| e-texts navigator |
| Wylie |
183b1 རོ། །དེ་ཅིའི་ཕྱིར་ཞེ་ན། འདི་ལྟར་བྱང་ཆུབ་སེམས་དཔའ་དེས་བདག་མེད་པའི་དེ་ཁོ་ན་ཤེས་པའི་ཕྱིར་རོ། །དེ་འདོད་ན་གཟུགས་ན་སྤྱོད་པའི་ལྷའི་ལུས་ཕྲ་བ། ལུས་བཟང་བ། ལུས་འོད་གསལ་བ། ལུས་མི་སྣང་བ། གང་དག་ཡིན་པའི་ལྷ་དེ་དག་གི་མདུན་ན་ཡང་བྱང་ཆུབ
183b2 སེམས་དཔའ་རང་གི་ལུས་ཉེ་བར་སྟོན་ཏོ། །ལྷའི་བུ་དེ་དག་གིས་ཀྱང་དེའི་ལུས་མཐོང་། དེས་ཀྱང་དེ་དག་གི་ལུས་མཐོང་ངོ་། །འདོད་ན་དེའི་ལུས་ལྷ་རྣམས་ཀྱིས་མཐོང་ལ། རང་གི་ལུས་མི་མཐོང་ངོ་། །དེ་འདོད་ན་ལྷའི་བུ་དེ་དག་རང་གི་ལུས་མཐོང་ལ། དེའི་ལུས་མི་མཐོང
183b3 སྟེ། དེ་ལྷའི་མིག་དེ་ལྟ་བུ་དང་ལྡན་པར་འགྱུར་རོ། །དེ་ལྷའི་རྣ་བ་དང་ལྡན་པར་གྱུར་ཏེ། འདི་ལ་འཇིག་རྟེན་གྱི་ཁམས་མཐའ་ཡས་མུ་མེད་པ་དག་ན་སྒྲ་ཇི་སྙེད་ཡོད་པ་ལྷའི་སྒྲའམ། ཀླུ་དང་། གནོད་སྦྱིན་དང་། དྲི་ཟའི་སྒྲའམ། ལྷ་མ་ཡིན་དང་། ནམ་མཁའ་ལྡིང་དང་།
183b4 མིའམ་ཅི་དང་། ལྟོ་འཕྱེ་ཆེན་པོའི་སྒྲའམ། མི་དང་མི་མ་ཡིན་པའི་སྒྲ་དེ་དག་ཐམས་ཅད་དེའི་ལྷའི་རྣ་བའི་དབང་པོ་དེ་ལ་གྲགས་པར་འགྱུར་རོ། །དེ་སྒྲ་དེ་དག་ཐམས་ཅད་ཐོས་ཀྱང་སྒྲ་ཐ་དད་པར་མི་བྱེད་ལ། སྒྲ་ཐམས་ཅད་ཀྱང་སྨྲར་མེད་པར་མོས་སོ། །བརྗོད་དུ་མེད་པར
183b5 མོས་སོ། །དེ་སྒྲ་དེ་དག་ཀྱང་བདག་ཏུ་འདུ་ཤེས་སམ། སེམས་ཅན་དུ་འདུ་ཤེས་སམ། སྒྲར་འདུ་ཤེས་མི་འཇུག་ལ། སྒྲ་ཐམས་ཅད་ཐོག་མའི་མཐའ་དང་ཐ་མའི་སྒྲར་བརྗོད་པ་མེད་པར་རབ་ཏུ་རྟོགས་ཤིང་ཆོས་ཐམས་ཅད་བརྗོད་དུ་མེད་པར་ཡིད་ཆེས་སོ། །དེའི་རྣ་བའི
183b6 དབང་པོའི་རྣམ་པར་ཤེས་པའི་ཁམས་སྒྲིབ་པ་མེད་པར་འགྱུར་ཏེ། སྒྲ་དེ་དག་ཐོས་ནས་ཀྱང་སྒྲ་དེ་དག་གི་དོན་གང་ཡིན་པ་དེ་རབ་ཏུ་ཤེས་སོ། །སྒྲ་རྣམས་ཀྱི་དོན་གང་ཞེ་ན། སྒྲ་ཐམས་ཅད་ཀྱི་དོན་ནི་བརྗོད་དུ་མེད་པའི་དོན་ཏོ། །སྨྲར་མེད་པའི་དོན་ཏོ། །སྒྲ་ཐམས་ཅད་ཀྱི་དོན
183b7 ནི་ཉེ་བར་ཞི་བའི་དོན་ཏོ། །དེ་དོན་དེས་དོན་ལ་རྟོན་པར་འགྱུར་རོ། །སྒྲ་ཐམས་ཅད་ཀྱང་ཐོས་ལ་ཆོས་ཐམས་ཅད་མ་སྐྱེས་པའི་ཕྱིར་གང་ལ་ཡང་གནས་པར་མི་བྱེད་དོ། །ཕྱོགས་བཅུའི་འཇིག་རྟེན་གྱི་ཁམས་གྲངས་མེད་པ་དག་ན་སངས་རྒྱས་བཅོམ་ལྡན་འདས་གང་དག
iiif viewer powered by OpenSeadragon
