| e-texts navigator |
| Wylie |
197a1 བདུད་ཀྱི་ལས་ལས་ཡང་དག་པར་འདས་ལ། བདུད་བཞི་དང་ལྟ་བ་ཐམས་ཅད་དང་བྲལ་ཞིང་སྐྱེ་བ་མེད་པ་ལ་བཟོད་པ་ཉམས་སུ་བླང་ངོ་སྙམ་པ་དེ་ནི། ང་རྒྱལ་གྱི་ལས་སོ། །བདག་གིས་བྱང་ཆུབ་རྟོགས་ནས། ཆོས་ཀྱི་འཁོར་ལོ་བསྐོར
197a2 ཏེ། སེམས་ཅན་རྣམས་ཐར་པར་བྱས་ནས། ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་བཟླའོ་སྙམ་དུ་གང་རློམ་སེམས་སུ་བྱེད་ཅིང་། རྣམ་པར་རྟོག་པ་དེ་དག་ཐམས་ཅད་ནི་ང་རྒྱལ་གྱི་ལས་ཏེ། རྣམ་པར་འཕྲུལ་པའི
197a3 རྒྱལ་པོ། ཇི་ཙམ་དུ་ཡིད་ཉེ་བར་སྤྱོད་པ་དང་། སེམས་མཐོ་བ་དང་། དམའ་བ་དང་། རྣམ་པར་ཤེས་པར་བརྟགས་པ་དེ་ཙམ་དུ་ང་རྒྱལ་གྱི་ལས་སོ། །རྣམ་པར་འཕྲུལ་པའི་རྒྱལ་པོ། དེ་ལ་ཡེ་ཤེས་ཀྱི་ལས་གང་ཞེ་ན། གང་ལ་ཡིད་ཀྱི་ཉེ་བར་སྤྱོད་པ་མེད།
197a4 སེམས་ཀྱི་མེད། རྣམ་པར་ཤེས་པའི་མེད་པ་དེ་ནི་ཡེ་ཤེས་ཀྱི་ལས་ཏེ། དེ་ཡེ་ཤེས་ཀྱིས་བྱས་པའི་ལས་རྣམས་ཀྱང་བྱེད་དོ། །བྱང་ཆུབ་སེམས་དཔའི་ལས་ཀྱང་གང་ཞེ་ན། གང་བྱང་ཆུབ་སེམས་དཔས་བྱ་བ་སྟེ། བྱང་ཆུབ་སེམས་དཔའི་ལས་ནི་རྣམ
197a5 པ་གཉིས་སོ། །གཉིས་གང་ཞེ་ན། འདི་ལྟ་སྟེ། སེམས་ཅན་ཐམས་ཅད་ཡོངས་སུ་སྨིན་པར་བྱ་བ་དང་། དམ་པའི་ཆོས་ཡོངས་སུ་གཟུང་བའོ། །དེ་བདག་ཇི་ལྟར་ཤེས་པ་དེ་བཞིན་དུ། སེམས་ཅན་རྣམས་ཡོངས་སུ་སྨིན་པར་བྱེད་དེ། བདག
197a6 ཀྱང་ཇི་ལྟར་ཤེས་ཞེ་ན། བདག་ནི་གནས་མེད་པར་ཤེས་ཏེ། གང་བདག་གནས་མེད་པར་ཤེས་པ་དེ་ལ་ཡང་ཡིད་མེད། རྣམ་པར་ཤེས་པ་མེད། སེམས་མེད། དེ་དེ་ལྟར་སེམས་ཅན་རྣམས་ཡོངས་སུ་སྨིན་པར་བྱེད་དོ། །དམ་པའི་ཆོས
197a7 ཀྱང་ཇི་ལྟར་ཡོངས་སུ་འཛིན་ཅེ་ན། གང་ཆོས་ཐམས་ཅད་ཡོངས་སུ་འཛིན་པ་མེད་པ་སྟེ། འདི་ནི་དམ་པའི་ཆོས་ཡོངས་སུ་འཛིན་པའོ། །གཟུགས་ཡོངས་སུ་འཛིན་པ་ནི་དམ་པའི་ཆོས་ཡོངས་སུ་འཛིན་པ་མ་ཡིན། ཚོར་བ་དང་། འདུ་ཤེས་དང་། འདུ
iiif viewer powered by OpenSeadragon
