| e-texts navigator |
| Wylie |
75b1 ཡོངས་སུ་སྨིན་པར་མཛད་པའི་སླད་དུ་ཐུགས་རྗེ་ཆེན་པོ་ཆུད་མ་གཟན་པ། བསྐུལ་བ་ལ་གཞེས་པ། ཅང་མི་གསུང་བ་ལ་དགྱེས་པ། བྱང་ཆུབ་ཀྱི་ཤིང་ལ་གཟིགས་པ། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ
75b2 ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་ཐམས་ཅད་ཀྱིས་མངོན་པར་བསྟོད་དེ། དགྱེས་ཤིང་བཞུགས་པའི་སངས་རྒྱས་བཅོམ་ལྡན་འདས་དེ་དག་ལ་ཆོས་ཀྱི་འཁོར་ལོ་རབ་ཏུ་བསྐོར་བར་བསྐུལ་གྱིས། སངས་རྒྱས་བཅོམ་ལྡན་འདས་རྣམས་ཀྱིས་ཆོས་ཀྱི་འཁོར་ལོ
75b3 རབ་ཏུ་བསྐོར་དུ་གསོལ། འདི་ལྟ་སྟེ། ཆོས་ཀྱི་འཁོར་ལོ་མི་འཇུག་པའི་ཆོས་ཀྱི་འཁོར་ལོ་དང་། མངོན་པར་མི་འགྲུབ་པའི་འཁོར་ལོ་དང་། ཚུ་རོལ་དང་། ཕ་རོལ་ཡོངས་སུ་གཅོད་པའི་འཁོར་ལོ་དང་། རྟེན་ཅིང་འབྲེལ་བར་འབྱུང་བ་ཟབ་མོའི་འཁོར་ལོ་དང་།
75b4 བདུད་ཕྱིར་རྒོལ་བ་ཆོམས་པའི་འཁོར་ལོ་བསྐོར་དུ་གསོལ། བརྗོད་དུ་མ་མཆིས་པའི་རྔ་བརྡུང་དུ་གསོལ། སྒྲ་མ་མཆིས་པའི་དུང་བུད་དུ་གསོལ། ཆོས་ཤེས་པའི་རྒྱལ་མཚན་དང་ཏོག་བསྒྲེང་དུ་གསོལ། ཤེས་རབ་དང་། ཡེ་ཤེས་དང་། རྣམ་པར་གྲོལ་བའི
75b5 སྒྲོན་མ་འབར་བར་མཛད་དུ་གསོལ། ཐུགས་རྗེ་ཆེན་པོའི་སྤྲིན་བསྡུ་བར་གསོལ། ཆོས་ཆེན་པོའི་ཆུའི་ཆར་པའི་རྒྱུན་གྱིས་སེམས་ཅན་རྣམས་ཀྱི་དགེ་བའི་རྩ་བའི་ལོ་ཏོག་རྣམ་པར་སྤེལ་དུ་གསོལ། འཕགས་པའི་ཤེས་རབ་དང་། ཡེ་ཤེས་ཀྱི་ནོར་གྱིས་སེམས་ཅན
75b6 ཐམས་ཅད་ཚིམ་པར་མཛད་དུ་གསོལ་ཞེས་བརྗོད་པར་བྱའོ། །རིགས་ཀྱི་བུ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་བསྐུལ་བའི་ཕུང་པོ་ཁ་ན་མ་ཐོ་བ་མེད་པའོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་དེས་དེ་བཞིན་དུ་འདུག་སྟེ། ཚིག་འདི
75b7 སྐད་ཅེས་སངས་རྒྱས་བཅོམ་ལྡན་འདས་གང་དག་ཕྱོགས་བཅུའི་འཇིག་རྟེན་གྱི་ཁམས་རབ་འབྱམ་དཔག་ཏུ་མ་མཆིས་པ་དག་ན་སངས་རྒྱས་ཀྱི་མཛད་པ་དག་ཤིན་ཏུ་མཛད་པ། ལེགས་པར་བགྱིས་པའི་ཆོས་ཀྱི་རྒྱུན་མི་གཅོད་པ། བྱང་ཆུབ་སེམས་དཔའ་རྣམས་ཤིན་ཏུ་ལུང
iiif viewer powered by OpenSeadragon
