| e-texts navigator |
| Wylie |
84a1 ཕལ་དང་། དགེ་འདུན་གྱི་འདྲོན་པ་ཞིག་གཉེར་ཏེ། ཡོན་གྱི་ནོར་སྐལ་བ་ཡོད་པའི་སར་དགེ་འདུན་ཁྱིམ་བདག་པོས་དགེ་འདུན་འདྲོན་པའི་རྣམས་རིམ་གྱིས་གཉེར་བ་བཏང་སྟེ། དེ་ལས་དགེ་འདུན་སྔ་ནས་འདུག་པས་བདག་འབའ་ཞིག་གཉེར་བར་སོང་སྟེ། དགེ
84a2 འདུན་འདྲོན་པ་མ་བཏང་ན་དགེ་འདུན་གྱི་ཁྱིམ་གྱི་བདག་པོ་སྡིག་གྲངས་མེད་པར་ཐོབ་སྟེ་བྱོལ་སོང་དང་མཚུངས་སོ། །དགེ་སྦྱོང་མ་ཡིན་ཤཱཀྱའི་རིགས་ཀྱི་ས་བོན་ཡང་མ་ཡིན་ཏེ། དེ་ལྟར་བྱས་པ་ནི་ལྟུང་བའོ། །སངས་རྒྱས་ཀྱི་བུ་ཅི་ཡང་མ་བབ་པར་ལོགས་ཤིག
84a3 ཏུ་ཡོན་བླངས་ཤིང་བདག་གིར་བཀུར་དུ་མི་རུང་ངོ་། །དེ་ལྟ་བུའི་ཡོན་གྱི་ནོར་རྫས་ནི་ཕྱོགས་བཅུའི་དགེ་འདུན་དབང་སྟེ། དེ་ལ་ལོགས་ཤིག་ཏུ་མནོས་ཤིང་ཁྱེར་ན་ཕྱོགས་བཅུའི་དགེ་འདུན་གྱི་ནོར་བདག་གི་སྒོར་ཁྱེར་ན་བསོད་ནམས་རྣམ་པ་བརྒྱད་དང་། སངས་རྒྱས་དང་།
84a4 འཕགས་པ་རྣམས་དང་། མཁན་པོ་དང་། དགེ་འདུན་དང་། ཕ་མ་དང་། ནད་པའི་རྫས་བདག་གིས་སྤྱད་ཀྱིས་ལྟུང་བའོ། །སངས་རྒྱས་ཀྱི་བུ་བྱང་ཆུབ་སེམས་དཔའ་རབ་ཏུ་བྱུང་བ་དང་། རབ་ཏུ་མ་བྱུང་བའི་སྦྱིན་བདག་གིས་དགེ་འདུན་གཉེར་ཏེ། བསོད་ནམས་བསྐྱེད
84a5 ཅིང་སྨོན་ལམ་གསོལ་ན་དགེ་འདུན་གྱི་ནང་དུ་སོང་ན་དགེ་སྐོས་ལ་དྲིས་ཏེ། དེ་རིང་གང་ལ་བབ་པ་གཉེར་ན་ཕྱོགས་བཅུའི་འཕྲུལ་གྱི་དགེ་འདུན་འཐོབ་བོ། །གུད་ནས་དགྲ་བཅོམ་པ་དང་། བྱང་ཆུབ་སེམས་དཔའ་དང་། དགེ་འདུན་ལྔ་བཅུ་གཉེར་བ་བས
84a6 བབ་པའི་དགེ་འདུན་ཐ་མལ་པ་གཅིག་གཉེར་བ་བསོད་ནམས་ཆེའོ། །དེ་ལས་དགེ་འདུན་གཞན་གཉེར་བ་ནི་མུར་འདུག་ངན་པའི་ཆོས་སོ། །སངས་རྒྱས་བདུན་ལ་ནི་གུད་ནས་གཉེར་བའི་ཆོས་མེད་དོ། །སྲི་ཞུའི་ལམ་དང་འགལ་བས་གུད་ནས་དགེ་འདུན་གཉེར་བ་ནི་ལྟུང
84a7 བའོ། །སངས་རྒྱས་ཀྱི་བུ་ངན་སེམས་སྤྱད་དེ་གསོ་བའི་ཁེའི་ཕྱིར་ཕོ་སྨོས་ཀྱི་གཡེམ་པ་འཚོང་བའི་བདག་དར་ཅིང་ཟན་བྱེད་པ་དང་། བདག་རྡུང་བ། བདག་འདུ་བ་ཕོ་སྨོས་ཀྱི་མཚན་ལྟ། རྨི་ལམ་བཟང་ངན་འགྲོ་ལ་ཕོ་ཞེས་ཟེར། མོ་ཞེས་ཟེར། ལོག་པའི་ཆོས་ཀྱི
iiif viewer powered by OpenSeadragon
