལ་ཡང་དག་པ་མ་ཡིན་པ་སྨྲས་པའམ། ཆོས་ཆོས་མ་ཡིན་པ་ཆོས་སུ་བསྟན་པའམ། ཆོས་ཆོས་མ་ཡིན་པར་བསྟན་པའམ། འདུལ་བ་མ
77b4 ཡིན་པ་འདུལ་བར་བསྟན་པའམ། འདུལ་བ་འདུལ་བ་མ་ཡིན་པར་བསྟན་པའམ། ལམ་མ་ཡིན་པ་ལམ་དུ་བསྟན་པའམ། ལམ་ལམ་མ་ཡིན་པར་བསྟན་པའམ། སྒྲིབ་པ་གང་གིས་བསྒྲིབས་ནས་བདག་མི་དགེ་བའི་ཆོས་མངོན་དུ་འགྱུར་ཞིང་དགེ་བའི
77b5 ཕྱོགས་ལ་སེམས་ཡང་དག་པར་མི་གནས་པའམ། སྒྲིབ་པ་གཞན་གྱིས་བསྒྲིབས་ནས་བློ་གཡེང་བར་འགྱུར་བའམ། སེམས་གཡེང་བར་འགྱུར་བའི་ནོངས་པ་གང་ལགས་པ་དེ་དག་ཐམས་ཅད་ནོངས་པ་བཤགས་པར་བགྱིའོ། །ཇི་ལྟར་བྱིས་པ། ཇི་ལྟར་བླུན
77b6 པ། ཇི་ལྟར་མི་གསལ་བ། ཇི་ལྟར་མི་མཁས་པ། ཇི་ལྟར་འཆལ་པའི་ཤེས་རབ་ཀྱི་རང་བཞིན་ཅན་དེ་ལྟར་ནོངས་པ་ནོངས་པར་བཤགས་པར་བགྱིའོ། །ནོངས་པ་ནོངས་པར་བཤགས་ནས་ཕྱིས་སྡོམ་པ་བླངས་ཤིང་ཡང་དེ་ལྟར་མི་བགྱི་སྟེ། དེ་ལྟར་ལན
77b7 གཉིས་དེ་ལྟར་ལན་གསུམ་དུའོ། །ཡང་སངས་རྒྱས་བཅོམ་ལྡན་འདས་དེ་དག་བདག་ལ་དགོངས་སུ་གསོལ། གང་སངས་རྒྱས་ཐམས་ཅད་སྔོན་བྱང་ཆུབ་སེམས་དཔར་གྱུར་པ་རྣམས་ཀྱིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་པ་འདི་ལྟ་སྟེ། སྦྱིན་པ་དང་།
iiif viewer powered by OpenSeadragon
