| e-texts navigator |
| Wylie |
13a1 སེམས་ཅན་དམྱལ་བ་རྣམས་སུ་ལྷུང་སྟེ། སངས་རྒྱས་འཇིག་རྟེན་དུ་བྱུང་དུ་ཟིན་ཀྱང་མི་ཐར་ཏོ། །ཐར་དུ་ཟིན་ཏེ་མིའི་ནང་དུ་སྐྱེས་ན་ཡང་ཡུལ་གྱི་མཐའ་འཁོབ་མིའི་ཐ་མའི་ནང་དུ་སྐྱེས་ཏེ། མཆུ་ཤོ་རེལ་ལྕེ་མེད་པ་དེ་ལྟ་བུའི་ལུས་ཐོབ་བོ། །ཅིའི་ཕྱི་ནས
13a2 ཤེས་བྱས་ན། བྱང་ཆུབ་སེམས་དཔའ་སེམས་ཅན་གྱི་ངོ་བོ་ཉིད་ནི་ཆོས་ཀྱི་ངོ་བོ་ཉིད་ཡིན་ཏེ། ཆོས་ཀྱི་ངོ་བོ་ཉིད་ནི་རྟག་པར་གཙང་ལ་ཡང་དག་པའི་མཚན་བཟང་པོ་རྣམ་པ་ཀུན་ལྡན་ཏེ། ཕྱི་མོ་ནས་ཐོབ་པའང་མེད། སྟོར་བའང་མེད་དེ་བྱུང་བའང་མེད། ནུབ་པའང་མེད་དེ་ངོ་བོ
13a3 ཉིད་རྟག་ཅིང་ཡང་དག་པའི་བདེན་པ་སྟེ། སྒྱུ་མ་མི་བདེན་པའང་མེད་དོ། །མྱ་ངན་འཁྲུག་པའང་མེད་དོ། །མྱ་ངན་ལས་འདས་པའང་མེད་དོ། །སྐྱེད་བྲིའང་མེད་ལ་མཐའ་ཡུན་དུ་གཙང་གདང་སྟེ། ངོ་བོ་ཉིད་གཅིག་ཏུ་གཙང་གདང་བ་ནི་བྱང་ཆུབ་ཉིད་ཡིན་ནོ། །གཙང
13a4 གདང་བའི་ངོ་བོ་ཉིད་དང་། བྱང་ཆུབ་ཀྱི་ངོ་བོ་ཉིད་ནི་གཅིག་ཏུ་ཟད་དེ་གཉིས་སུ་མེད་དོ། །གཙང་གདང་བའི་བཏང་སྙོམས་པ་སྟེ། ཡི་གེའི་འབྲུ་དང་ཚིག་གི་ལམ་ཡང་ཆད་དོ། །དཔེར་ན་ནམ་མཁའ་དང་མཚུངས་ཏེ། ཕྱི་ནང་གཉིས་ཀ་གཙང་གདང་ངོ་། །གཙང་གདང་བ
13a5 གཅིག་པོ་དེ་ནི་ཕྱི་ནང་ནའང་མི་གནས། བར་ནའང་མི་གནས། སྨྲ་བའང་མེད། བཤད་པའང་མེད་དོ། །ཇི་ལྟ་བུར་ན་དེའི་ནང་ནས་ནད་ཀྱི་རྩི་བྱེ་བྲག་དབྱེ། བྱེ་བྲག་དབྱེ་བ་མེད་ན་བྱེ་བྲག་དབྱེ་བའི་ཤེས་རབ་ཡིན་ནོ། །རིགས་ཀྱི་བུ་ཕོ་སེམས་གཅིག་དང་། གཙང་གདང་བ
13a6 གཅིག་དང་། སངས་རྒྱས་ཀྱི་ངོ་བོ་ཉིད་གཅིག་དང་། འདི་རྣམས་དང་བྲལ་ན་སངས་རྒྱས་བཙལ་དུ་ཡང་མེད། ཆོས་བཤད་དུ་ཡང་མེད། དགེ་འདུན་ཐོབ་པའང་མེད་དོ། །ཇི་ལྟ་ཞེས་བྱས་ན། སངས་རྒྱས་ནི་ཆོས་ཡིན་ནོ། །ཆོས་ནི་དགེ་འདུན་ཡིན་ནོ། །དེ་ལྟ་བས་ན་ངས
13a7 ཆོས་ཀྱི་ཡི་གེ་འདི་བཤད་པ་སེམས་ཅན་གྱི་ལུས་གཅིག་། སེམས་གཅིག་།གཙང་གདང་བ་གཅིག་།སངས་རྒྱས་ཀྱི་ངོ་བོ་ཉིད་གཅིག་།སངས་རྒྱས་ཀྱི་ཆོས་ཀྱིས་གཅིག་།བྱང་ཆུབ་ཀྱི་སྡོང་པོ་གཅིག་གིས་ཁམས་སོ་ཅོག་ཐམས་ཅད་གང་རྒྱས་ཏེ་སེམས་ཅན་ཐམས་ཅད་ཀྱི
iiif viewer powered by OpenSeadragon
