| e-texts navigator |
| Wylie |
61a1 བ་དང་། འོད་གསལ་བར་འགྱུར་བ་དང་། ཁ་ན་མ་ཐོ་བ་མ་མཆིས་པར་འགྱུར་བ་དང་། གསལ་བར་འགྱུར་བ་དང་། དུག་མ་མཆིས་པར་འགྱུར་བ་དང་། སྒྲིབ་པ་མ་མཆིས་པར་འགྱུར་བ་དང་། བར་དུ་གཅོད་པ་མ་མཆིས་པར་འགྱུར་བ་དང་། ཡོན་ཏན་གྱི
61a2 ཆོས་ཐམས་ཅད་སྒྲུབ་པར་འགྱུར་བ་དེ་ལྟ་བུར་སྒྲིབ་པར་འགྱུར་བའི་ལས་ཀྱི་ཉེས་པ་ཐམས་ཅད་འཆགས་སོ། །ཇི་ལྟར་བདག་གི་དོན་དུ་བཤགས་པ་དེ་བཞིན་དུ་འཇིག་རྟེན་གྱི་ཁམས་རབ་འབྱམ་མ་ལུས་པ་ཐམས་ཅད་ན་སེམས་ཅན་ཇི་ཙམ་སེམས་ཅན་གྱི་རིས་ན་མཆིས་པ་སེམས་ཅན་གྱི་ཁམས
61a3 དེ་དག་ཐམས་ཅད་ཀྱི་ཆེད་དུ་ཡང་སྒྲིབ་པར་འགྱུར་བའི་ལས་ཀྱི་ཉེས་པ་འཆགས་སོ། །དེ་ལྟར་བདག་གི་ལས་ཀྱི་ཉེས་པ་སྒྲིབ་པར་འགྱུར་བ་ཐམས་ཅད་སོ་སོར་བཤགས་ནས་སྒྲིབ་པ་མ་མཆིས་པ་རྣམ་པར་དག་པའི་དཀྱིལ་འཁོར་ལ་གནས་ཏེ། འགྲོ་བ་ཐམས་ཅད་ཀྱི་དགེ་བའི་རྩ་བ་ལ་རྗེས
61a4 སུ་ཡི་རང་ངོ་། །དགེ་བའི་རྩ་བའི་ཚོགས་ཀྱི་ཁྱད་པར་གང་གིས་ངན་སོང་དབུལ་པོ་ཀྱི་མི་ཁོམ་པར་མཆི་བ་ཐམས་ཅད་རྣམ་པར་བཟློག་པ་དེ་ལ་ཡང་རྗེས་སུ་ཡི་རང་ངོ་། །སེམས་ལ་གནོད་པ་མ་མཆིས་ཤིང་འོད་གསལ་བ། དགེ་བའི་རྩ་བའི་ཚོགས་ཀྱི་ཁྱད་པར་གང་གིས
61a5 ངན་སོང་དུད་འགྲོའི་སྐྱེ་གནས་ཀྱི་མི་ཁོམ་པར་མཆི་བ་ཐམས་ཅད་རྣམ་པར་བཟློག་པ་དེ་ལ་ཡང་རྗེས་སུ་ཡི་རང་ངོ་། །དགེ་བའི་རྩ་བའི་ཚོགས་ཀྱི་ཁྱད་པར་གང་གིས་སེམས་ཅན་དམྱལ་བའི་མི་ཁོམ་པར་མཆི་བ་ཐམས་ཅད་རྣམ་པར་བཟློག་པ་དེ་ལ་ཡང་རྗེས་སུ་ཡི་རང་ངོ་། །བཟང་པོའི
61a6 གནས་དགེ་བའི་རྩ་བའི་ཚོགས་ཀྱི་ཁྱད་པར་གང་གིས་ལྷ་དང་མིར་སྐྱེ་བ་ཐམས་ཅད་ཡོངས་སུ་འཛིན་པ་དེ་ལ་ཡང་རྗེས་སུ་ཡི་རང་ངོ་། །དགེ་བའི་རྩ་བའི་ཚོགས་ཀྱི་ཁྱད་པར་གང་གིས་བསམ་གཏན་གྱི་དགའ་བ་དང་མགུ་བ་དང་བདེ་བ་ཐམས་ཅད་མྱོང་བ་དེ་ལ་ཡང་རྗེས་སུ་ཡི་རང་ངོ་། །
61a7 དགེ་བའི་རྩ་བའི་ཚོགས་ཀྱི་ཁྱད་པར་གང་གིས་འཁོར་བ་ལ་ཡིད་འབྱུང་བའི་སེམས་ཐོབ་པ་དེ་ལ་ཡང་རྗེས་སུ་ཡི་རང་ངོ་། །དགེ་བའི་རྩ་བའི་ཚོགས་ཀྱི་ཁྱད་པར་གང་གིས་དགེ་བའི་བཤེས་གཉེན་ཡང་དག་པས་ཡོངས་སུ་བཟུང་བ་ཐོབ་པ་དེ་ལ་ཡང་རྗེས་སུ་ཡི་རང་ངོ་། །དགེ་བའི་རྩ
iiif viewer powered by OpenSeadragon
