| e-texts navigator |
| Wylie |
151a1 སངས་རྒྱས་ཡེ་ཤེས་བླ་མེད་ལ། །སོམ་ཉི་ཟ་བར་མ་བྱེད་ཅིག་།མདོ་སྡེ་འདི་འདྲ་འདི་ཐོས་ནས། །མེ་ཏོག་སྤོས་དང་འཕན་རྣམས་དང་། །གདུགས་དང་ཕྱེ་མ་གོས་རྣམས་ཀྱིས། །གུས་པར་བྱས་ཏེ་མཆོད་པར་གྱིས། །དེར་ནི་དེ་བཞིན་གཤེགས་པ་ཡི། །
151a2 ཕྱག་མཉེན་ཤིན་ཏུ་འཇམ་པ་ཡིས། །ལིཙྪ་བཱི་ཡི་མགོ་བོ་ལ། །ཡང་དང་ཡང་དུ་བྱུག་པ་མཛད། །དེ་ཡི་རྗེས་ལ་ལྷ་རྣམས་ཀྱིས། །སྒྲ་སྐད་ཆེན་པོ་ཕྱུང་གྱུར་ཅིང་། །ལྷ་ཡི་མེ་ཏོག་ཀུ་སུ་མ། །ཡིད་འོང་གཏོར་ཅིང་ཞིང་འདི་བཀང་། །ལྷ་རྣམས་མཁའ་ལ་འདུག་ནས་སུ། །གླུ་དབྱངས
151a3 དཔག་ཏུ་མེད་པ་ལེན། །ཚངས་པ་དག་ནི་བྱེ་བ་ཡིས། །ཙན་དན་དམར་པོའི་ཆར་ཕབ་པོ། །དེ་བཞིན་གཤེགས་པས་མདོ་སྡེ་འདི། །གསུངས་ཚེ་དྲ་བ་ཅན་ཐོས་ཏེ། །སེམས་ནི་རངས་ཤིང་ཡིད་དགའ་ནས། །དེ་བཞིན་གཤེགས་ལ་ཚིག་གསོལ་བ། །ཕྱི་མའི་དུས་སུ་བདག་གིས
151a4 ནི། །དགེ་སློང་བགྱིས་ལ་མི་འཇིགས་པར། །གྲོང་དང་གྲོང་ཁྱེར་རྣམས་དག་ཏུ། །མདོ་སྡེ་འདི་ནི་བཤད་པར་བགྱི། །སངས་རྒྱས་བཀའ་བཞིན་བདག་བགྱིད་དེ། །རྫོགས་སངས་རྒྱས་ལ་དཔལ་གྱིས་གསུངས། །དཔག་ཚད་བྱེ་བར་མཆིས་ནས་སུ། །འདི་ཡི་ཚུལ་ནི་བཤད་པར
151a5 བགྱི། །ལྷ་ཀུན་དང་ནི་ཀླུ་རྣམས་དང་། །ཡང་ན་མིའམ་ཅི་དང་ནི། །མི་མ་ཡིན་རྣམས་མགྲོན་གཉེར་ཏེ། །ཆོས་ཀྱི་སྦྱིན་པས་ཚིམ་པར་བགྱི། །བླ་ན་མེད་པའི་མདོ་སྡེ་འདི། །སངས་རྒྱས་ཀྱིས་ནི་གསུངས་པ་ན། །ལྷ་མ་ཡིན་ཚོགས་དགའ་གྱུར་ནས། །མེ་ཏོག་དཔག་ཏུ་མེད་པ
151a6 འཐོར། །སངས་རྒྱས་ཀྱི་ནི་ཞིང་འདི་དག་།མི་མཆོག་ཤཱཀྱ་སེང་གེ་ཡི། །ཆོས་ཀྱི་རྒྱལ་པོའི་སྤུ་གཅིག་གིས། །ཞིང་རྣམས་ཐམས་ཅད་སྣང་བར་མཛད། །སེམས་ཅན་སྙིང་པོའི་བདག་ཉིད་ཅན། །སྟོན་པ་ཡི་ནི་ལྗགས་ཕྱུང་ནས། །གང་གཱའི་བྱེ་མ་སྙེད་དག་གི། །ཞིང
151a7 རྣམས་བྱེ་བ་ཁེབས་པར་མཛད། །དེ་བཞིན་ཕྱོགས་བཅུའི་འཇིག་རྟེན་གྱི། །ཞིང་རྣམས་བྱེ་བ་ཁེབས་མཛད་དེ། །གཞོན་ནུ་རིན་ཆེན་དྲ་བ་ཅན། །དཔའ་བོ་དང་ནི་ལིཙྪ་བཱི། །བྱེ་བ་དྲུག་ཅུ་ཙམ་དག་ནི། །ལྷན་ཅིག་ལྷགས་ལ་བཀའ་སྩོལ་ཅིག་།དེ་ནས་དེར་ནི་སྟོན་པ་ཡིས། །
iiif viewer powered by OpenSeadragon
