| e-texts navigator |
| Wylie |
91a1 པ་བཞིན་དུ་སྡོམ། །ཟས་ཀྱི་ཚོད་ཀྱང་རིག་པར་བྱ། །གནས་ཀྱང་དབེན་པར་འཇུག་པར་བྱ། །རབ་ཏུ་སེམས་དང་ལྡན་པ་ནི། །དེ་ནི་སངས་རྒྱས་བསྟན་པའོ། །བཞི་སྟེ་ལོག་པར་དད་སེལ་སངས་རྒྱས་ཀྱིས་བསྟན་པ། ཇི་ལྟར་བུང་བ་མེ་ཏོག་གི། །ཁ་དོག་བསུང་ལ་མི
91a2 གནོད་པར། །ཁུ་བ་བླངས་ཏེ་འཕུར་བ་བཞིན། །དེ་བཞིན་བྱང་ཆུབ་གྲོང་དུ་སྤྱོད། །གཞན་གྱི་རྣམས་ལ་མི་བལྟ་བར། །གཞན་གྱིས་ལེགས་པ་བྱས་ལའོ། །བདག་རང་ཉིད་ལ་ལྟོས། ལེགས་ཉེས་ཅི་བྱས་པ། ལྔ་སྟེ་གསེར་ཐུབ་སངས་རྒྱས་ཀྱིས་བསྟན་པ། བསམ་གཏན་ལས་ནི་མ
91a3 བྱོལ་བར། །ཐུབ་པ་རྣམས་ཀྱིས་ཚུལ་ཐུབ་སློབས། །མི་བདེ་བར་ཡང་མི་འགྱུར་མགོན། །མངོན་པར་ཞི་བས་རྟག་ཏུ་དྲན་པའི་ཡིད། །དྲུག་སྟེ་བསོད་སྐྱབས་སངས་རྒྱས་ཀྱིས་བསྟན་པ། ཐམས་ཅད་སྡིག་པ་མི་བྱའོ། །དགེའོ་ཅོག་ནི་རྫོགས་པར་བྱ། །བདག་གི་སེམས་ཀྱང་ཤིན་ཏུ་གདུལ། །དེ
91a4 ནི་སངས་རྒྱས་བསྟན་པའོ། །བདུན་ཏེ་ཤཱཀྱ་ཐུབ་པ་སངས་རྒྱས་ཀྱིས་བསྟན་པ། ལུས་ཀྱིས་སུ་ནི་སྡོམ་པ་དགེ། །ངག་གི་སྡོམ་པ་ཡང་ནི་དགེ། །ཡིད་ཀྱི་སྡོམ་པ་ཡང་ནི་དགེ། །དགེའོ་ཐམས་ཅད་སྡོམ་པ་ནི། །བྱང་ཆུབ་ཀུན་ལ་མགོན་སྐྱབས་བྱེད། །ཉོན་མོངས་ཐམས་ཅད་ཀུན་ལས
91a5 སྐྱོབ། །བྱང་ཆུབ་དག་བསྲུང་ཡིད་ཀྱང་སྡོམ། །ལུས་ཀྱིས་མི་དགེ་མི་བྱ་ཞིང་། །འདི་གསུམ་ལས་ལས་རྣམ་པར་སྐྱོངས། །འཐོབ་བོ་དྲང་སྲོང་གསུངས་པའི་ལམ། །མི་ཡིས་བརྡེགས་སྤྱོས་ཤ་མི་བླན། །སྡིག་གི་མི་ལ་སེམས་མི་འཁོན། །གཤེ་བའི་མི་ལའང་རྟག་ཏུ་གཙང་། །
91a6 མི་ཡིས་ངན་བྱས་བདག་མི་བྱེད། །སངས་རྒྱས་ཀུན་གྱིས་རབས་བཙུན་བྱས། །འཇིག་རྟེན་ར་མདའ་ཕ་སྐྱབས་ནུས། །སངས་རྒྱས་འདིས་ཚུལ་ཁྲིམས་བཤད་པ། །ངས་རྒྱ་ཆེར་བཤད་དུ་ཀུན་རྫོགས། །སངས་རྒྱས་ཀུན་དང་སློབ་མ་རྣམས། །ཆོས་ཀྱི་ཚུལ་ཁྲིམས་གུས་པར
91a7 འཛིན། །གཅིག་ལ་གཅིག་ཀྱང་གུས་པར་བྱོས། །ཆོས་ལ་དྲིན་གཟོ་ཆོག་ཚང་ན། །བྱ་བ་མེད་པའི་ཆོས་ཐོབ་ནུས། །ཚུལ་ཁྲིམས་ཡི་གེ་བཤད་ཟིན་ནས། །སེམས་གཅིག་བརྟུལ་ཏེ་བྱང་ཆུབ་ཐོབ། །ཆོས་ཀྱི་རྒྱ་མོ་རྫོགས་སོ།། །།
iiif viewer powered by OpenSeadragon
