| e-texts navigator |
| Wylie |
156a1 བཤད་པར་མི་ནུས་སོ། །དེ་ལྟར་མཚན་འདི་ཐོས་པ་ནི། །ཕྱི་དུས་དག་ནི་མང་པོར་ཡང་། །བླ་མེད་སངས་རྒྱས་ཡེ་ཤེས་ལ། །དེར་ནི་སོམ་ཉི་ཟ་མི་བྱེད། །གང་གིས་རྫོགས་སངས་རྒྱས་མཐོང་ནས། །བཀུར་སྟི་རིམ་གྲོ་བྱས་པ་ནི། །ཕྱི་མའི་དུས་སུ་མདོ་སྡེ
156a2 འདི། །དེ་ཡི་ལག་ཏུ་འཐོབ་པར་འགྱུར། །ང་ནི་བྱང་ཆུབ་སེམས་དཔའ་ཡིས། །བསྐོར་དང་དྲ་བ་ཅན་སུས་མཐོང་། །དེས་ནི་མདོ་སྡེ་འདི་ཐོས་ནས། །དེ་ལ་སོམ་ཉི་ཟ་མི་འགྱུར། །དེ་བཞིན་གཤེགས་པ་དཔག་མེད་དེ། །སངས་རྒྱས་ཆོས་ལ་ཐེ་ཙོམ་སྤངས། །འདི་ལྟར་སྔོན
156a3 གྱི་སྤྱོད་པ་ནི། །བསྐལ་པ་བྱེ་བ་མང་བརྒྱར་སྤྱད། །ལག་པ་རྐང་པ་གཏོང་བ་དང་། །རྣ་བ་སྣ་དང་མགོ་བོ་དང་། །བུ་ཕོ་བུ་མོ་ཡུལ་འཁོར་དག་།བྱིན་ལ་ཡིད་ནི་མི་དགའ་མེད། །གང་ཞིག་མདོ་སྡེ་འདི་ཐོས་པ། །ཕྱི་མའི་དུས་ན་རྙེད་ནས་ནི། །གཞན་དག་ལ་ཡང་སྟོན་བྱེད་ན། །
156a4 དེ་ནི་མཆོད་པའི་འོས་སུ་འགྱུར། །སངས་རྒྱས་ཀུན་གྱི་སྤྱོད་ཡུལ་བ། །མངོན་རྫོགས་བྱང་ཆུབ་འདོད་གང་གིས། །ནམ་ཡང་འཇིག་རྟེན་མགོན་པོ་ཡི། །བསྟན་ལ་སོམ་ཉི་མ་ཟ་ཅིག་།དེ་ལྟར་མདོ་སྡེ་འདི་ཐོས་ནས། །གཡོ་སྒྱུ་མེད་པའི་མིས་ཟུང་ལ། །འཆག་པ་དག་ཏུའང་ཡང་དང
156a5 ཡང་། །མདོ་སྡེ་འདི་ནི་བརྗོད་པར་བགྱི། །བརྗོད་བྱས་ཟླ་བ་གསུམ་དག་ཏུ། །ཚང་བར་ཤིན་ཏུ་ཡང་བརྗོད་ན། །ཆོས་རྣམས་ཐམས་ཅད་འཛིན་བྱེད་པའི། །གཟུངས་ཀྱི་ཡེ་ཤེས་ཐོབ་པར་འགྱུར། །དེ་ནས་ལིཙྪ་བཱི་གཞོན་ནུ་རིན་ཆེན་དྲ་བ་ཅན་བཅོམ་ལྡན་འདས་ཀྱིས་ལེགས་པར་གསུངས
156a6 པར་རིག་ནས་རིན་ཐང་མེད་པའི་རས་བཅོས་བུ་གསེར་གྱིས་བརྒྱན་པ་ཟུང་གཅིག་བཅོམ་ལྡན་འདས་ལ་མངོན་པར་གསོལ་ཏོ། །དེ་ནས་བཅོམ་ལྡན་འདས་ཀྱིས་དེའི་ཚེ་རྫུ་འཕྲུལ་མངོན་པར་འདུ་མཛད་པ་ཇི་ལྟ་བུས་བཅོམ་ལྡན་འདས་ཀྱི་སྐུ་ཐམས་ཅད་ཀྱི། བ་སྤུའི་ཁུང་བུ་ཐམས་ཅད་ནས་འོད
156a7 ཟེར་དག་བྱུང་སྟེ། ཤར་ཕྱོགས་ཀྱི་འཇིག་རྟེན་གྱི་ཁམས་དཔག་ཏུ་མེད་གྲངས་མེད་པ་ཇི་སྙེད་པ་དེ་དག་ཐམས་ཅད་སྣང་བར་གྱུར་པ་དང་། སངས་རྒྱས་ཀྱི་ཞིང་དེ་དག་ན་སེམས་ཅན་གང་དག་སྐྱེས་པ་དེ་དག་གིས་སངས་རྒྱས་ཀྱི་ཞིང་མཐོང་བ་དང་། སངས་རྒྱས་ཀྱི་ཞིང་འདི་ན་དེ་བཞིན
iiif viewer powered by OpenSeadragon
