| e-texts navigator |
| Wylie |
82a1 བུ་དང་། བློན་པོ་ཆེན་པོ་ལ་སོགས་པ་གཉེན་ཞེས་ཟེར་ཏེ། སྙེམས་ཤིང་ནན་གྱིས་ནོར་སློང་ལ། བཙན་ངག་གིས་བསྡིགས་ཏེ་ནན་གྱིས་ནོར་དང་། ཁེ་ཚོལ་ལོ་ཅོག་གི་མིང་ནི་ངན་པ་མང་པོ་ཚོལ་ཞེས་བྱའོ། །གཞན་ལ་ཡང་སྙིང་རྗེ་མེད་ཅིང་སྲི་ཞུ་དང་མི་འགལ་བའི
82a2 སེམས་ཡོང་མེད་པར་བསྟན་པ་ནི་ལྟུང་བའོ། །སངས་རྒྱས་ཀྱི་བུ་ཚུལ་ཁྲིམས་ཁ་ཏོན་དུ་ཀློག་པ་སློབ་པ་ན་ཉིན་གཅིག་ཅིང་དུས་དྲུག་ཏུ་བྱང་ཆུབ་སེམས་དཔའི་ཚུལ་ཁྲིམས་བཟུང་ལ། དེའི་གཞུང་དང་། དོན་སངས་རྒྱས་ཀྱི་ངོ་བོ་ཉིད་ཤེས་པར་བྱའོ། །བྱང་ཆུབ་སེམས་དཔའ་ཚུལ
82a3 ཁྲིམས་ཀྱི་ཡོན་ཏན་ཚིག་གཅིག་ལེའུ་གཅིག་ཀྱང་མི་ཤེས་པར་སྒྱུ་མའི་ཚིག་ཏུ་ནུས་ཞེས་ཟེར་བ་ནི་བདག་ལ་བརྙས་ཤིང་བསླུས། གཞན་ལ་ཡང་བརྙས་ཏེ་ཆོས་སོ་ཅོག་རྣམ་པ་གཅིག་ཀྱང་མི་ཤེས་པར་གཞན་ལ་མཁན་པོ་བྱེད་ཅིང་ཚུལ་ཁྲིམས་སྟོན་པ་ནི་ལྟུང་བའོ། །སངས་རྒྱས་ཀྱི་བུ
82a4 ངན་སེམས་བསྐྱེད་དེ། ཚུལ་ཁྲིམས་འཛིན་པའི་དགེ་བའི་ལག་ན་པོག་སྣོད་ཁྱེར་ཏེ། བྱང་ཆུབ་སེམས་དཔའི་ལས་བྱེད་པ་ལ་མཐོང་ནས་ཕན་ཚུན་གཉིས་ཀྱིས་བར་དུ་བར་བཅུག་སྟེ། འཕགས་པའི་མི་ལ་བརྙས་མ་ཤིན་བྱེད་ཅིང་ངན་མི་བྱེད་པ་མེད་དོ་ཞེས་སྐུར་ཏེ། དེ་ལྟ་བུ་ཆེད
82a5 ཀར་བྱས་ན་ལྟུང་བའོ། །སངས་རྒྱས་ཀྱི་བུ་སྙིང་རྗེ་སྤྱད་དེ་ཅིའང་མི་གསད་པར་བཏང་བའི་ལས་བྱེད་ཅིང་ཕོའོ་ཅོག་ནི་བདག་གི་ཕ་ཡིན། མོའོ་ཅོག་ནི་བདག་གི་མ་ཡིན། བདག་སྔན་ཆད་ཀྱི་ཚེ་རབས་ལ་གར་སྐྱེས་སོ་ཅོག་ན་ཡང་དེ་དག་ལས་མ་སྐྱེས་པ་མེད་པས་ན་འགྲོ་བ་དྲུག
82a6 གི་སེམས་ཅན་བདག་གི་ཕ་མ་ཡིན་ཏེ། དེ་བསད་ཅིང་ཟོས་ན་བདག་གི་ཕ་མ་བསད་དོ། །གཅིག་ཏུ་ན་བདག་གི་ལུས་རྙིང་པ་བསད་དོ། །ས་དང་ཆུ་ཐམས་ཅད་ནི་བདག་གི་ལུས་སྔ་མ་ཡིན་ནོ། །མེ་དང་རླུང་ངོ་ཅོག་ནི་བདག་གི་གཟུགས་ཀྱི་ཕྱི་མོ་ཡིན་པས་རྟག་པར་གསོན་པོར
82a7 བཏང་བའི་ལས་བྱེད། གར་སྐྱེས་གར་སྐྱེས་ཀྱང་སེམས་ཅན་གསོད་པ་མཐོང་ན་ཐབས་སྤྱད་དེ། བདག་གིས་འོར་ཚོས་ཀྱི་རྒྱ་མོ། བ་དང་ར་མདའ་བྱས་ཏེ། ཉོན་མོངས་ཤིང་ཕོངས་པ་ཐར་བར་བྱའོ། །རྟག་པར་བྱང་ཆུབ་སེམས་དཔའི་ཚུལ་ཁྲིམས་བཤད་དེ། བསྟན་བསླབས་ནས་སེམས
iiif viewer powered by OpenSeadragon
