| e-texts navigator |
| Wylie |
181b1 རོལ་དང་དབུས་ན་མི་གནས་པ་དེ་ནི་ཁོ་བོའི་སྟོན་པའོ། །གང་ཆོས་ཐམས་ཅད་མི་སྐྱེ་བའི་ཕྱིར་སྐྱེས་པ་དེ་ནི་ཁོ་བོའི་སྟོན་པའོ། །གང་ཆོས་ཐམས་ཅད་འགོག་པ་མེད་པའི་ཕྱིར་ཡོངས་སུ་མྱ་ངན་ལས་འདས་པ་དེ་ནི་ཁོ་བོའི་སྟོན་པ་སྟེ། དེས་རྗེས་སུ་བསྟན་པ་ལས་ཁོ་བོའི་སྤོབས་པ་འདི་ལྟ་བུར
181b2 གྱུར་ཏོ། །བདུད་རྣམ་པར་གནོན་པས་སྨྲས་པ། དེ་བཞིན་གཤེགས་པ་དེ་ཆོས་ཀྱི་འཁོར་ལོ་ཇི་ལྟར་བསྐོར། བྱང་ཆུབ་སེམས་དཔའ་རྡོ་རྗེ་ལྟེ་བས་སྨྲས་པ། གཟུགས་འཇུག་པར་ཡང་མི་བྱེད། ལྡོག་པར་ཡང་མི་བྱེད། གཟུགས་ཀྱི་དེ་བཞིན་ཉིད་དང་། གཟུགས་ཀྱི་ཆོས
181b3 ཉིད་དང་། གཟུགས་སྟོང་པ་ཉིད་དང་། གཟུགས་མཚན་མ་མེད་པ་ཉིད་དང་། གཟུགས་སྨོན་པ་མེད་པ་ཉིད་དང་། གཟུགས་ཞི་བ་ཉིད་དང་། གཟུགས་དབེན་པ་ཉིད་དང་། གཟུགས་སྐྱེ་བ་མེད་པ་ཉིད་དང་། གཟུགས་ཀྱི་རང་བཞིན་ཉིད་དང་། གཟུགས་ཀྱི་ངོ་བོ་ཉིད
181b4 འཇུག་པར་མི་བྱེད། ལྡོག་པར་མི་བྱེད། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་འཇུག་པར་མི་བྱེད། ལྡོག་པར་མི་བྱེད། རྣམ་པར་ཤེས་པའི་དེ་བཞིན་ཉིད་དང་། རྣམ་པར་ཤེས་པའི་ཆོས་ཉིད་དང་། རྣམ་པར་ཤེས་པ
181b5 སྟོང་པ་ཉིད་དང་། རྣམ་པར་ཤེས་པ་མཚན་མ་མེད་པ་ཉིད་དང་། རྣམ་པར་ཤེས་པ་སྨོན་པ་མེད་པ་ཉིད་དང་། རྣམ་པར་ཤེས་པ་ཞི་བ་ཉིད་དང་། རྣམ་པར་ཤེས་པ་དབེན་པ་ཉིད་དང་། རྣམ་པར་ཤེས་པ་སྐྱེ་བ་མེད་པ་ཉིད་དང་། རྣམ་པར་ཤེས་པའི་རང་བཞིན་ཉིད་དང་། རྣམ་པར
181b6 ཤེས་པའི་ངོ་བོ་ཉིད་འཇུག་པར་མི་བྱེད། ལྡོག་པར་མི་བྱེད་དེ། དེ་བཞིན་གཤེགས་པ་དེ་ནི་ཆོས་ཀྱི་འཁོར་ལོ་དེ་ལྟར་བསྐོར་རོ། །ཆོས་ཐམས་ཅད་འཇུག་པ་མེད་པར་བྱ་བའི་ཕྱིར་ཆོས་ཀྱི་འཁོར་ལོ་བསྐོར་རོ། །ཆོས་ཀྱི་འཁོར་ལོ་དེ་བསྐོར་ཀྱང་རུང་མ་བསྐོར་ཀྱང་རུང་ཆོས་ཀྱི
181b7 དབྱིངས་ཀྱི་མཐའ་ཚད་མེད་པ་དེ་ཉིད་སྤོང་བར་ཡང་མི་བྱེད་དོ། །ཆོས་ཀྱི་འཁོར་ལོ་བསྐོར་བ་དེ་གང་དག་གིས་ཤེས་པར་གྱུར་པ་དེ་དག་ཐམས་ཅད་ཀྱང་དེ་བསྐོར་བ་ཉིད་དུ་འགྱུར་རོ། །དེ་ནས་བདུད་རྣམ་པར་གནོན་པ་གཡོག་འཁོར་དང་བཅས་པ་དགེ་སློང་རྡོ་རྗེའི་ལྟེ་བ་དེའི
iiif viewer powered by OpenSeadragon
