| e-texts navigator |
| Wylie |
195b1 སམ། འཇིག་རྟེན་པ་དང་། འཇིག་རྟེན་ལས་འདས་པ་དག་མི་དམིགས་པ་དེ་ནི་ལམ་ཞེས་བྱའོ། །ཆོས་ཐམས་ཅད་ཐ་དད་པ་མེད་པའི་ཕྱིར་ལམ་མཉམ་པ་ཉིད་དོ། །ཉོན་མོངས་པ་ཐམས་ཅད་ཀྱིས་ཡོངས་སུ་གདུང་བ་མེད་པའི་ཕྱིར་ལམ་རབ་ཏུ་ཞི་བའོ། །ངན་འགྲོ
195b2 ཐམས་ཅད་དང་བྲལ་བའི་ཕྱིར་ལམ་ཉེ་བར་ཞི་བའོ། །ཟག་པ་ཐམས་ཅད་ཡོངས་སུ་ཟད་པའི་ཕྱིར་ལམ་ཟག་པ་མེད་པའོ། །ལམ་དེ་ནི་དམིགས་པར་ལྟ་བ་ཐམས་ཅད་ཀྱིས་བགྲོད་པར་བྱ་བ་མ་ཡིན་པའོ། །ལམ་དེ་ནི་རྣལ་འབྱོར་སྤྱོད་པ་ཡང་དག་པར་ཞུགས་པ་རྣམས
195b3 ཀྱིས་རྟོགས་སླ་བའོ། །ལམ་དེ་ནི་སྔོན་གྱི་དེ་བཞིན་གཤེགས་པ་རྣམས་བཞུད་ཅིང་རྗེས་སུ་བཞུད་པའོ། །ལམ་དེ་ནི་མཚན་མར་རྣམ་པར་རྟོག་པ་ཐམས་ཅད་སྤངས་པའི་ཕྱིར་མཚན་མ་མེད་པའོ། །ལམ་གང་གིས་གཉིས་དང་མཚན་མར་མི་ལྟུང་བ་དེ་ནི་ལམ་ཞེས་བྱ
195b4 སྟེ། གང་གི་ཚེ་བྱང་ཆུབ་སེམས་དཔའ་བདེན་པ་བཞི་པོ་གང་དག་ལ་ཚུལ་འདིས་རྟོགས་པ་དེ་ནི་བདེན་པ་ཤེས་པ་ཞེས་བྱའོ། །བདེན་པ་བཞི་པོ་འདི་རྣམས་ཉན་ཐོས་ཀྱི་ཐེག་པ་པ་རྣམས་དང་། རང་སངས་རྒྱས་ཀྱི་ཐེག་པ་པ་རྣམས་སྟོན་ལ། ཐེག་པ་དེ་དག་ལ
195b5 ཡང་འདོད་པར་མི་བྱེད་པ་དེ་ནི་བདེན་པ་ཤེས་པའི་རྣམ་པར་འཕྲུལ་པ་ཞེས་བྱའོ། །རྣམ་པར་འཕྲུལ་པའི་རྒྱལ་པོ་གཞན་ཡང་ཤེས་པའི་རྣམ་པར་འཕྲུལ་པ་ནི་གང་ཉན་ཐོས་ཀྱི་ཐེག་པ་ཡང་ཤེས་ལ། དེ་ལ་གནས་པར་ཤེས་པ་ཡང་མ་ཡིན་པ་དང་། རང
195b6 སངས་རྒྱས་ཀྱི་ཐེག་པ་པ་ཡང་ཤེས་ལ། དེ་ལ་གནས་པར་ཤེས་པ་ཡང་མ་ཡིན་པ་དང་། རང་སངས་རྒྱས་ཀྱི་ཐེག་པ་ཡང་ཤེས་ལ། དེ་ལ་གནས་པར་ཤེས་པ་ནི་ཤེས་པའི་རྣམ་པར་འཕྲུལ་པ་ཞེས་བྱའོ། །གཞན་ཡང་ཤེས་པའི་རྣམ་པར་འཕྲུལ
195b7 པ་ནི་གང་ཤེས་པ་གཅིག་གིས་སེམས་ཅན་ཐམས་ཅད་ཀྱི་སེམས་ཤེས་པ་དང་། སེམས་ཀྱི་ངོ་བོ་ཉིད་གཅིག་གིས་སེམས་ཅན་ཀྱི་སེམས་ཀྱི་ངོ་བོ་ཉིད་ཤེས་ལ། སེམས་དང་ཤེས་པ་ལ་གཉིས་སུ་ཡང་མི་འཇུག་པའོ། །གཞན་ཡང་ཤེས་པའི་རྣམ་པར
iiif viewer powered by OpenSeadragon
