| e-texts navigator |
| Wylie |
169b1 འོན་ཏེ་ཕྱོགས་མཚམས་གང་ནས་མཆིས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་མི་འདི་རྣམས་ནི་ཤར་ཕྱོགས་ནས་མ་འོངས་ལྷོ་དང་། ནུབ་དང་། བྱང་ཕྱོགས་དང་། འོག་དང་སྟེང་གི་ཕྱོགས་དང་། ཕྱོགས་མཚམས་གང་ནས་ཀྱང་མ་འོངས་ཏེ། འདི་རྣམས་ནི་ལྷ་མ་ཡིན། ཀླུ་མ་ཡིན།
169b2 གནོད་སྦྱིན་མ་ཡིན། དྲི་ཟ་མ་ཡིན། ལྷ་མ་ཡིན་མ་ཡིན། ནམ་མཁའ་ལྡིང་མ་ཡིན། མིའམ་ཅི་མ་ཡིན། ལྟོ་འཕྱེ་ཆེན་པོ་མ་ཡིན། མི་མ་ཡིན། མི་མ་ཡིན་པ་མ་ཡིན་ནོ། །སའི་ཁམས་ལ་མི་རྟེན། ཆུའི་ཁམས་ལ་མི་རྟེན། མེའི་ཁམས་ལ་མི་རྟེན། རླུང་གི་ཁམས་ལ་མི་རྟེན། ནམ
169b3 མཁའི་ཁམས་ལ་མི་རྟེན་ཏོ། །འདི་དག་ལ་ནི་གཟུགས་མེད། ཚོར་བ་མེད། འདུ་ཤེས་དང་། འདུ་བྱེད་རྣམས་དང་། སེམས་མེད། ཡིད་མེད། རྣམ་པར་ཤེས་པ་མེད། ལས་མེད། ལས་ཀྱི་རྣམ་པར་སྨིན་པ་མེད། འཇིག་རྟེན་འདི་མེད། འཇིག་རྟེན་ཕ་རོལ་མེད། འོང་བ་མེད། འགྲོ་བ་མེད།
169b4 གནས་པ་མེད། འཆི་འཕོ་མེད། སྐྱེ་བ་མེད་དོ། །འོན་ཀྱང་རིགས་ཀྱི་བུ་འདི་དག་ནི་སྤྲུལ་པ་ཞེས་བྱ་བ་ཡིན་ནོ། །འདི་དག་ནི་གཞི་མེད་པ་ཞེས་བྱ་བ་ཡིན་ནོ། །འདི་དག་ནི་སྲོག་མེད་པ་ཞེས་བྱ་བ་ཡིན་ནོ། །འདི་དག་ནི་སྐྱེས་བུ་མེད་པ་ཞེས་བྱ་བ་ཡིན་ནོ། །འདི་དག་ནི་གང་ཟག་མེད་པ་ཞེས་བྱ
169b5 བ་ཡིན་ནོ། །འདི་དག་ནི་མཚན་ཉིད་མེད་པ་ཞེས་བྱ་བ་ཡིན་ནོ། །འདི་དག་ནི་དབེན་པ་ཞེས་བྱ་བ་ཡིན་ནོ། །འདི་དག་ནི་སྟོང་པ་ཞེས་བྱ་བ་ཡིན་ནོ། །འདི་དག་ནི་ངོ་བོ་ཉིད་མེད་པ་ཞེས་བྱ་བ་ཡིན་ནོ། །བདེ་བྱེད་རིགས་ཀྱི་བུ་དང་རིགས་ཀྱི་བུ་མོ་གང་དག་དེ་ལྟར་ཆོས་ཐམས་ཅད་སྤྲུལ་པ་ལྟ་བུར་འདོད
169b6 པ་དང་། བཟོད་པ་དང་། ཁོང་དུ་ཆུད་པ་དང་། མངོན་པར་དད་པ་དང་། ཡིད་ཆེས་པ་དང་། གཞན་གྱི་དྲིང་མི་འཇོག་པར་འགྱུར་བའི་རིགས་ཀྱི་བུ་དང་རིགས་ཀྱི་བུ་མོ་དེ་དག་ནི་བདེ་བྱེད་ངའི་བུ་ཞེས་བྱའོ། །ངའི་རྗེས་སུ་སྐྱེས་པ་ཞེས་བྱའོ། །སྣང་བ་འཛིན་པ་ཞེས་བྱའོ། །འོད་བྱེད་པ་ཞེས་བྱའོ། །མུན
169b7 པ་བསལ་བ་ཞེས་བྱའོ། །ཉོན་མོངས་པ་སྤངས་པ་ཞེས་བྱའོ། །སྟོན་པ་ཞེས་བྱའོ། །བསོད་ནམས་ཀྱི་ཞིང་ཞེས་བྱའོ། །ཡོན་ཏན་གྱི་གནས་ཞེས་བྱའོ། །དགེ་སྦྱོང་ཞེས་བྱའོ། །བྲམ་ཟེ་ཞེས་བྱའོ། །ཚོར་བ་པོ་ཞེས་བྱའོ། །གླང་པོ་ཞེས་བྱའོ། །མི་སྐྱེ་བའི་ཆོས་ལ་བཟོད་པ་དང་ལྡན་པ་ཞེས
iiif viewer powered by OpenSeadragon
