| e-texts navigator |
| Wylie |
153a1 ཉིད་ཚིགས་སུ་བཅད་པས་བཀའ་སྩལ་པ། གང་ཞིག་མི་ཡི་ཁྱུ་མཆོག་སྐྱོབ་པའི་མཚན། །ཐོས་ནས་སོམ་ཉི་མེད་ཅིང་དད་བསྐྱེད་ནས། །དེ་ཡི་ཆོས་ལྔ་དེ་དག་འཛིན་འགྱུར་ཞིང་། །བྱང་ཆུབ་ཐོབ་པའི་བར་དུ་འཇིག་མི་འགྱུར། །གསེར་གྱི་མདོག་འདྲའི་གཟུགས
153a2 དང་ལྡན་འགྱུར་ཞིང་། །འཁོར་ལོས་སྒྱུར་བའི་རྒྱལ་པོ་དམ་མཆོག་མཁས། །བསོད་ནམས་ལྡན་པ་སྲེད་མེད་བུ་འདྲ་ཞིང་། །དམ་ཆོས་འཁོར་ལོ་བར་ཆད་མེད་པར་བསྐོར། །བསོད་ནམས་ལྡན་པ་བུ་སྟོང་ཡོད་འགྱུར་ཏེ། །དཔའ་ཞིང་རྟུལ་ཕོད་ཕ་རོལ་ཚོགས་འཇོམས་ལ། །ཡན
153a3 ལག་མཆོག་གི་གཟུགས་ལྡན་མཚན་གྱིས་བརྒྱན། །མཐུ་སྟོབས་ཆེ་བ་རྒྱལ་པོ་གཙོ་ཉིད་འདྲ། །རྒྱལ་པོའི་ཆུང་མ་གཟུགས་བཟང་གཟུགས་མཛེས་པ། །གསེར་གྱི་མདོག་འདྲ་མང་པོ་སྟོང་ཡོད་འགྱུར། །ཕྱི་ནས་ཉལ་ཞིང་སྔར་ནི་ལྡང་བྱེད་དེ། །རྒྱལ་པོ་གཙོ་ལ་ནམས་ཀྱང་སྐྱོ་མི
153a4 བྱེད། །རྒྱལ་ཕྲན་གང་དག་དེ་ཡི་ཡུལ་གནས་ཤིང་། །གང་དག་བློན་པོ་ཁྱིམ་བདག་གཙོ་བོ་ཀུན། །རྒྱལ་པོ་དེ་མཐོང་ནམས་ཀྱང་སྐྱོ་མི་བྱེད། །དེ་བས་དེ་ནི་བསོད་ནམས་དམ་མཆོག་ལྡན། །མཁས་མཆོག་ལྷ་རྣམས་ཀྱིས་ཀྱང་ཐུབ་པར་དཀའ། །མི་ཡི་འཇིག་རྟེན་དག་ན
153a5 གནོད་སྦྱིན་ཀླུ། །དེ་ཡི་ཡུལ་ན་སེམས་ཅན་གང་གནས་པ། །དེ་ཡིས་ཐམས་ཅད་བྱང་ཆུབ་སྙིང་པོར་འཇོག་།རྒྱལ་སྲིད་རྒྱས་ཤིང་ཤིན་ཏུ་ལོ་ལེགས་དང་། །དེ་ཡི་རྒྱལ་སྲིད་བདེ་ཞིང་སངས་རྒྱས་འབྱུང་། །དེ་དག་ལ་ནི་མཆོད་པ་དམ་པ་བྱེད། །རྒྱལ་པོ་བདག་ཡུལ
153a6 ནམས་ཀྱང་སྡང་སེམས་མེད། །སངས་རྒྱས་མཚན་མཆོག་ཐོས་ནས་མཁས་པ་གང་། །སོམ་ཉི་ཟ་ཞིང་མི་དགའ་སུ་ཞིག་ཡོད། །མདོ་སྡེ་དམ་པ་དེ་རིང་ངས་བཤད་པའི། །ཆོས་མཆོག་འདི་ཡིས་དེ་ལ་ཕན་འདོགས་འགྱུར། །གཞན་དུ་གང་གིས་སྔོན་གྱི་རྒྱལ་རྣམས་ཀྱིས། །
153a7 ཆོས་སྤངས་གྱུར་པའམ་བདུད་ཀྱིས་ཟིན་པའམ། །སེམས་ཅན་སྙིང་པོ་རྒྱལ་བ་མཆོག་དག་ནི། །སྔོན་ཆད་སྤྱོད་ཚེ་ཁྱད་དུ་བསད་མ་གཏོགས། །གཞོན་ནུ་གང་ཞིག་རྒྱལ་པོའི་ཕོ་བྲང་དང་། །ལིཙྪ་བཱི་བཀོད་དགའ་བ་འདི་དག་དང་། །ཤཱཀྱ་སེང་གེ་ང་ནི་མ་མཐོང་བ། །དེ་དག
iiif viewer powered by OpenSeadragon
