| e-texts navigator |
| Wylie |
187b1 ལྡན་པས་འདུ་བྱེད་དུ་གཏོགས་པ་རྣམས་རྨི་ལམ་ལྟ་བུར་མོས་པར་བྱེད་དེ། འདི་ལྟ་སྟེ། དཔེར་ན་རྨི་ལམ་ན་སྐྱེ་བ་དང་། འཆི་བ་དང་། བདེ་བ་དང་སྡུག་བསྔལ་རྨི་བ་དེ་བཞིན་དུ་འདུ་བྱེད་ཐམས་ཅད་ལ་མོས་པར་བྱེད་དོ། །དེ་དེ་ལྟར་མོས་པས་འཁོར་བ་ལས་སྐྱོ་བར་མི་འགྱུར་ལ།
187b2 སེམས་ཅན་ཐམས་ཅད་ལ་ཡང་སྙིང་རྗེ་བར་འགྱུར་རོ། །ཆོས་ཐམས་ཅད་ལ་བཅོས་མ་འདུ་ཤེས་སུ་འགྱུར་ཏེ། དེ་འདི་སྙམ་དུ་བདག་བསྐལ་པ་སྟོང་ཕྲག་འདི་སྙེད་གཅིག་ཏུ་འཁོར་བར་གྱུར་པ་དེ་ཡང་དག་པར་མ་ཡིན་ཞིང་མེད་པའོ། །འབྱུང་བ་ཆེན་པོ་རྣམས་ནི་མེད་པས
187b3 གང་ན་འབྱུང་བ་ཆེན་པོ་རྣམས་མི་སྲིད་པའི་སེམས་ཅན་ཐམས་ཅད་ཀྱི་འཁོར་བ་ཡང་དེ་བཞིན་ཏེ། ཡང་དག་པ་མ་ཡིན་ཞིང་མེད་པའོ་སྙམ་དུ་མི་སེམས་སོ། །རྣམ་པར་འཕྲུལ་པའི་རྒྱལ་པོ་བྱང་ཆུབ་སེམས་དཔའ་དེ་སྔོན་གྱི་གནས་རྗེས་སུ་དྲན་ལ་དེ་འབྱུང་བ་རྣམས་དང་། འདུ
187b4 བྱེད་རྣམས་མི་རྟག་པ་ཉིད་དུ་མཐོང་སྟེ། དེ་ཅིའི་ཕྱིར་ཞེ་ན། དེ་ནི་འཁོར་ལོས་སྒྱུར་བའི་བདེ་བ་རྗེས་སུ་དྲན་པ་དེ་ཡང་མི་རྟག་པ་དང་འགྱུར་བའི་ཆོས་ཅན་ཡིན། བརྒྱ་བྱིན་གྱི་བདེ་བ་རྗེས་སུ་དྲན་ལ་དེ་ཡང་མི་རྟག་པ་དང་འགྱུར་བའི་ཆོས་ཅན་ཡིན། ཚངས་པའི་བདེ་བ་རྗེས་སུ་དྲན
187b5 ལ་དེ་ཡང་མི་རྟག་པ་དང་འགྱུར་བའི་ཆོས་ཅན་ཡིན་ནོ། །སྔོན་གྱི་སངས་རྒྱས་བཅོམ་ལྡན་འདས་རྣམས་ཀྱི་ཞིང་གི་ཡོན་ཏན་བཀོད་པ་དང་། ཉན་ཐོས་ཀྱི་ཡོན་ཏན་བཀོད་པ་དང་། བྱང་ཆུབ་སེམས་དཔའི་ཡོན་ཏན་བཀོད་པ་ཉེ་བར་སྤྱོད་པ་དང་། ཡོངས་སུ་སྤྱོད་པ་རྗེས་སུ་དྲན
187b6 ཞིང་སངས་རྒྱས་བཅོམ་ལྡན་འདས་དེ་དག་གི་གཟུགས་ཀྱི་སྐུ་ཕུན་སུམ་ཚོགས་པ་དང་། ཆོས་ཀྱི་འཁོར་ལོ་བསྐོར་བ་ཕུན་སུམ་ཚོགས་པ་ཡང་རྗེས་སུ་དྲན་ནོ། །དེ་དེ་ལྟར་རྗེས་སུ་དྲན་པ་ནི་འདུས་བྱས་ཀྱི་དངོས་པོ་ཐམས་ཅད་དང་། ཡོངས་སུ་འཛིན་པ་ཐམས་ཅད་ལ་མི་ལྟ་བའི་འདུ
187b7 ཤེས་པ་ཡིན་ནོ། །དེ་ཅིའི་ཕྱིར་ཞེ་ན། འདི་ལྟར་དེ་འདི་སྙམ་དུ་སངས་རྒྱས་ཀྱི་ཞིང་རྒྱ་ཆེན་པོ་དང་། སངས་རྒྱས་ཀྱི་གཟུགས་ཀྱི་སྐུ་དེ་དག་ཀྱང་ཟད་པའི་ཆོས་ཉིད་ཀྱི་ཟད་པ་ཡིན་ཏེ། དེ་བས་ན་བདག་གི་ཡོངས་སུ་གཟུང་བ་འདི་ཡང་མི་རྟག་གོ་སྙམ་དུ་སེམས་ཤིང་། དེ
iiif viewer powered by OpenSeadragon
