| e-texts navigator |
| Wylie |
197b1 བྱེད་དང་། རྣམ་པར་ཤེས་པ་ཡོངས་སུ་འཛིན་པ་ནི་དམ་པའི་ཆོས་ཡོངས་སུ་འཛིན་པ་མ་ཡིན། དེ་བཞིན་དུ་ཁམས་ཡོངས་སུ་འཛིན་པ་དང་། སྐྱེ་མཆེད་ཡོངས་སུ་འཛིན་པ་དང་། མིང་དང་གཟུགས་ཡོངས་སུ་འཛིན་པ་ནི། དམ་པའི་ཆོས་ཡོངས་སུ
197b2 འཛིན་པ་མ་ཡིན། དགེ་བ་དང་། མི་དགེ་བའི་ཆོས་ཡོངས་སུ་འཛིན་པ་ནི། དམ་པའི་ཆོས་ཡོངས་སུ་འཛིན་པ་མ་ཡིན། ཁ་ན་མ་ཐོ་བ་དང་བཅས་པ་དང་། ཁ་ན་མ་ཐོ་བ་མེད་པ་དང་། ཟག་པ་དང་བཅས་པ་དང་། ཟག་པ་མེད་པ་དང་། འཇིག
197b3 རྟེན་པ་དང་། འཇིག་རྟེན་ལས་འདས་པའི་ཆོས་ཡོངས་སུ་འཛིན་པ་ནི། དམ་པའི་ཆོས་ཡོངས་སུ་འཛིན་པ་མ་ཡིན། སྦྱིན་པའི་མཚན་མ་ཡོངས་སུ་འཛིན་པ་ནི། དམ་པའི་ཆོས་ཡོངས་སུ་འཛིན་པ་མ་ཡིན། ཚུལ་ཁྲིམས་དང་། བཟོད་པ་དང་།
197b4 བརྩོན་འགྲུས་དང་། བསམ་གཏན་དང་། ཤེས་རབ་ཀྱི་མཚན་མ་ཡོངས་སུ་འཛིན་པ་ནི། དམ་པའི་ཆོས་ཡོངས་སུ་འཛིན་པ་མ་ཡིན་ནོ། །དེ་ཅིའི་ཕྱིར་ཞེ་ན། ཇི་ཙམ་དུ་མཚན་མ་དང་། དམིགས་པ་མེད་པ་འབྱུང་བ་དེ་ཙམ་དུ་ཆོས་མ་ཡིན།
197b5 འདུལ་བ་མ་ཡིན་པའི་ཕྱིར་ཏེ། གང་འཛིན་པ་ཐམས་ཅད་གཏོང་ཞིང་། འཇུག་པ་དང་། མི་འཇུག་པ་དང་། སྨོན་པ་དང་། མཚན་མ་དང་། དམིགས་པ་ཡོངས་སུ་འཛིན་པ་འདི་ནི། དམ་པའི་ཆོས་ཡོངས་སུ་འཛིན་པའོ། །དེ་ཅིའི་ཕྱིར
197b6 ཞེ་ན། དེ་བཞིན་གཤེགས་པས། ཆོས་རྣམས་མཚན་མ་མེད་པ་དང་། དམིགས་པ་མེད་པར་མངོན་པར་རྫོགས་པར་སངས་རྒྱས་པའི་ཕྱིར་ཏེ། དེ་མཚན་མ་དང་། དམིགས་པ་དག་གིས་ཡོངས་སུ་གཟུང་བར་མི་ནུས་སོ། །
197b7 གང་དེ་ལྟར། བྱང་ཆུབ་སེམས་དཔའི་ལས་ཤེས་པ་དེ་ནི་ཡེ་ཤེས་སོ། །ཡེ་ཤེས་དེ་བྱང་ཆུབ་སེམས་དཔའི་བྱ་བ་ཐམས་ཅད་ཀྱང་བྱེད་ལ། གང་ཟད་པར་ཡང་མི་འགྱུར་བ་དེ་ནི་ཤེས་པའི་རྣམ་པར་འཕྲུལ་པ་ཞེས་བྱའོ།། །།
iiif viewer powered by OpenSeadragon
