| e-texts navigator |
| Wylie |
187a1 ཅན་འདི་དག་གི་རྒྱུ་ནི་རང་སངས་རྒྱས་ཀྱི་ཐེག་པ། སེམས་ཅན་འདི་དག་གི་རྒྱུ་ནི་ཐེག་པ་ཆེན་པོའོ་ཞེས་དེ་སེམས་ཅན་རྣམས་ཀྱི་སྔོན་གྱི་རྒྱུ་ཤེས་ནས་དེ་དག་ལ་དེ་བཞིན་དུ་ཆོས་སྟོན་ཏོ། །དེ་སྔོན་གྱི་གནས་མངོན་དུ་བྱེད་པས་སྔོན་གྱི་སྦྱོར་བ་ཕུན་སུམ་ཚོགས་པ་ཐོབ
187a2 བོ། །དེ་སངས་རྒྱས་རྣམས་ལ་སྔོན་དགེ་བའི་རྩ་བ་ཇི་སྙེད་པ་སྐྱེད་པ་བྱང་ཆུབ་ཏུ་ཡོངས་སུ་མ་བསྔོས་པ་དེ་དག་རྗེས་སུ་དྲན་པར་བྱས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོའོ། །དེ་སྔོན་གྱི་གནས་ཀྱང་རྗེས་སུ་དྲན་ལ་ཆོས་ཐམས་ཅད་སྔོན་གྱི་མཐར
187a3 འཕོ་བ་མེད་པར་ཡང་རབ་ཏུ་ཤེས། གང་ཡང་སྔོན་གྱི་མཐའ་ནས་ཕྱི་མའི་མཐར་འགྲོ་བ་མེད་པར་མཐོང་། ཕྱི་མའི་མཐའ་ནས་སྔོན་གྱི་མཐར་འགྲོ་བ་མེད་པར་མཐོང་ངོ་། །ཆོས་ཐམས་ཅད་གང་དུ་ཡང་འགྲོ་བ་དང་འོང་བ་མེད་པར་ཡང་རབ་ཏུ་ཤེས་སོ། །དེ་སྔོན་གྱི་མཐའ་རྗེས
187a4 སུ་དྲན་པ་ན་སྔོན་གྱི་མཐར་ལྟ་བར་མི་འགྱུར། དེ་ཕྱི་མའི་མཐའ་རྗེས་སུ་དྲན་པ་ན་ཕྱི་མའི་མཐར་ལྟ་བར་མི་འགྱུར་ཏེ། ཆོས་ཐམས་ཅད་མཐའ་དང་དབུས་མེད་པར་ཡང་རབ་ཏུ་ཤེས་སོ། །དེ་སེམས་ཅན་ཐམས་ཅད་ཀྱི་སྔོན་གྱི་གནས་ཀྱང་རྗེས་སུ་དྲན་ལ་གཟུགས་སྔོན་གྱི་མཐའ
187a5 དབེན་པ་ཉིད་དུ་ཡང་རབ་ཏུ་ཤེས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྔོན་གྱི་མཐས་དབེན་པ་ཉིད་དུ་ཡང་རབ་ཏུ་ཤེས་ཏེ། དེ་ཕུང་པོ་ལྔ་ཆར་སྔོན་གྱི་མཐས་དབེན་པ་ཉིད་དང་། ཕྱི་མའི་མཐས་དབེན་པ་ཉིད་དང་། ད་ལྟར་བྱུང་བས
187a6 དབེན་པ་ཉིད་དུ་རབ་ཏུ་ཤེས་སོ། །དེ་ཆོས་ཐམས་ཅད་སྔོན་གྱི་མཐས་སྟོང་པའི་ངོ་བོ་ཉིད་དང་། ད་ལྟར་བྱུང་བས་སྟོང་པའི་ངོ་བོ་ཉིད་དང་། ཕྱི་མའི་མཐས་སྟོང་པའི་ངོ་བོ་ཉིད་དུ་རབ་ཏུ་ཤེས་སོ། །རྣམ་པར་འཕྲུལ་པའི་རྒྱལ་པོ་བྱང་ཆུབ་སེམས་དཔའ་སྔོན་གྱི་གནས་རྗེས་སུ་དྲན་པ་ནི
187a7 སྔོན་གྱི་དགེ་བའི་རྩ་བ་ཡོངས་སུ་ཉམས་པར་ཡང་མི་འགྱུར་ལ། ལས་མངོན་པར་འདུ་བྱ་བ་སྔོན་བྱས་པ་ཡང་ཡོངས་སུ་ཟད་པར་འགྱུར་རོ། །དེ་ཅིའི་ཕྱིར་ཞེ་ན། དེས་ཆོས་ཐམས་ཅད་སར་པ་མ་ཡིན་པ་དང་། རྙིང་པ་མ་ཡིན་པར་ཤེས་པའི་ཕྱིར་རོ། །དེས་ཤེས་པ་དེ་ལྟ་བུ་དང
iiif viewer powered by OpenSeadragon
