| e-texts navigator |
| Wylie |
14a1 མིང་ནི་གཙང་གདང་ངོ་། །གཙང་གདང་བའི་སྟོང་པའི་སེམས་ནི་ངོ་བོ་ཉིད་ཕྱི་མོ་ནས་གཙང་གདང་སྟེ། གཙང་མས་མངོན་བརྟགས་པར་ཡང་མེད་དོ། །གཙང་གདང་བའི་སེམས་དང་ཡང་བྲལ་བས་ན་གཙང་གདང་ཞེས་བཤད་དོ། །བྱང་ཆུབ་སེམས
14a2 དཔའ་ནི་གཙང་གདང་བའི་སེམས་ལ་བྱ་བ་ཡང་མེད། གཡོ་བ་ཡང་མེད། དྲི་མ་ཡང་མེད། གཙང་མ་ཡང་མེད། སྐྱེ་བ་ཡང་མེད། འབྲི་བ་ཡང་མེད་དེ་མཐར་ཅིས་ཀྱང་གོས་པ་མེད་དེ། གནས་གཅིག་ལའང་འདུག་པ་མེད་དེ། དེའི་མིང་དང་གྲངས་ལས་ཡང་བྲལ་ལོ། །རྟག
14a3 པ་དེ་བཞིན་ན་དེ་བཞིན་ཞེས་བྱ་བ་ཡང་མེད་དེ། དཔེར་རྡོ་རྗེ་དང་མཚུངས་ཏེ། ངོ་བོ་ཉིད་གཅིག་པུ་ལ་ཞིག་པའང་མེད་དོ། །དཔེར་ནམ་མཁའ་དང་མཚུངས་ཏེ་ཐམས་ཅད་ཤོང་། དཔེར་མེ་ཏོག་པད་མོ་དང་མཚུངས་ཏེ་སྲེད་པའི་ཆུས་མི་ཆགས་སོ། །ལས་འདི་སྤྱད་ན་ཡང་དག་པར
14a4 གྲོལ་ཐར་ཏེ། སྐྱེ་ཤི་འབབ་ལས་འདས་ཏེ། སེམས་ཅན་དམྱལ་བའི་སྡུག་བསྔལ་ལས་ཕྱིན་ཏོ། །བྱང་ཆུབ་སེམས་དཔའ་སེམས་གཅིག་གི་ཆོས་འདི་མིང་གཅིག་ནི་འགྱོད་ཚངས་ཀྱིས་གྲོལ་ཐར་པ་ཞེས་ཀྱང་བྱ་སྟེ། ཡང་དག་པའི་བདེན་པའི་གཞུང་མཐོང་བའི་ཕྱིར་རོ། །
14a5 གཉིས་སུ་ན་མིང་ཆོས་སྤྱད་པས་གྲོལ་ཐར་ཅེས་ཀྱང་བྱ་སྟེ། ནགས་གཅིག་ན་འདུག་པའི་ཕྱིར་རོ། །གསུམ་དུ་ན་མིང་སྤྱད་པ་མེད་པས་གྲོལ་ཐར་ཅེས་ཀྱང་བྱ་སྟེ། འདུག་ཅིང་ཆགས་པ་མེད་པའི་ཕྱིར་རོ། །གྲོལ་ཐར་པ་འདི་གསུམ་ནི་ཀུན་ཀྱང་སེམས་གཅིག་ལས་སྐྱེས་ཏེ། སེམས
14a6 ཅན་ཐམས་ཅད་ལ་སེམས་གཉིས་སུ་མེད་པའི་ཕྱིར་རོ། །སེམས་ཅན་ཐམས་ཅད་ཀུན་ལ་ཐེག་པ་གཅིག་པུ་ཡོད་དོ། །བྱང་ཆུབ་སེམས་དཔའི་ཆོས་ཀྱི་རྒྱལ་པོ་ཆོས་གཅིག་ཤེས་པར་ནུས་ན་ཆོས་གཅིག་མི་ཤེས་པ་མེད་དོ། །ཆོས་གཅིག་མི་ཤེས་ན་ཆོས་གཅིག་ཀྱང
14a7 ཤེས་པ་མེད་དོ། །ཇི་ལྟ་ཞེས་བྱས་ན། ཆོས་ཀྱི་རྣམས་མི་གཅིག་པ་མེད་པའི་ཕྱིར་རོ། །བྱང་ཆུབ་སེམས་དཔའ་འདི་གཅིག་པུ་ཐོས་ན་དེ་ནི་ཉུང་དུ་ཐོས་པ་ཡིན་ནོ། །ཆོས་མི་ཤེས་པ་མེད་པ་དེའི་མིང་ནི་མང་དུ་ཤེས་པའོ། །ཅིའི་ཕྱིར་ཞེས་བྱས་ན། ཆོས་སོ་ཅོག་གི་ངོ
iiif viewer powered by OpenSeadragon
