| e-texts navigator |
| Wylie |
181a1 བོའི་ཚུལ་ཁྲིམས་ཡང་དག་པར་བླངས་པ་འདིས་ཆོས་ཐམས་ཅད་འགག་པ་མེད་པ་དང་། སྐྱེ་བ་མེད་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །སྨྲས་པ། བྱང་ཆུབ་མངོན་པར་རྫོགས་པར་བྱང་ཆུབ
181a2 པ་གང་། སྨྲས་པ། གཟུགས་མཉམ་པ་ཉིད་དུ་མངོན་པར་རྫོགས་པར་བྱང་ཆུབ་པ་ནི་བྱང་ཆུབ་མངོན་པར་རྫོགས་པར་བྱང་ཆུབ་པའོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མཉམ་པ་ཉིད་དུ་མངོན་པར་རྫོགས་པར་བྱང་ཆུབ་པ་ནི
181a3 བྱང་ཆུབ་མངོན་པར་རྫོགས་པར་བྱང་ཆུབ་པའོ། །བདུད་རྣམ་པར་གནོན་པས་སྨྲས་པ། དགེ་སློང་བྱང་ཆུབ་གང་དུ་བཙལ་བར་བྱ། བྱང་ཆུབ་སེམས་དཔའ་རྡོ་རྗེ་ལྟེ་བས་སྨྲས་པ། གྲོགས་པོ་བྱང་ཆུབ་ནི་འཇིག་ཚོགས་ལ་ལྟ་བའི་ངོ་བོ་ཉིད་ལས་བཙལ་བར་བྱའོ། །སྨྲས་པ།
181a4 ཇི་ལྟར་བཙལ་བར་བྱ། སྨྲས་པ། ཅི་ནས་ཀྱང་བྱང་ཆུབ་དང་བྱང་ཆུབ་ཏུ་ལྟ་བ་ཀུན་ནས་མི་ལྡན་པ་དེ་ལྟར་བཙལ་བར་བྱའོ། །དེ་ནས་བདུད་རྣམ་པར་གནོན་པས་དགེ་སློང་རྡོ་རྗེའི་ལྟེ་བ་ལ་འདི་སྐད་ཅེས་སྨྲས་སོ། །དགེ་སློང་ཁྱོད་ཀྱི་སྟོན་པ་སུ་ཡིན། སུས་རྗེས་སུ་བསྟན་པས
181a5 ཁྱོད་ཀྱི་སྤོབས་པ་འདི་ལྟ་བུར་འགྱུར། སྨྲས་པ། གྲོགས་པོ་གང་འཇིག་ཚོགས་མ་གཤིགས་པར་བྱང་ཆུབ་ཐོབ་པ་དེ་ནི་ཁོ་བོའི་སྟོན་པའོ། །གང་ཉོན་མོངས་པ་དང་རྣམ་པར་བྱང་བ་ལ་མི་གནས་པ་དེ་ནི་ཁོ་བོའི་སྟོན་པའོ། །གང་འདུས་བྱས་དང་འདུས་མ་བྱས་ལ་རྣམ་པར
181a6 ཤེས་པ་མི་གནས་པ་ནི་ཁོ་བོའི་སྟོན་པའོ། །གང་གཞན་ལས་མ་མཉན་པར་བླང་བ་མེད་པའི་ཆུ་བོ་མི་གནས་པ་རྒལ་བ་དེ་ནི་ཁོ་བོའི་སྟོན་པའོ། །གང་ཆོས་ཐམས་ཅད་ལ་རྣམ་པར་ཤེས་པ་མི་འཇུག་ཅིང་ཆོས་རྣམས་ལ་ཤེས་པ་མི་འཕོ་བ་དེ་ནི་ཁོ་བོའི་སྟོན་པའོ། །གང
181a7 སྒྲ་ཐམས་ཅད་ལ་འཇུག་པ་ཉེ་བར་བསྒྲུབ་ཅིང་བརྗོད་དུ་མེད་པའི་ཆོས་ཉིད་ལས་ཀྱང་མི་གཡོ་བ་དེ་ནི་ཁོ་བོའི་སྟོན་པའོ། །གང་ཆོས་ཐམས་ཅད་མི་སྐྱེ་བ་དང་སྐྱེ་བ་ཐམས་ཅད་མི་འབྱུང་བར་བྱ་བའི་ཕྱིར་ཆོས་ཀྱི་འཁོར་ལོ་བསྐོར་བ་དེ་ནི་ཁོ་བོའི་སྟོན་པའོ། །གང་ཚུ་རོལ་དང་། ཕ
iiif viewer powered by OpenSeadragon
