| e-texts navigator |
| Wylie |
192a1 དང་། སྐྱེ་མཆེད་རྣམས་ཀྱང་ཡོངས་སུ་འཛིན་ཅིང་ཕུང་པོ་དང་། ཁམས་དང་། སྐྱེ་མཆེད་རྣམས་ཀྱང་མི་སྤོང་བ་དེ་ནི་དེའི་ཤེས་པའི་རྣམ་པར་འཕྲུལ་པའོ། །གང་ཕུང་པོ་དང་། ཁམས་དང་། སྐྱེ་མཆེད་དག་གི་མཚན་ཉིད་གང་ཡིན་པ་དང་། ངོ
192a2 བོ་ཉིད་གང་ཡིན་པ་དེ་དག་རབ་ཏུ་ཤེས་ལ། དེ་རྣམས་སྤོང་བར་མི་བྱེད་ཅིང་། ཁམས་གསུམ་ན་ཡང་སྣང་ལ། ཉོན་མོངས་པ་དང་ཡང་ལྷན་ཅིག་མི་གནས་ཤིང་སྐྱེ་བ་དང་འབྱུང་བ་དག་ཀྱང་སྟོན་ལ། སྐྱེ་བར་ཡང་མི་འགྱུར། འཆི་འཕོ་བར་ཡང་མི་འགྱུར་བ་དེ་ནི་དེའི་ཤེས་པའི་རྣམ་པར
192a3 འཕྲུལ་པའོ། །དེ་ལ་རྟེན་ཅིང་འབྲེལ་པར་འབྱུང་བ་ཤེས་པ་གང་ཞེ་ན། མ་རིག་པ་གང་ནི་འདུ་བྱེད་རྣམས་ཀྱི་རྐྱེན་ཡིན་མོད་ཀྱི་མ་རིག་པ་ཡང་འདི་སྙམ་དུ་བདག་ནི་འདུ་བྱེད་རྣམས་སྐྱེད་དོ་སྙམ་དུ་མི་སེམས། འདུ་བྱེད་རྣམས་ནི་རྣམ་པར་ཤེས་པའི་རྐྱེན་ཡིན་མོད་ཀྱི། འདུ་བྱེད་རྣམས
192a4 ཀྱང་འདི་སྙམ་དུ་བདག་ཅག་ནི་རྣམ་པར་ཤེས་པ་སྐྱེད་དོ་སྙམ་དུ་མི་སེམས། རྣམ་པར་ཤེས་པ་ནི་མིང་དང་གཟུགས་ཀྱི་རྐྱེན་ཡིན་མོད་ཀྱི། རྣམ་པར་ཤེས་པ་ཡང་འདི་སྙམ་དུ་བདག་ནི་མིང་དང་གཟུགས་སྐྱེད་དོ་སྙམ་དུ་མི་སེམས། མིང་དང་གཟུགས་ནི་སྐྱེ་མཆེད་དྲུག་གི་རྐྱེན་ཡིན
192a5 མོད་ཀྱི། མིང་དང་གཟུགས་ཀྱང་འདི་སྙམ་དུ་བདག་ནི་སྐྱེ་མཆེད་དྲུག་སྐྱེད་དོ་སྙམ་དུ་མི་སེམས། སྐྱེ་མཆེད་དྲུག་ནི་རེག་པའི་རྐྱེན་ཡིན་མོད་ཀྱི། སྐྱེ་མཆེད་དྲུག་ཀྱང་འདི་སྙམ་དུ་བདག་ནི་རེག་པ་སྐྱེད་དོ་སྙམ་དུ་མི་སེམས། རེག་པ་ནི་ཚོར་བའི་རྐྱེན་ཡིན་མོད་ཀྱི། རེག་པ་ཡང་འདི
192a6 སྙམ་དུ་བདག་ནི་ཚོར་བ་སྐྱེད་དོ་སྙམ་དུ་མི་སེམས། ཚོར་བ་ནི་སྲེད་པའི་རྐྱེན་ཡིན་མོད་ཀྱི། ཚོར་བ་ཡང་འདི་སྙམ་དུ་བདག་ནི་སྲེད་པ་སྐྱེད་དོ་སྙམ་དུ་མི་སེམས། སྲེད་པ་ནི་ལེན་པའི་རྐྱེན་ཡིན་མོད་ཀྱི། སྲེད་པ་ཡང་འདི་སྙམ་དུ་བདག་ནི་ལེན་པ་སྐྱེད་དོ་སྙམ་དུ་མི་སེམས། ལེན
192a7 པ་ནི་སྲིད་པའི་རྐྱེན་ཡིན་མོད་ཀྱི། ལེན་པ་ཡང་འདི་སྙམ་དུ་བདག་ནི་སྲིད་པ་སྐྱེད་དོ་སྙམ་དུ་མི་སེམས། སྲིད་པ་ནི་སྐྱེ་བའི་རྐྱེན་ཡིན་མོད་ཀྱི། སྲིད་པ་ཡང་འདི་སྙམ་དུ་བདག་ནི་སྐྱེ་བ་སྐྱེད་དོ་སྙམ་དུ་མི་སེམས། སྐྱེ་བ་ནི་རྒ་ཤིའི་རྐྱེན་ཡིན་མོད་ཀྱི། སྐྱེ་བ་ཡང་འདི་སྙམ་དུ་བདག་ནི་རྒ
iiif viewer powered by OpenSeadragon
