| e-texts navigator |
| Wylie |
14b1 བོ་ཉིད་གཙང་མ་གཅིག་ལ་འདུས་པའི་ཕྱིར་རོ། །གཅིག་པུ་འདི་མཐོང་བའི་ཕྱིར་རོ། །གཅིག་པུ་འདི་མཐོང་ན་སངས་རྒྱས་ཐམས་ཅད་ཀྱི་ལུས་མཐོང་ངོ་། །ཅིའི་ཕྱིར་ཞེས་བྱས་ན། སངས་རྒྱས་སོ་ཅོག་གི་ལུས་ནི་གཙང་མ་གཅིག་ལས་བྱུང་བའི་ཕྱིར་རོ། །གཙང་མ
14b2 གཅིག་གིས་ནི་སངས་རྒྱས་གཅིག་གི་ལུས་དང་། སངས་རྒྱས་ཀྱི་ས་གཅིག་དང་། བྱང་ཆུབ་ཀྱི་སྡོང་པོ་གཅིག་ཡིན་ནོ། །རིགས་ཀྱི་བུ་ཕོ་ཆོས་འདིའི་ནང་ནས་མྱ་ངན་འཁྲུག་པའི་རྣམས་བཅད་པ་ནི་དཔེར་སྡོང་པོ་བཅད་པ་དང་མཚུངས། རྩ་བ་འབའ་ཞིག་བཅད་ཀྱི
14b3 ཡལ་ག་དང་འདབ་མ་མི་གཅོད་དོ། །ཅིའི་ཕྱིར་ཞེས་བྱས་ན། དཔེར་མི་ལ་ལ་ཞིག་ལུས་ལ་དུག་མདས་ཕོག་སྟེ། ལུས་ན་ཚ་བ་ལ་མདའ་ཕྱུང་ན་ནི་ནད་ཀྱང་སོས་སོ། །མདའ་མ་ཕྱུང་ན་ནི་ནད་ཀྱང་མི་སོས་སོ། །དེ་ལ་བསྡད་དེ་མདའ་དེའི་སྒྲོ་ནི་ཅིའི་སྒྲོ། གཅིག་ཏུ
14b4 ན་དེའི་སྨྱུག་རི་གང་ལས་བྱུང་། མདའ་དེ་སུས་འཕངས་ཞེས་འདྲི་ན་དེའི་བར་དུ་མི་དེ་ན་ཚ་བས་ཚེ་སྲོག་ཟད་ཟིན་ཏོ། །དེའི་འོག་ཏུ་མདའ་ཕྱུང་བ་ནི་ཕན་པ་མེད་པར་མངོན་ནོ། །རིགས་ཀྱི་བུ་ཕོ་སེམས་མོད་བཞིན་དུ་ཁྲུས་ཤིག་།སེམས་གཙང་མར་འདུག་ན་དེའི་མིང
14b5 ནི་གཙང་གདང་ཞེས་བྱའོ། །འདུ་མཆེད་ཀྱི་རྣམས་གཙང་གདང་ན་ཡོད་པ་ལ་ཆགས་པའི་རྣམས་དང་བྲལ་ཏེ། ཆགས་པ་མེད་པའི་ནང་དུ་ཆུད་པར་ནུས་སོ། །ཅིའི་ཕྱིར་ཞེས་བྱས་ན། ཕྱི་མོ་སེམས་ཅན་ལ་བསླབས་ཏེ། སྨན་བཟང་པོ་འདི་བཤད་དེ་ནད་ཀྱི་རྣམས་གསོས
14b6 ལ་ཀུན་སོས་པར་འཚལ་ལོ། །ཡང་གཅིག་ཏུ་ན་ཆོས་ཀྱི་ཡི་གེ་འདིའི་རྡོ་རྗེའི་ཤེས་རབ་ཀྱི་རལ་གྲིས་སེམས་ཅན་རྣམས་ཀྱི་མ་རིག་པའི་ཡིད་བྲེག་གོ། །ཡང་གཅིག་ཏུ་ན་ཆོས་ཀྱི་ཡི་གེ་འདི་གཙང་གདང་བའི་ཆོས་སྤྱད་དེ། སེམས་ཅན་རྣམས་ཀྱི་གདུག་པ་གསུམ་གྱི་དྲི་མ
14b7 བརྡབ་ཅིང་བསལ་ལོ། །ཡང་གཅིག་ཏུ་ན་ཆོས་ཀྱི་ཡི་གེ་འདི་ཤེས་རབ་ཀྱི་སྟོབས་པོ་ཆེ་སྤྱད་དེ། སེམས་ཅན་དཀྲིས་པ་བཅུས་བཅིངས་པ་གྲོལ་ཐར་པར་འཚལ་ལོ། །ཡང་གཅིག་ཏུ་ན་ཆོས་ཀྱི་ཡི་གེ་འདི་ངོ་བོ་ཉིད་གཙང་གདང་བར་གཅིག་ཏུ་སྤྱད་དེ། སེམས་ཅན་གྱི་རྣམས
iiif viewer powered by OpenSeadragon
