| e-texts navigator |
| Wylie |
180a1 གྲོགས་པོ་གནས་མེད་པ་ཞེས་བྱ་བ་དེ་ནི་སྨོན་པ་མེད་པའི་ཚིག་སོ། །ཡང་བརྩོན་འགྲུས་རྩོམ་པ་འདི་དང་། ཚུལ་ཁྲིམས་ལ་གནས་པ་འདི་དང་། ཆོས་འཕགས་པ་ལ་སྦྱོར་བ་འདི་དང་། འཇུག་པ་འདིས་ཅི་ཞིག་འདོད། ཅེས་རྣམ་པར་གནོན་པ་ཁྱོད་ཀྱིས
180a2 སྨྲས་པ་དེ་གཟུགས་སྐྱེ་བར་མི་འདོད། འགག་པར་མི་འདོད། གནས་པར་མི་འདོད། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྐྱེ་བར་མི་འདོད། འགག་པར་མི་འདོད། གནས་པར་མི་འདོད། ཆོས་ཐམས་ཅད་ཀྱང་སྐྱེ་བར་མི
180a3 འདོད། འགག་པར་མི་འདོད། གནས་པར་མི་འདོད་དོ། །རྣམ་པར་གནོན་པ་འཇུག་པ་གང་གཟུགས་སོ་སོར་མི་འཛིན་པ་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡོངས་སུ་མི་འཛིན་པ་དེ་འདོད་ཅིང་དེ་ལ་བལྟའོ། །རྣམ་པར
180a4 གནོན་པ་འཕགས་པ་རྣམས་ཀྱི་འཇུག་པ་གང་ཡིན་པ་དེ་ཁོ་བོའི་འཇུག་པའོ། །སྨྲས་པ། དགེ་སློང་ཇི་ལྟར་འཇུག་།སྨྲས་པ། རྣམ་པར་གནོན་པ་སོ་སོའི་སྐྱེ་བོའི་ཆོས་གང་དག་ཡིན་པ་དང་། སངས་རྒྱས་ཀྱི་ཆོས་གང་དག་ཡིན་པ་དེ་དག་ཐམས་ཅད་མཉམ་ཞིང་གཉིས་སུ
180a5 མེད་པ་དང་། སློབ་པའི་ཆོས་གང་དག་ཡིན་པ་དང་། སངས་རྒྱས་ཀྱི་ཆོས་གང་དག་ཡིན་པ་དེ་དག་མཉམ་ཞིང་གཉིས་སུ་མེད་པ་དང་། མི་སློབ་པའི་ཆོས་གང་དག་ཡིན་པ་དང་། སངས་རྒྱས་ཀྱི་ཆོས་གང་དག་ཡིན་པ་དེ་དག་མཉམ་ཞིང་གཉིས་སུ་མེད་པ་དང་། རང་སངས
180a6 རྒྱས་ཀྱི་ཆོས་གང་དག་ཡིན་པ་དང་། སངས་རྒྱས་ཀྱི་ཆོས་གང་དག་ཡིན་པ་དེ་དག་མཉམ་ཞིང་གཉིས་སུ་མེད་པ་དང་། འདས་པའི་ཆོས་གང་དག་ཡིན་པ་དང་། མ་འོངས་པའི་ཆོས་གང་དག་ཡིན་པ་དང་། ད་ལྟར་བྱུང་བའི་ཆོས་གང་ཡིན་པ་དེ་དག་མཉམ་ཞིང་གཉིས་སུ་མེད
180a7 པ་དེ་ནི་སྐྱེ་བ་མེད་པ་མཉམ་པ་ཉིད་ཀྱིས་མཉམ་པ་དང་། འབྱུང་བ་མེད་པ་མཉམ་པ་ཉིད་ཀྱིས་མཉམ་པ་དང་། འགག་པ་མེད་པ་མཉམ་པ་ཉིད་ཀྱིས་མཉམ་པ་སྟེ། མཉམ་པ་ཉིད་འདི་རྣམས་མི་སྤོང་བ་གང་ཡིན་པའི་མཉམ་པ་ཉིད་དེ་བསྟན་པའི་ཕྱིར། སེམས་ཅན
iiif viewer powered by OpenSeadragon
