| e-texts navigator |
| Wylie |
188a1 བདག་གི་ཡོངས་སུ་གཟུང་བ་མི་རྟག་པ་ཉིད་ལ་ཡང་སྟོན། འགྱུར་བ་ལ་ཡང་སྟོན་ཏོ། །དེ་འདི་སྙམ་དུ་ཡང་སེམས་ཏེ། ཨེ་མའོ་འདུ་བྱེད་ཐམས་ཅད་ཤིན་ཏུ་མི་རྟག་ན་སེམས་ཅན་རྣམས་ནི་རྟག་པར་འདུ་ཤེས་སོ་སྙམ་དུ་དེ་སེམས་ཅན་རྣམས་ལ་སྙིང་རྗེ་ཆེན
188a2 པོ་སྐྱེ་ཞིང་དངོས་པོ་ཐམས་ཅད་ལ་མི་ལྟ་བར་འགྱུར་རོ། །རྣམ་པར་འཕྲུལ་པའི་རྒྱལ་པོ་འདི་ནི་བྱང་ཆུབ་སེམས་དཔའི་མངོན་པར་ཤེས་པའི་རྣམ་པར་འཕྲུལ་པ་བཞི་པ་སྟེ། དངོས་པོ་ཐམས་ཅད་མི་རྟག་པར་ཡང་རྟོགས་ལ། སེམས་ཅན་ཡོངས་སུ་སྨིན་པར་བྱ་བའི་ཕྱིར
188a3 སྲིད་པ་རྣམས་སུ་བསམས་བཞིན་དུ་སྐྱེ་བ་དང་། ཡོངས་སུ་འཛིན་པ་མེད་པར་བྱ་བའི་ཕྱིར་ཡོངས་སུ་གཟུང་བ་ཡོངས་སུ་འཛིན་ཅིང་། སེམས་ཅན་རྣམས་ཡོངས་སུ་སྨིན་པར་བྱ་བ་ཉིད་ཀྱི་ཕྱིར་ཉེ་བར་ལེན་པ་མེད་པར་ཉེ་བར་ལེན་ཏོ། །རྣམ་པར་འཕྲུལ་པའི་རྒྱལ་པོ་དེ་ལ་བྱང་ཆུབ
188a4 སེམས་དཔའ་རྣམས་ཀྱི་རྫུ་འཕྲུལ་གྱི་རྣམ་པར་འཕྲུལ་པ་གང་ཞེ་ན། རྣམ་པར་འཕྲུལ་པའི་རྒྱལ་པོ་འདི་ལ་བྱང་ཆུབ་སེམས་དཔའ་འདུན་པ་དང་། བརྩོན་འགྲུས་དང་། སེམས་དང་། དཔྱོད་པ་ལས་སེམས་དབང་བའི་རྣམ་པ་མངོན་པར་བསྒྲུབ་པའི་རྫུ་འཕྲུལ་གྱི་རྐང་པ
188a5 འཐོབ་སྟེ། དེ་ཤིན་ཏུ་ཆེར་མངོན་པར་འདུས་བྱས་པ་མེད་པར་རྫུ་འཕྲུལ་མངོན་དུ་འཐོབ་བོ། །དེ་འདོད་ན་སེམས་བསྐྱེད་པ་གཅིག་གིས་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་དག་ཏུ་འགྲོ་ཞིང་དེར་སོང་བ་ཡང་ཤེས་ལ་འདི་ནས་ཀྱང་མི་གཡོའོ། །དེ་ན་ཆོས་སྟོན་པར
188a6 ཡང་སྣང་ལ་འདི་ན་གཏམ་བརྗོད་པའི་རྒྱུན་ཡང་མི་འཆད་དོ། །རྣམ་པར་འཕྲུལ་པའི་རྒྱལ་པོ་འདི་ནི་བྱང་ཆུབ་སེམས་དཔའི་རྫུ་འཕྲུལ་གྱི་རྣམ་པར་འཕྲུལ་པ་སྟེ། རྣམ་པར་འཕྲུལ་པ་དེས་རྫུ་འཕྲུལ་གྱི་ཆོ་འཕྲུལ་གྱིས་གདུལ་བའི་སེམས་ཅན་རྣམས་གདུལ་བར་བྱེད་དེ། ལྷ་ཡང
188a7 རུང་། མི་ཡང་རུང་། སེམས་ཅན་གང་དག་རྟག་པར་འདུ་ཤེས་པ། དེ་དག་ལ་སྲེག་པའི་བསྐལ་པ་ཉེ་བར་སྟོན་ཏེ། དེ་ན་སྟོང་གསུམ་གྱི་འཇིག་རྟེན་གྱི་ཁམས་ཚིག་པར་དེ་དག་གིས་མཐོང་ལ་འཇིག་རྟེན་གྱི་ཁམས་དེ་ཞིག་པར་ཡང་མི་འགྱུར་རོ། །སེམས་ཅན་གང་དག
iiif viewer powered by OpenSeadragon
