| e-texts navigator |
| Wylie |
189a1 པའི་རྣམ་པར་རིག་བྱེད་ཀྱིས་ཆོས་སྟོན། སེམས་ཅན་ཁ་ཅིག་ལ་ནི་དྲི་ཟའི་གཟུགས་ཀྱིས་གླུ་དང་། རོལ་མོའི་དབྱངས་སྒྲ་དགའ་བའི་སྦྱོར་བས་ཆོས་སྟོན། སེམས་ཅན་ཁ་ཅིག་ལ་ནི་ཀླུའི་དཀྱིལ་འཁོར་གྱིས་སྦྱོར་བས་སྤྲིན་དང་། འབྲུག་སྒྲ་དང་། གློག་དང་།
189a2 ཆར་གྱི་རྒྱུན་འབབ་པ་བསྟན་ནས་ཆོས་སྟོན། བཀྲེས་པ་དང་། སྐོམ་པས་ཉེན་པ་ཁ་ཅིག་ལ་ནི་ལྷའི་བཟའ་བ་དང་། བཏུང་བ་བྱིན་ནས་བདེ་བར་གྱུར་པ་ལ་ཆོས་སྟོན། སེམས་ཅན་དམྱལ་བ་པའི་སེམས་ཅན་གང་དག་སྡུག་བསྔལ་གྱིས་ཤིན་ཏུ་གཟིར་བ་དེ་དག་ལ་ནི
189a3 རྫུ་འཕྲུལ་གྱི་མཐུས་སེམས་ཅན་དམྱལ་བའི་མེ་ཞི་བར་བྱས་ནས་སྤུའི་བུ་ག་ཐམས་ཅད་དུ་གཟི་བྱིན་བཅུག་སྟེ། བདེ་བ་ཐོབ་པར་གྱུར་པ་རྣམས་ལ་ཆོས་སྟོན། སེམས་ཅན་ལོང་བ་རྣམས་ལ་ནི་རྫུ་འཕྲུལ་གྱི་མཐུས་མིག་བྱིན་ཏེ། མིག་དང་ལྡན་པར་གྱུར་པ་ལ་ཆོས
189a4 སྟོན། སེམས་ཅན་གང་དག་རྣ་བ་དང་བྲལ་ཞིང་འོན་པར་གྱུར་པ་དེ་དག་ལ་ནི་རྫུ་འཕྲུལ་གྱི་མཐུས་རྣ་བ་དང་ལྡན་པར་བྱས་ཏེ་དེ་དག་ལ་ཆོས་སྟོན། སེམས་ཅན་གང་དག་ནད་སྣ་ཚོགས་ཀྱིས་གཟིར་བ་དེ་དག་ལ་ནི་ནད་མེད་པར་བྱས་ནས་ནད་དང་བྲལ་བ་རྣམས་ལ་ཆོས་སྟོན།
189a5 སེམས་ཅན་གང་དག་གསད་དུ་ཁྲིད་ཅིང་སྲོག་གི་བར་ཆད་དུ་གྱུར་པ་དེ་དག་གི་ཕྱིར་ནི་རྫུ་འཕྲུལ་གྱི་མཐུས་དེ་དང་འདྲ་བ་གཞན་དག་སྤྲུལ་ཏེ་བསམས་ནས་དེ་དག་ཐར་བར་བྱས་ཏེ་སྲོག་གི་དབུགས་ཕྱིན་པར་གྱུར་པ་རྣམས་ལ་ཆོས་སྟོན། སེམས་ཅན་ཡན་ལག་དང་ཉིང་ལག
189a6 ཉམས་ཤིང་དབང་པོ་དང་བྲལ་ལ་མི་སྡུག་པ། མི་འཇིགས་པ་མེད་པ། སེམས་རང་གི་ལུས་ལ་ཞུམ་པ་དེ་དག་ལ་རྫུ་འཕྲུལ་གྱི་མཐུས་ཡན་ལག་དང་ཉིང་ལག་ཐམས་ཅད་དང་ལྡན་པར་བྱས་པའི་འོག་ཏུ་གཟུགས་བཟང་པོ་ཅན་ལ་ཆོས་སྟོན། སེམས་ཅན་མངལ་གྱི་གནས་ན་འཁོད
189a7 པ་བླུན་ཞིང་མི་གཙང་བའི་སྙིང་པོས་འཚོ་བ་དག་ཀྱང་རྫུ་འཕྲུལ་གྱི་མཐུས་བཏུལ་ཏེ། མངལ་ཉིད་དུ་རིན་པོ་ཆེ་བཀོད་པའི་ཁང་པ་བརྩེགས་པར་འདུག་ནས་དེ་དག་གི་ཡིད་ཀྱི་བློ་བསྐྱེད་དེ་དེ་དག་ལ་ཆོས་སྟོན། བཙས་ཏེ་དབང་པོ་ཡོངས་སུ་མ་སྨིན་པ་རྣམས་ཀྱང་རྫུ་འཕྲུལ
iiif viewer powered by OpenSeadragon
