| e-texts navigator |
| Wylie |
149b1 པའི་མཚན་འཛིན་པ། །ནམས་ཀྱང་ལོང་བ་ཞར་བ་དང་། །ཐེང་དང་སྒུར་དང་ལུས་ཉམས་དང་། །ནད་ནི་མང་པོར་མི་འགྱུར་རོ། །གནོད་སྦྱིན་དྲི་ཟ་དང་། །གྲུལ་བུམ་སྲིན་པོ་མི་རྣམས་ནི། །སྡིག་ཅན་མ་རུངས་པ་རྣམས་དག་།མི་དེ་ལ་ནི་གནོད་མི་བྱེད། །གང
149b2 ཞིག་ཐུབ་པའི་མཚན་འཛིན་པ། །འབྱུང་པོ་དྲི་ཟ་གནོད་སྦྱིན་རྣམས། །ཀླུ་དང་ལྷ་རྣམས་ཐམས་ཅད་ཀྱི། །ཡིད་དུ་འོང་ཞིང་དགའ་བར་འགྱུར། །འདིར་ནི་སྐྱོབ་པའི་མཚན་ཐོས་པ། །ཤིན་ཏུ་བསགས་པ་དམ་པའི་དབྱངས། །ཏིང་འཛིན་མྱུར་དུ་ཐོབ་པར་འགྱུར། །ཡོན་ཏན
149b3 བྱེ་བ་རབ་ཏུ་སྒྲོགས། །གང་ཞིག་འཇིག་རྟེན་མགོན་པོའི་མཚན། །ཐོས་ནས་སོམ་ཉི་མི་ཟ་བ། །ཕྱི་མའི་དུས་ཀྱི་ཚེ་དག་ཏུ། །དེ་ཡི་བྱང་ཆུབ་འདི་འཛིན་ཏོ། །ཐུབ་པ་ཆེན་པོའི་མཚན་ཐོས་པ། །སངས་རྒྱས་མྱ་ངན་འདས་རྣམས་ཀྱིས། །ལེགས་པར་གསུངས་པའི་ཆོས་ཀྱི་ཚུལ། །
149b4 འཛིན་ཅིང་ཡང་དག་རབ་ཏུ་སྟོན། །སངས་རྒྱས་ཀུན་གྱིས་ལེགས་གསུངས་པའི། །ཆོས་དེ་རྣམས་ནི་དེས་འཛིན་ཏོ། །བཀོད་པ་མཆོག་ནི་དེས་བྱེད་ཅིང་། །སངས་རྒྱས་ཀུན་ལ་བསྙེན་བཀུར་བྱེད། །དེ་ནས་འཆི་བའི་དུས་བྱས་ནས། །སངས་རྒྱས་བྱེ་བ་དེས་མྱུར་མཐོང་། །
149b5 སངས་རྒྱས་རྣམས་ཀྱིས་གསུངས་པ་ཡི། །ཆོས་རྣམས་དེ་དག་འཛིན་པར་བྱེད། །སྐྱོབ་པ་དེ་ཡི་མཚན་ཐོས་པ། །སྲོག་ཆགས་བྱེ་བ་ནན་ཏན་གྱིས། །འདུལ་བར་བྱེད་ཅིང་རབ་ཏུ་འགོད། །ཐམས་ཅད་བྱང་ཆུབ་ཕྱིར་འཇོག་གོ། །ང་ཡིས་མཐོང་ལའང་ཡིད་ཆེས་པ། །སྐྱོབ་པ
149b6 སངས་རྒྱས་ཐམས་ཅད་ཀྱི། །རབ་ཏུ་བསྟན་པ་འཛིན་འགྱུར་ཞིང་། །སངས་རྒྱས་རྣམས་ཀྱང་མཆོད་པར་འགྱུར། །སངས་རྒྱས་མཁྱེན་ལ་གང་དད་པ། །ངས་མཐོང་བ་ལའང་དེ་ཡིད་ཆེས། །འཆིང་བ་རྣམས་ལས་དེས་རྣམས་འགྲོལ། །ཀློང་ལས་རྒལ་ཅིང་འཇིགས་པ
149b7 མེད། །གང་ཞིག་དམ་པའི་ཆོས་སྤོང་བ། །དེ་ནི་བདུད་ཀྱི་སྡེ་ཡིན་ནོ། །འགྲོ་བ་ལྔ་རུ་འགྲོ་བ་ཡི། །སེམས་ཅན་ཀུན་གྱི་བ་སྤུ་གང་། །དེ་ནི་སྟོན་པའི་པུས་མོ་ཡི། །ལྷ་ང་གཅིག་གིས་བ་སྤུར་སྡུད། །སྐྱོབ་པ་འཇིག་རྟེན་མགོན་པོ་ཡི། །བ་སྤུ་གཅིག་གི་ཁུང་བུ་ནས། །ཇི་ལྟར
iiif viewer powered by OpenSeadragon
