| e-texts navigator |
| Wylie |
159a1 ལེགས་པར་སྲིད་པའི་རྩེ་སྲིད་མཐོ། །ཇི་ལྟར་གང་གཱའི་ཀླུང་གི་བྱེ་སྙེད་ཀྱི། །གདུགས་ནི་མཆོད་རྟེན་གཅིག་ལ་འབུལ་བར་བྱེད། །དེ་ཚེ་རེ་རེ་གདུགས་ལ་མུ་ཏིག་གི། །རྒྱན་ཕྲེང་བྱེ་བ་རྣམས་ཀྱང་ཤིན་ཏུ་བཀྲམ། །ཇི་ལྟར་གང་གཱའི་ཀླུང་གི་བྱེ་མ་སྙེད། །བྱེ
159a2 བའི་འཕན་དང་རིན་ཆེན་སྣ་ཚོགས་ཀྱི། །རྒྱལ་མཚན་བྱེ་བ་ཕྲག་བརྒྱ་གང་གཱ་ཡི། །བྱེ་སྙེད་མཆོད་རྟེན་དག་ལ་འབུལ་བར་བྱེད། །སྣང་བ་མཛད་པ་ཐམས་ཅད་མཁྱེན་གཅིག་གི། །མཆོད་རྟེན་གཅིག་ལ་སིལ་སྙན་བྱེ་བ་སྟོང་། །དཀྲོལ་ཅིང་གུས་པའི་མི་ནི་ས་ཡ་དག་།བྱེ་བ་ཕྲག
159a3 སྟོང་ཚང་བ་འབུལ་བར་བྱེད། །མེ་ཏོག་གདུགས་བརྒྱ་དུ་མ་མཆོད་རྟེན་ལ་འབུལ་བ། །ཐུབ་པ་ཆེ་ལ་དེ་འདྲའི་མཆོད་པ་ཉིན་གཅིག་བཞིན། །གང་གཱའི་བྱེ་སྙེད་བསྐལ་པ་སྟོང་དུ་བྱེད་པ་བས། །གང་ཞིག་མདོ་སྡེ་འདི་ལས་ཚིགས་བཅད་གཅིག་ཐོས་ནས། །སོམ་ཉི་མེད་ཅིང་འདུན་པ་སྐྱེད
159a4 བྱེད་ལ། །རྒྱལ་བའི་མཚན་འདི་དག་ཀྱང་རྗོད་བྱེད་ན། །དེ་བས་བསོད་ནམས་འདི་ནི་བླ་མེད་མཆོག་།མཁས་པ་ཏིང་ངེ་འཛིན་གྱི་མིང་ཐོས་ཤིང་། །ཚུལ་ཁྲིམས་སྐྱོན་མེད་མཚན་འདི་འཛིན་པ་དང་། །དེ་བཞིན་སངས་རྒྱས་ལ་ནི་མཆོད་བྱེད་པ། །དེས་ནི་གང་གཱའི་བྱེ་སྙེད
159a5 སངས་རྒྱས་མཐོང་། །ཐུབ་ཆེན་རྐང་གཉིས་མཆོག་གྱུར་དེ་དག་ལ། །མཆོད་པ་དམ་པའང་ཡིད་ཀྱིས་བྱས་ནས་ནི། །རྟག་ཏུ་མྱོས་མེད་ཆོས་ཀྱང་སྟོན་བྱེད་ཅིང་། །བསྐལ་པ་བྱེ་བ་དེ་ནི་རྨོངས་མེད་འགྱུར། །འཇིག་རྟེན་མགོན་པོས་མདོ་མཆོག་རྒྱལ་པོ་འདི། །སྟོན་པའི་ཚེ་ན་གང
159a6 གིས་སྔོན་མཐོང་བ། །རྒྱལ་བ་མཆོག་ལས་འདི་ནི་ཐོས་གྱུར་ནས། །ཕྱི་མའི་དུས་སུ་དེ་ནི་དགའ་བས་འཛིན། །དྲི་ང་ཕྱི་སའི་བུམ་པ་མིས་འདོར་ལྟར། །འདོད་པ་སྐྱོན་དུ་བགྲང་བ་སྤོང་བྱེད་ཅིང་། །མཁས་པ་ངེས་འབྱུང་ཞི་ལ་མངོན་དགའ་སྟེ། །རྟག་ཏུ་མྱོས་མེད་དགོན་པ་སྟེན་པར་བྱེད། །ཡངས
159a7 པའི་གྲོང་ཁྱེར་མཆོག་ཏུ་གནས་ནས་སུ། །དེར་ནི་བཤད་ཚེ་གང་གིས་ང་མཐོང་ཞིང་། །དྲ་བའང་ང་ལ་མཆོད་བྱེད་མཐོང་བ་ནི། །ཕྱི་མའི་དུས་སུ་མདོ་མཆོག་འདི་འཛིན་ཏོ། །ངའི་བུ་གང་ཞིག་རྟག་ཏུ་རྗེས་འབྲང་ཞིང་། །བྱང་ཆུབ་ཞི་བ་སྤྱོད་མཆོག་སྤྱོད་པ་ན། །སེམས་ཅན་རྣམས་ནི་རྟག་ཏུ་འདུལ་བྱེད་པ། །
iiif viewer powered by OpenSeadragon
