| e-texts navigator |
| Wylie |
196b1 པའི་བརྩོན་འགྲུས་སུ་གྱུར་པ་དེ་ཙམ་དུ་ང་རྒྱལ་གྱི་ལས་སོ། །ཇི་ཙམ་དུ་རྟོག་པ་དང་། རྣམ་པར་རྟོག་པ་དང་། ཡོངས་སུ་རྟོག་པའི་བསམ་གཏན་དུ་གྱུར་པ་དེ་ཙམ་དུ་ང་རྒྱལ་གྱི་ལས་སོ། །ཇི་ཙམ་དུ་བདག་དང་བདག་གིར་བྱེད་པས་བསྐྱེད་པའི་ཤེས་རབ་ཏུ
196b2 གྱུར་པ་དེ་ཙམ་དུ་ང་རྒྱལ་གྱི་ལས་སོ། །བདག་ནི་བྱང་ཆུབ་སེམས་དཔའོ་སྙམ་པ་དེ་ནི་ང་རྒྱལ་གྱི་ལས་སོ། །བདག་ནི་བྱང་ཆུབ་ཏུ་ཞུགས་སོ་སྙམ་པ་དེ་ནི་ང་རྒྱལ་གྱི་ལས་སོ། །བདག་ནི་སངས་རྒྱས་དང་། ཆོས་དང་། དགེ་འདུན་གྱི་ཚུལ་མི་གཅོད
196b3 དོ་སྙམ་པ་དེ་ནི་ང་རྒྱལ་གྱི་ལས་སོ། །བདག་ནི་སེམས་ཅན་གྱི་དོན་ལ་ཡང་དག་པར་ཞུགས་སོ་སྙམ་པ་དེ་ནི་ང་རྒྱལ་གྱི་ལས་སོ། །བདག་གིས་སེམས་ཅན་མ་རྒལ་བ་བསྒྲལ་ལོ་སྙམ་པ་དང་། མ་གྲོལ་བ་དགྲོལ་ལོ་སྙམ་པ་དང་། དབུགས་མ་ཕྱིན
196b4 པ་དབུགས་དབྱུང་ངོ་སྙམ་པ་དང་། ཡོངས་སུ་མྱ་ངན་ལས་མ་འདས་པ་ཡོངས་སུ་མྱ་ངན་ལས་བཟླའོ་སྙམ་པ་དེ་ནི། ང་རྒྱལ་གྱི་ལས་སོ། །བདག་ནི་སྦྱིན་པའི་བདག་པོའོ། །བདག་ནི་ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་།
196b5 བསམ་གཏན་དང་། ཤེས་རབ་དང་ལྡན་ནོ་སྙམ་པ་དེ་ནི་ང་རྒྱལ་གྱི་ལས་སོ། །བདག་ནི་བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་ལ་གནས་སོ་སྙམ་པ་དེ་ནི་ང་རྒྱལ་གྱི་ལས་སོ། །བདག་ནི་འདོད་པ་ཆུང་བ། ཆོག་ཤེས
196b6 པ། རབ་ཏུ་དབེན་པ་ལ་དགའ་བའོ་སྙམ་པ་དེ་ནི་ང་རྒྱལ་གྱི་ལས་སོ། །བདག་ནི་སྦྱིན་གནས་སྨྲ་བ། བདག་ནི་དགོན་པ་པ་ཡོ་བྱད་བསྙུངས་པའོ་སྙམ་དུ་རློམ་སེམས་སུ་བྱེད་ཅིང་རྣམ་པར་རྟོག་པ་དེ་ནི་ང་རྒྱལ་གྱི་ལས་སོ། །བདག་ནི་སྟོང་པ་ཉིད་དང་།
196b7 མཚན་མ་མེད་པ་དང་། སྨོན་པ་མེད་པ་ལ་གནས་པའོ་སྙམ་པ་དེ་ནི། ང་རྒྱལ་གྱི་ལས་སོ། །བདག་ནི་བདེན་པར་སྨྲ་བའོ། །ཡང་དག་པར་སྨྲ་བའོ། །ཇི་ལྟར་སྨྲས་པ་དེ་ལྟར་བྱེད་པའོ་སྙམ་པ་དེ་ནི། ང་རྒྱལ་གྱི་ལས་སོ། །བདག་ནི
iiif viewer powered by OpenSeadragon
