| e-texts navigator |
| Wylie |
7a1 ཅིང་། །མི་བརྟན་སྐད་ཅིག་འཇིག་པ་ཉིད། །དེ་བས་དོན་དམ་ཤེས་པ་ཡིས། །ཀུན་རྫོབ་བདེན་པའི་གནས་སྤོང་ངོ་། །མཐོ་རིས་གནས་ནས་ལྷ་རྣམས་དང་། །དྲི་ཟ་ལྷ་མི་རྣམས་ཀྱང་ནི། །ཀུན་ལ་འཕོ་བ་ཡོད་གྱུར་པ། །ཀུན་ཀྱང་ཀུན་རྫོབ་འབྲས་བུ་ཡིན། །
7a2 གྲུབ་དང་རིགས་འཛིན་གནོད་སྦྱིན་དང་། །དྲི་ཟ་དང་ནི་ལྟོ་འཕྱེ་རྣམས། །སླར་ཡང་དམྱལ་བར་འགྲོ་འགྱུར་བ། །ཀུན་ཀྱང་ཀུན་རྫོབ་འབྲས་བུ་ཡིན། །གང་ཞིག་བརྩོན་དྲག་ལྷ་རྣམས་དང་། །ཡོན་ཏན་འབྱུང་གནས་ལ་གནས་གང་། །མཐོ་རིས་ལས་འཕོ་ལྟུང་གྱུར་པ། །ཐམས
7a3 ཅད་ཀུན་རྫོབ་འབྲས་བུ་ཡིན། །བརྒྱ་བྱིན་འཁོར་ལོས་སྒྱུར་ཉིད་དེ། །གང་གིས་དམ་པའི་གནས་ཐོབ་ནས། །སླར་ཡང་བྱོལ་སོང་སྐྱེ་གནས་འཇུག་།ཐམས་ཅད་ཀུན་རྫོབ་འབྲས་བུ་ཡིན། །དེ་བས་མཐོ་རིས་ལྷ་རྣམས་ཀྱི། །བདེན་པ་བཟང་པོ་ཀུན་སྤོང་ལ། །བྱང་ཆུབ་སེམས་ནི
7a4 འོད་གསལ་བ། །རྣལ་འབྱོར་པས་ནི་རྟག་ཏུ་བསྒོམ། །དངོས་པོ་མེད་ཅིང་དམིགས་སུ་མེད། །ཐམས་ཅད་སྟོང་པ་གནས་མེད་པ། །སྤྲོས་པ་རྣམས་ལས་ཡང་དག་འདས། །བྱང་ཆུབ་སེམས་དཔའི་མཚན་ཉིད་ཡིན། །སྲ་བ་མ་ཡིན་འཇམ་པ་མིན། །དྲོ་བ་མ་ཡིན་གྲང་བ་མིན། །
7a5 དེ་ནི་རེག་མིན་གཟུང་བྱ་མིན། །བྱང་ཆུབ་སེམས་ཀྱི་མཚན་ཉིད་ཡིན། །རིང་པོ་མ་ཡིན་ཐུང་བ་མིན། །ཟླུམ་པོ་མ་ཡིན་གྲུ་གསུམ་མིན། །ཕྲ་བ་མ་ཡིན་སྦོམ་པའང་མིན། །བྱང་ཆུབ་སེམས་ཀྱི་མཚན་ཉིད་ཡིན། །སྒོམ་པ་རྣམས་ལས་རྣམ་འདས་ཤིང་། །མུ་སྟེགས་རྣམས་ཀྱི་སྤྱོད
7a6 ཡུལ་མིན། །ཤེས་རབ་ཕ་རོལ་ཕྱིན་སྦྱོར་བ། །བྱང་ཆུབ་སེམས་ཀྱི་མཚན་ཉིད་ཡིན། །དཔེ་མེད་བསྒོམ་དུ་མེད་པ་དང་། །མཐོང་མིན་གནས་ཀྱི་མཆོག་གྱུར་ལ། །རང་བཞིན་གྱིས་ནི་རྣམ་དག་པ། །བྱང་ཆུབ་སེམས་ཀྱི་མཚན་ཉིད་ཡིན། །ཐམས་ཅད་དབུ་བ་ལྟ་བུ་སྟེ། །ཆུ་བུར་ལྟ་བུར
7a7 སྙིང་པོ་མེད། །རྟག་པ་མ་ཡིན་བདག་མེད་པ། །སྒྱུ་མ་སྨིག་རྒྱུ་དག་དང་མཚུངས། །གོང་བུ་བཞིན་དུ་བསྡུས་གྱུར་པ། །སྤྲོས་པ་རྣམས་ཀྱིས་ཡོངས་སུ་གང་། །འདོད་ཆགས་ཞེ་སྡང་ལ་སོགས་ལྟར། །དེ་ནི་སྒྱུ་མཚུངས་འབའ་ཞིག་ཡིན། །ཇི་ལྟར་ནང་ན་ཐིག་ལེ་ནི། །སྐད་ཅིག་དེ་ལ་མི
iiif viewer powered by OpenSeadragon
