| e-texts navigator |
| Wylie |
145b1 དང་། །དེ་བཞིན་རྩ་བ་དང་ནི་ཁོག་པ་ནས། །བྱུང་བ་མིན་པའི་མུ་ཏིག་གདུགས་དག་བྱས། །ཙན་དན་ཤིན་ཏུ་དམར་པོས་དམར་བར་བསྐུས། །རེ་རེ་དག་ནི་བྱེ་བ་སྟོང་དུ་ཚང་། །ཁྲི་རྣམས་དང་ནི་ཁྲིལ་ཚུལ་ལྟ་བུ་ཡི། །མཁའ་རྟེན་དག་ཀྱང་བྱས་ནས་དེ་ལ་ནི། །གསེར་གྱི་དྲ་བ་དང་ནི
145b2 གསེར་ལྟ་བུ། །དངུལ་དང་བཻ་དཱུརྱ་དང་དེ་བཞིན་ཤེལ། །སྤུག་དང་དེ་བཞིན་རྡོ་ཡི་སྙིང་པོ་ཡི། །མཁའ་རྟེན་སོ་སོ་བྱས་ནས་དེ་ལ་ནི། །རིན་ཆེན་དྲིལ་སྒྲ་ཤིན་ཏུ་སྙན་པ་བཏགས། །རྣམ་འདྲེན་སྒྲ་ནི་རྣམ་པར་གྲགས་པ་ཡི། །མཆོད་པའི་དོན་དུ་བདུག་པ་རབ་ཏུ་བཞག་།ཡངས་པ་ཅན
145b3 གྱི་སྟེང་གི་བར་སྣང་ལ། །གསེར་གྱི་སྐུད་པ་ལས་བྱས་བླ་རེ་བྲེས། །གསེར་གྱི་སྐུད་པ་རེ་རེ་མཆོག་ཏུ་བཟང་། །རིན་ཆེན་ཆུན་འཕྱང་སྟོང་ཕྲག་བྱེ་བ་དཔྱངས། །མུ་ཏིག་རྒྱན་འཕྲེང་སྟོང་ཕྲག་བྱེ་བ་ཡང་། །རེ་རེ་གསེར་ལས་བྱས་པའི་སྐུད་པས་བརྒྱུས། །ཡངས་པའི་གྲོང་ཁྱེར་གནས
145b4 པའི་ལིཙྪ་བཱི། །གང་དག་གང་དུ་འདོང་བ་དེར་ཉམས་དགའ། །དེ་ཚེ་ས་ནི་སྐྱེས་བུ་བདུན་སྲིད་གཡོགས། །གྲོང་ཁྱེར་ཡངས་པ་ཀུན་ཏུ་རས་ཡུག་བཀྲམ། །དྲ་བ་ཅན་གྱིས་ཙན་དན་དམར་བཏགས་ནས། །རས་རྣམས་ལ་ནི་ལེགས་པར་བསྐུ་བ་བྱས། །བྱེ་བ་སྟོང་ཕྲག་བདུན་ཅུའི་སིལ
145b5 སྙན་དག་། རྣམ་པ་སྟོང་རྣམས་གཡས་ཀྱི་ཕྱོགས་ནས་འཁྲོལ། །གཡོན་གྱི་ཕྱོགས་སུའང་བྱེ་བ་བདུན་ཅུ་སྟོང་། །ཤཱཀྱ་སེང་གེ་མཆོད་པའི་དོན་དུ་བརྩོན། །དེ་འདྲའི་བཀོད་ཆེན་བྱས་ནས་ལིཙྪ་བཱི། །གཞོན་ནུ་དྲ་བ་ཅན་གྱིས་དེ་ཡི་ཚེ། །དགའ་བའི་སེམས་ཀྱིས་ཕ་མ་ལ་སྨྲས
145b6 པ། །སངས་རྒྱས་སྤྱན་དྲངས་སླད་དུ་བདག་མཆིའོ། །གྲོང་ཁྱེར་མཆོག་ནས་མཁས་པ་དེ་བྱུང་སྟེ། །རྒྱལ་བདག་ཆེན་པོ་ག་ལ་བར་སོང་ནས། །ཡོན་ཏན་རྒྱ་མཚོའི་ཞབས་ལ་མགོ་བོ་ཡིས། །ཕྱག་འཚལ་དེར་ནི་གཞོན་ནུ་ཕྱོགས་གཅིག་འདུག་།དེ་ནས་ལིཙྪ་བཱི་གཞོན་ནུ་རིན
145b7 ཆེན་དྲ་བ་ཅན་ཡངས་པའི་གྲོང་ཁྱེར་ཆེན་པོ་ནས་བྱུང་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ལིཙྪ་བཱི་གཞོན་ནུ་རིན་ཆེན་དྲ་བ་ཅན་དེ་ལ་བཅོམ་ལྡན
iiif viewer powered by OpenSeadragon
