| e-texts navigator |
| Wylie |
83a1 ཀྱི་སློབ་དཔོན་མ་རིག་པ་དང་། ཐབས་ལ་འཕྲལ་གང་དུ་བལྟས་ཤིང་ཆོས་ཀྱི་མཁན་པོ་ལ་ཡང་དག་པའི་བདེན་པ་གཞུང་ངོ་ཅོག་གསོལ་ཞིང་ནོད་དུ་མ་འོངས་ན་ལྟུང་བའོ། །སངས་རྒྱས་ཀྱི་བུ་སངས་རྒྱས་འདས་པའི་ཕྱི་ན་སེམས་དགེ་བས་སངས་རྒྱས་ཀྱི་ཚུལ
83a2 ཁྲིམས་འདོད་ཅིང་ནོད་ན་སངས་རྒྱས་དང་། བྱང་ཆུབ་སེམས་དཔའི་གཟུགས་ཀྱི་སྤྱན་སྔར་བདག་གི་སེམས་ལ་ཡི་དམ་བཅས་ཏེ། ཞག་བདུན་གྱི་བར་དུ་སངས་རྒྱས་ཀྱི་སྤྱན་སྔར་མཐོལ་ཚངས་བྱས་ལ། ལྟས་བཟང་པོ་མཐོང་བ་ནི་ཚུལ་ཁྲིམས་ཐོབ་བོ། །ལྟས་བཟང་པོ་མ་མཐོང
83a3 བ་ནི་ཞག་བདུན་གཉིས། བདུན་གསུམ། ལོ་གཅིག་གི་བར་དུ་ལྟས་བཟང་པོ་མཐོང་བའི་དྲོད་ཀྱིས་གཟུང་ངོ་། །ལྟས་བཟང་པོ་མཐོང་ནས་སངས་རྒྱས་དང་། བྱང་ཆུབ་སེམས་དཔའི་གཟུགས་ཀྱི་སྤྱན་སྔར་ཚུལ་ཁྲིམས་མནོད་དོ། །ལྟས་བཟང་པོ་མ་མཐོང་ན་སངས་རྒྱས
83a4 དང་། བྱང་ཆུབ་སེམས་དཔའི་གཟུགས་ཀྱི་སྤྱན་སྔར་ཚུལ་ཁྲིམས་མནོད་ཀྱང་མིང་ཚུལ་ཁྲིམས་ཐོབ་པ་ཞེས་མི་བྱའོ། །ལ་ལ་ཞིག་གིས་སྔོན་ཆད་བྱང་ཆུབ་སེམས་དཔའི་ཚུལ་ཁྲིམས་མནོས་པའི་མདུན་དུ་ནོད་ན་ལྟས་བཟང་པོ་མི་དགོས་སོ། །དེ་ཅིའི་ཕྱིར་ཞེ་ན། ཆོས་ཀྱི
83a5 མཁན་པོ་གཅིག་ནས་གཅིག་ཏུ་བསྟན་པས་ན་ལྟས་བཟང་པོ་མི་དགོས་ཏེ། ཆོས་ཀྱི་མཁན་པོ་དེའི་མདུན་དུ་ཚུལ་ཁྲིམས་མནོས་ན་ཚུལ་ཁྲིམས་ཀྱང་ཐོབ་སྟེ། གུས་པའི་སེམས་སྐྱེའོ། །རྒྱང་གྲགས་སྟོང་ལམ་ཚུན་ཆད་ཚུལ་ཁྲིམས་སྦྱིན་ནུས་པའི་མཁན་པོ་མེད་ལ་སངས་རྒྱས
83a6 དང་། བྱང་ཆུབ་སེམས་དཔའི་གཟུགས་ཀྱི་སྤྱན་སྔར་ཚུལ་ཁྲིམས་ནོད་ན་ལྟས་བཟང་པོ་མཐོང་བར་དགོས་སོ། །ཆོས་ཀྱི་མཁན་པོ་ལ་ལ་ཞིག་བདག་ཐེག་པ་ཆེན་པོའི་ཡི་གེ་དང་། ཚུལ་ཁྲིམས་ཤེས་པ་དང་། རྒྱལ་པོ་དང་། རྒྱལ་བུ་དང་། བློན་པོ་རྣམས་བྱམས་ཤིང་མཛའ་བ
83a7 སྙེམས་ཏེ། བྱང་ཆུབ་སེམས་དཔའ་གསར་དུ་སློབ་པ་ཆོས་ཀྱི་ཡི་གེའི་ལུགས་དང་། ཚུལ་ཁྲིམས་ཀྱི་གཞུང་འདྲིར་འོངས་པ་ལ་བརྙས་པའི་སེམས་དང་། ངན་སེམས་དང་། ལེ་ལོའི་སེམས་ཀྱིས་གཅིག་པུ་གཅིག་པུ་ནས་འདྲི་བའི་ལན་མ་བླན་ན་ལྟུང་བའོ། །སངས་རྒྱས་ཀྱི་བུ
iiif viewer powered by OpenSeadragon
