| e-texts navigator |
| Wylie |
75b1 བཅུ་བཤད། དེ་ནས་ཡང་འདུག་པའི་ས་ནས་ལངས་ཏེ་གནམ་བདེན་གནམ་དུ་ཕྱིན་ནས་ས་བཅུའི་ཆོས་བཤད། དེ་ནས་ཡང་བསམ་གཏན་གཅིག་གི་ནང་དུ་ཕྱིན་ནས་རྡོ་རྗེ་བཅུ་བཤད། དེ་ནས་ཡང་བསམ་གཏན་གཉིས་ཀྱི་ནང་དུ་ཕྱིན་ནས་བཟོད་པ་བཅུའི་ཆོས་བཤད། དེ་ནས་ཡང
75b2 བསམ་གཏན་གསུམ་གྱི་ནང་དུ་ཕྱིན་ནས་སྨོན་ལམ་བཅུ་བཤད། དེ་ནས་ཡང་བསམ་གཏན་བཞི་པའི་ནང་ཆེན་པོ་ཆེ་བ་དབང་མཆོག་འདུ་མཆེད་གནམ་གྱི་རྒྱལ་པོའི་ཕོ་བྲང་དུ་ཕྱིན་ཏེ། ངའི་ཐོག་མའི་ཕྱི་མོའི་པད་མོ་མེ་ཏོག་སྣ་ཚོགས་ཀྱི་ཁམས་རྫོགས་ལོངས་སྤྱོད་པའི་སྐུའི་སངས་རྒྱས
75b3 ཀྱིས་སེམས་ཀྱི་གནས་ཀྱི་ཆོས་ཀྱི་ཕྱི་མོའི་ལེའུ་བཤད་པ་བཤད་དོ། །གཞན་འབུམ་ཕྲག་བརྒྱའི་ཡང་ཕྲག་སྟོང་གི་ཤཱཀྱ་ཐུབ་པ་ཡང་དེ་བཞིན་ཏེ། གཉིས་སུ་མེད་དོ། །ཐ་དད་པ་ཡང་མེད་དོ། །བསམ་གཏན་བསྐལ་པའི་ལེའུའི་ནང་ནས་ཀྱང་ཞིབ་ཏུ་བཤད་དོ། །དེའི
75b4 ཚེ་ཤཱཀྱ་ཐུབ་པ་པད་མོའི་མེ་ཏོག་སྣོད་ཀྱི་ཁམས་ཀྱི་ཤར་ཕྱོགས་ནས་བྱུང་ནས་ལྡིང་བའི་ཁང་བུའི་ནང་དུ་ཞུགས་ནས་བདུད་ཀྱིས་ཆོས་མནོས་པ་བཞིན་དུ་བཤད་ཟིན་ནས། ཡས་བབས་ཏེ་འཛམ་བུའི་གླིང་གི་ཀ་པི་ལར་སྐྱེས་ནས་ཡུམ་གྱི་མཚན་ནི་ལྷ་མཛེས་ཆེན་མོ། ཡབ་ཀྱི་མཚན་ནི
75b5 ཟས་གཙང་མ། ང་བདག་གི་མིང་ནི་སིདྡྷཱརཐ་ཞེས་བྱ་སྟེ། ལོ་བདུན་ན་རབ་ཏུ་བྱུང་། ལོ་སུམ་ཅུ་ནས་སངས་རྒྱས་སུ་ཕྱིན་ནས་ངའི་མཚན་ནི་ཤཱཀྱ་ཐུབ་པ་ཞེས་བྱ་སྟེ། མི་འགྱུར་བའི་གཙང་མའི་སར་རྡོ་རྗེའི་མེ་ཏོག་གི་ཁྲི་ལ་འདུག་ནས། དབང་པོ་ཆེན་པོའི་གནམ་གྱི་རྒྱལ་པོའི་ཕོ་བྲང་དུ
75b6 ཕྱིན་ཏེ། དེའི་ནང་གི་འདུག་པ་བཅུའི་གནས་མཐར་གྱིས་བཤད། དེའི་ཚེ་སངས་རྒྱས་ཀྱིས་རུས་གཙང་མ་ཆེན་པོའི་གནམ་གྱི་རྒྱལ་པོ་དྲ་བའི་རྒྱལ་མཚན་མཐོང་བའི་ཕྱིར་གྲངས་མེད་པའི་ཁམས་དཔེར་ན་དྲ་བའི་བུ་གུ་དང་མཚུངས་པར་བཤད་ན། ཁམས་གཅིག་ནས་གཅིག་སོ་སོ་མི
75b7 འཐུན་ཏེ་ཐ་དད་པའི་གྲངས་མེད་དོ། །སངས་རྒྱས་ཀྱི་ཆོས་ཀྱི་སྒོ་མོ་བཤད་པའང་དེ་དང་འདྲའོ། །ངས་ཁམས་འདིར་ལན་བརྒྱད་སྟོང་ཕྱིན་ཏེ། ཁམས་འཛམ་བུའི་གླིང་འདིའི་ཕྱིར་རྡོ་རྗེའི་ཁྲི་སྟེང་དུ་འདུག་སྟེ། དབང་པོ་ཆེན་པོའི་གནམ་གྱི་རྒྱལ་པོའི་ཕོ་བྲང་དུ་ཕྱིན་ནས་དེའི་ནང་གི་མང་པོ
iiif viewer powered by OpenSeadragon
