| e-texts navigator |
| Wylie |
158a1 ཐུབ་པ་ཆེ་ལ་མཆོད་པ་བྱས། །བྱང་ཆུབ་སེམས་དཔའ་ཐམས་ཅད་ལ། །གསེང་ཐགས་ཀྱི་ནི་གོས་ཕུལ་ལོ། །བྱང་ཆུབ་ཤིང་དག་སྤྲུལ་ནས་སུ། །དེའི་དྲུང་སེང་གེའི་ཁྲི་བཤམས་ལ། །སྟོང་ཕྲག་བྱེ་བ་ཉི་ཤུ་ལྔ། །དེ་རྣམས་ལ་ནི་འཁོད་གྱུར་པ། །ལོ་ནི་བྱེ་བ
158a2 གྲངས་སྙེད་པར། །བགྲང་བ་དག་ཏུ་མི་ཆོད་པའི། །བྱང་ཆུབ་སེམས་དཔའ་ཐམས་ཅད་ནི། །བྱེ་བ་བརྒྱ་ཕྲག་ལྷགས་པར་གྱུར། །ཤར་གྱི་ཕྱོགས་ནས་བཟུང་ནས་སུ། །ལྷོ་ཕྱོགས་ནུབ་ཕྱོགས་བྱང་ཕྱོགས་དང་། །འོག་དང་སྟེང་དང་དེ་བཞིན་དུ། །ཕྱོགས་དག་གི་ཡང་མཚམས་ནས
158a3 ལྷགས། །ཇི་ཙམ་མིག་གིས་མཐོང་བའི་བར། །དེ་སྲིད་འཇིག་རྟེན་ཁམས་རྣམས་སུ། །སྐྱོབ་པ་འཇིག་རྟེན་མགོན་པོ་ཡི། །གསེར་གྱི་མདོག་འདྲའི་འོད་ཀྱིས་གང་། །སྟོན་པ་གང་ན་བཞུགས་པ་དང་། །ཆོས་ནི་གང་ན་འབར་བ་དེར། །འཇིག་རྟེན་ཁམས་ནི་ཐམས་ཅད་ནས། །
158a4 བྱང་ཆུབ་སེམས་དཔའ་ཉེ་བར་ལྷགས། །དེ་ལྟར་མཐའ་ཡས་དཔག་ཏུ་མེད། །བསམ་གྱིས་མི་ཁྱབ་མཆོད་པ་ནི། །རིན་ཆེན་དྲ་བ་ལིཙྪ་བཱི། །གཞོན་ནུ་དེ་ཡི་ཚེ་ན་བྱས། །དེ་ནས་བདག་ཉིད་ཆེན་པོ་པ། །ལྷ་དང་ཀླུ་དང་མི་རྣམས་ཀྱིས། །མདུན་དུ་མི་མཆོག་ཤཱཀྱ་ཡི། །སེང་གེས
158a5 དབུགས་ནི་འབྱིན་པར་མཛད། །ང་ཡི་མདུན་དུ་འདུག་ནས་སུ། །ཁྱོད་ཀྱིས་འདི་འདྲའི་མཆོད་བྱས་པ། །གང་གཱའི་བྱེ་མ་ཇི་སྙེད་པ། །དེ་སྙེད་མཆོད་པ་དག་གིས་མཆོད། །རིན་ཆེན་དྲ་བ་ཅན་གྱི་ཕྱིར། །མདོ་སྡེ་བཤད་པ་སུས་རིག་པ། །བྱང་ཆུབ་ལས་ནི་མི་ལྡོག་སྟེ། །སངས
158a6 རྒྱས་སྨྲ་བའི་མཆོག་ཏུ་འགྱུར། །གང་ཞིག་མདོ་སྡེ་འདི་འཛིན་པའི། །བསོད་ནམས་ཕུང་པོའི་ཚད་དག་ནི། །འདི་སྙེད་སོགས་པར་འགྱུར་རོ་ཞེས། །དེ་ལྟར་བཤད་པར་མི་ནུས་སོ། །ཕྱོགས་བཅུའི་འཇིག་རྟེན་ས་དང་ཆུ། །མེ་དང་རླུང་གི་ཚད་དག་ནི། །འདི་ཙམ་ཞེས་ནི་བཤད་པར
158a7 ནུས། །བསོད་ནམས་ཕུང་པོ་བཤད་མི་ནུས། །དགེ་སློང་ངམ་ནི་དགེ་སློང་མ། །དགེ་བསྙེན་འམ་ནི་དགེ་བསྙེན་མ། །གང་གིས་མདོ་སྡེ་འདི་ཐོས་ནས། །ལྷ་དང་ཀླུ་དང་ལྟོ་འཕྱེ་ཆེ། །སེམས་ཅན་ཐམས་ཅད་ཉེར་ལྷགས་པས། །དེ་ཡི་གཟི་བརྗིད་མི་བཟོད་དེ། །མེ་ནི་བསིལ་བར་འགྱུར་སྲིད་ཀྱི། །དེ་ཡི་གཟི
iiif viewer powered by OpenSeadragon
