| e-texts navigator |
| Wylie |
157b1 རྒྱས་ལ་འཐོར་བར་བྱེད། །བརྒྱ་བྱིན་བྱེ་བ་ཕྲག་སྟོང་དག་།མཁའ་ལ་གནས་ནས་འཛམ་བུ་ཡི། །ཆུ་བོའི་གསེར་ཕྱེ་མང་པོ་ཡིས། །དེ་བཞིན་གཤེགས་ལ་འཐོར་བར་བྱེད། །ཚངས་པ་བྱེ་བ་ཉེར་ལྷགས་ནས། །ཙན་དན་དམར་པོའི་ཕྱེ་མ་ཡིས། །རྫོགས་སངས་རྒྱས་ལ
157b2 འཐོར་བྱེད་ཅིང་། །སྒྲ་དབྱངས་སྙན་པ་ཀུན་དུ་སྒྲོགས། །དྲི་མ་མེད་པའི་འོད་རིག་ནས། །ནམ་མཁའ་ལ་ནི་ལྷ་འཁོད་དོ། །གླུ་དབྱངས་དཔག་ཏུ་མེད་པ་ལེན། །མཁའ་ལ་རས་ཀྱིས་གཡོབ་པར་བྱེད། །ནམ་མཁའ་ལ་ནི་ལྷ་འཁོད་དེ། །པད་མ་བརྒྱ་ཕྲག་སྟོང་བླངས་ནས། །
157b3 འཇིག་རྟེན་གསལ་ལ་སྟོན་བྱེད་ཅིང་། །རྒྱལ་མཚན་ལ་སོགས་མཆོད་པ་བྱེད། །ཟླ་མེད་རྒྱལ་མཆོག་ཐུབ་དབང་ལ། །རབ་ཏུ་ཡིད་དགས་ཕྱག་འཚལ་ཞིང་། །བསྟོད་བྱེད་ནོར་བུ་རིན་ཆེན་དང་། །མུ་ཏིག་རྒྱན་ཕྲེང་འཐོར་བར་བྱེད། །མི་ནི་བྱེ་བ་འབུམ་ཐམ་པ། །རྒྱལ་མཆོག
157b4 ཟླ་མེད་པ་ལ་མཆོད། །སྔོན་གྱི་གནས་བརྒྱ་རྗེས་དྲན་ཞིང་། །ཐུབ་མཆོག་བླ་མེད་མགོས་ཕྱག་འཚལ། །དེ་ནས་འཇིག་རྟེན་སྣང་མཛད་པས། །ཆོས་ཀྱི་རྔ་ནི་རབ་བརྡུངས་ཏེ། །དེ་ཡིས་སྒྲས་ནི་ཞིང་རབ་མང་། །བྱེ་བ་དག་ཏུ་གོ་བར་བྱས། །དེ་ཡི་ཚེ་ན་སེམས་ཅན་ནི། །བྱེ་བ་གྲངས
157b5 མེད་ཀུན་ནས་ལྷགས། །དེ་དག་རྫོགས་པའི་སངས་རྒྱས་ཀྱིས། །སངས་རྒྱས་ཡེ་ཤེས་བླ་མེད་བཀོད། །དེ་ཚེ་གཞོན་ནུ་དགའ་གྱུར་ནས། །ཙན་དན་སྦྲུལ་གྱི་སྙིང་པོ་ཡི། །གདན་འབུལ་རིན་ཆེན་ཕྱེ་མ་ཡིས། །གཞོན་ནུ་སངས་རྒྱས་གཙོ་ལ་མཆོད། །ནོར་བུ་རིན་ཆེན་འོད
157b6 གཅིག་ནི། །འཇིག་རྟེན་སྟོང་དུ་གཏོང་བར་བྱེད། །རིན་ཆེན་གཅིག་ལས་འོད་ཟེར་ནི། །སྟོང་ཕྲག་བྱེ་བར་གཏོང་བར་བྱེད། །དེ་བཞིན་རིན་ཆེན་མ་ལུས་ལས། །འོད་ཟེར་དག་ནི་བྱུང་བར་གྱུར། །དེ་དག་གིས་ནི་དེ་ཡི་ཚེ། །ཡངས་པ་ཅན་ཡང་སྣང་བར་བྱས། །རིན་ཆེན་རྣམ་པ་དེ་སྙེད
157b7 ཀྱིས། །སངས་རྒྱས་གཙོ་ལ་མཆོད་བྱེད་ཅིང་། །རིན་པོ་ཆེ་ཡི་ཕུང་པོ་ཡང་། །ཐུབ་པ་ཆེ་ལ་འབུལ་བར་བྱེད། །གདུགས་ནི་གང་དག་མུ་ཁྱུད་བྱས། །མུ་ཏིག་ཕྲེང་གིས་ཡོངས་བརྒྱན་པ། །རེ་རེ་ལ་ཡང་མུ་ཁྱུད་ཅན། །སྟོང་ཕྲག་ཉི་ཤུ་རྩ་ལྔའོ། །འདི་འདྲའི་ལེགས་པ་དེ་ཡིས་ནི། །
iiif viewer powered by OpenSeadragon
