| e-texts navigator |
| Wylie |
184b1 གང་ཞེ་ན། གང་སྟོང་པ་ཉིད་ཀྱི་དོན་གྱིས་ལྟ་བར་མི་ལྟུང་བ་དང་། གང་མཚན་མ་མེད་པའི་དོན་གྱིས་མཚན་མར་མི་ལྟུང་བ་དང་། གང་སྨོན་པ་མེད་པའི་དོན་གྱིས་སྨོན་པར་མི་ལྟུང་བ་སྟེ་དེ་ལྟར་ན་དོན་ལ་འབབ་པའི་བློ་ཡིན་ནོ། །གང་ལས་ཆོས་ཉན་པ་དང་། གང་ལས་དོན
184b2 ལ་རྟོན་པ་དེ་ཡང་དོན་དུ་མི་དམིགས་ཏེ། དེ་དམིགས་སུ་མེད་པ་ལ་ཡང་དམིགས་པར་མི་འགྱུར་རོ། །དེ་ལ་སངས་རྒྱས་བཅོམ་ལྡན་འདས་དེ་དག་ལ་ཆོས་ཉན་ཏེ། ངེས་པའི་དོན་གྱི་མདོ་སྡེ་ལ་རྟོན་པ་ཡིན་གྱི་དྲང་བའི་དོན་གྱི་མདོ་སྡེ་ལ་རྟོན་པ་མ་ཡིན་ནོ། །ངེས་པའི་དོན་གྱི
184b3 མདོ་སྡེ་གང་ཞེ་ན། བརྗོད་དུ་མེད་པའི་ཕྱིར་མདོ་སྡེ་ཐམས་ཅད་ནི་ངེས་པའི་དོན་ཏེ། དེ་ལྟར་ན་ངེས་པའི་དོན་གྱི་མདོ་སྡེ་ལ་རྟོན་པ་ཡིན་ནོ། །ངེས་པའི་དོན་གྱི་མདོ་སྡེ་འདི་དག་ལ་གང་དག་མི་རྟོན་པ་དེ་དག་ནི་དྲང་བ་ཞེས་བྱ་སྟེ། ཅིའི་ཕྱིར་དྲང་བ་ཞེས་བྱ་ཞེ་ན། འདི་ལྟར་ངེས་པའི
184b4 དོན་ལས་འགལ་བའི་ཆོས་ལ་གནས་པ་ཡིན་ཏེ། དེ་དག་ནི་དྲང་དགོས་པ་ཡིན་ནོ། །གང་གིས་དྲང་ཞེ་ན། སྒྲས་དྲང་ངོ་། །ངེས་པའི་དོན་གྱི་མདོ་སྡེ་ལ་རྟོན་པ་དག་ནི་སྒྲས་དྲང་བ་མ་ཡིན་ནོ། །དེ་ཅིའི་ཕྱིར་ཞེ་ན། དེ་དག་གིས་དོན་དམ་པ་བརྗོད་དུ་མེད་པ་རྟོགས་ཤིང་དེ་དག་གིས
184b5 འདས་པ་དང་། མ་འོངས་པ་དང་། ད་ལྟར་བྱུང་བའི་ཆོས་ཐམས་ཅད་ལ་ལྷག་ཆད་མེད་པར་ཤེས་པའི་ཕྱིར་ཏེ། རྣམ་པར་འཕྲུལ་པའི་རྒྱལ་པོ་དོན་གྱི་རྣམ་པ་འདི་ལ་དེ་ལྟར་ཆོས་ཉིད་འདི་ལ་རྟོན་ན་མདོ་སྡེ་ཐམས་ཅད་ངེས་པའི་དོན་དུ་འགྱུར་རོ། །དེ་ལྟར་མི་རྟོན་ན་མདོ་སྡེ་ཐམས་ཅད
184b6 དྲང་བའི་དོན་དུ་འགྱུར་རོ། །རྣམ་པར་འཕྲུལ་པའི་རྒྱལ་པོ་གཞན་ཡང་བྱང་ཆུབ་སེམས་དཔའ་སངས་རྒྱས་བཅོམ་ལྡན་འདས་དེ་དག་ལས་ཆོས་ཉན་པ་ན་ཡེ་ཤེས་ལ་རྟོན་པ་ཡིན་གྱི་རྣམ་པར་ཤེས་པ་ལ་མི་རྟོན་ཏོ། །དེ་ཅིའི་ཕྱིར་ཞེ་ན། དེས་རྣམ་པར་ཤེས་པ་སྒྱུ་མ་ལྟ་བུ་དང་།
184b7 དབེན་པ་དང་། ངོ་བོ་ཉིད་མེད་པ་དང་། གཟུགས་མེད་པ་དང་། བསྟན་དུ་མེད་པ་དང་། ཐོགས་པ་མེད་པ་དང་། རྣམ་པར་རིག་པ་མ་ཡིན་པར་ཤེས་པའི་ཕྱིར་ཏེ། གང་རྣམ་པར་ཤེས་པ་དེ་ལྟར་རྟོགས་པ་དེ་ནི་ཡེ་ཤེས་ཡིན་ནོ། །དེ་ཡེ་ཤེས་ལ་རྟོན་པ་ཡིན་གྱི་རྣམ་པར
iiif viewer powered by OpenSeadragon
