| e-texts navigator |
| Wylie |
189b1 གྱི་མཐུས་ངག་གི་ལས་ཀྱི་རྣམ་པར་རིག་བྱེད་ཀྱིས་བྱིས་པ་རྣམས་ལ་ཆོས་སྟོན་ཏོ། །རྣམ་པར་འཕྲུལ་པའི་རྒྱལ་པོ་བྱང་ཆུབ་སེམས་དཔའ་དེ་རྫུ་འཕྲུལ་དེ་ལྟ་བུ་དང་ལྡན་པས་ཆོ་འཕྲུལ་བསམ་གྱིས་མི་ཁྱབ་པ་དང་ལྡན་པ་གཞན་དག་གིས་ཀྱང་ཆོས་སྟོན་ཏེ། དེ་ཟླ་བ་དང་ཉི་མ་ལ་མོས་པའི
189b2 སེམས་ཅན་རྣམས་གདུལ་བའི་ཕྱིར་ཟླ་བ་དང་ཉི་མའི་གཞལ་མེད་ཁང་རྣམས་ན་ཟླ་བ་དང་ཉི་མ་ལྟར་སྣང་ཞིང་རྫུ་འཕྲུལ་གྱི་མཐུས་ཀྱང་ཟླ་བ་དང་ཉི་མའི་དཀྱིལ་འཁོར་དང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ལག་མཐིལ་དུ་བཞག་སྟེ་འཇིག་རྟེན་གྱི་ཁམས་མཐའ
189b3 ཡས་པར་འགྲོའོ། །དེ་འགྲོ་བ་ཡང་སྣང་ལ་གཞི་ནས་གཡོས་པ་ཡང་མེད་དོ། །དེ་འདོད་ན་སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་སྙེད་དག་སྤུའི་དྲ་བ་གཅིག་ཏུ་བཅུག་ནས་ཚངས་པའི་འཇིག་རྟེན་དུ་འདུག་ཅིང་འཇིག་རྟེན་གྱི་ཁམས་མཐའ་ཡས་པར་འཕེན་ཀྱང་སེམས་ཅན
189b4 གང་ལ་ཡང་གནོད་པར་མི་འགྱུར་ལ། སླར་ཡང་གནས་ཇི་ལྟ་བ་ཉིད་དུ་འཇོག་ཅིང་སེམས་ཅན་རྣམས་ཀྱིས་བདག་ཅག་ཁྱེར་བའམ། སླར་བླངས་པར་མ་ཤེས་སོ། །ཁའི་དབུགས་གཅིག་གིས་ཀྱང་སྲེག་པའི་བསྐལ་པ་གང་གཱའི་ཀླུང་གི་བྱེ་མ་སྙེད་དག་ཞི་བར་བྱེད་དོ། །སྐྱིལ
189b5 མོ་ཀྲུང་གཅིག་ཏུ་འདུག་པས་ཀྱང་སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་སྙེད་དག་ཏུ་འགྲོའོ། །ལག་པ་གཉིས་ཀྱིས་ཉི་མ་དང་ཟླ་བ་བསྒྲིབས་ཏེ། སངས་རྒྱས་ཀྱི་ཞིང་དེ་དག་ཀྱང་སྨད་པར་བྱས་ནས་ཆོས་སྟོན་ཏོ། །རྣམ་པར་འཕྲུལ་པའི་རྒྱལ་པོ་བྱང་ཆུབ་སེམས་དཔའ
189b6 དེ་གལ་ཏེ་དེ་བཞིན་གཤེགས་པའི་སྤྱན་སྔར་འདུག་པར་གྱུར་ལ། དེ་འདོད་ན་དེ་བཞིན་གཤེགས་པ་ལ་མཆོད་པའི་ལས་བྱ་བའི་ཕྱིར་མེ་ཏོག་གི་ཕུར་མ་རི་རབ་ལྟ་བུ་དག་དེ་བཞིན་གཤེགས་པའི་སྐུ་ལ་འཐོར་ཞིང་མེ་ཏོག་གི་ཕུར་མ་དེ་དག་གཏོར་མ་ཐག་ཏུ་དེ་བཞིན་གཤེགས་པའི་སྐུའི
189b7 ནང་ན་སྣང་ངོ་། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་ཤིང་ངམ། རྩཝ་གང་དག་ཡོད་པ་དེ་དག་ཐམས་ཅད་དེ་བཞིན་གཤེགས་པ་ལ་མཆོད་པའི་ལས་བྱ་བའི་ཕྱིར་མར་མེ་དང་། ཡོན་ཆབ་ཏུ་བྱིན་གྱིས་རློབ་སྟེ། དེ་དག་ཀྱང་འབར་ཞིང་མར་མེ་དང་། ཡོན
iiif viewer powered by OpenSeadragon
