| e-texts navigator |
| Wylie |
109a1 ཅིང་བློ་རབ་གནས། །གང་དག་བརྩོན་པ་དེ་དག་རྡོ་རྗེ་ལྟ་བུ་ཡི། །ལྷག་པའི་བསམ་པ་བརྟན་པ་དག་དང་ལྡན་པར་འགྱུར། །མཁས་པ་གང་དག་ཆོས་བཞི་དེ་དག་སྟོན་བྱེད་པ། །དེ་དག་རྟག་ཏུ་དགེ་བའི་བཤེས་གཉེན་སྟེན་བྱེད་ཅིང་། །དམ་བཅས་རྣམས
109a2 ལ་སྙིང་པོར་བྱེད་པར་འགྱུར་བ་དང་། །རྟག་ཏུ་སངས་རྒྱས་གསུང་ཡང་འཛིན་པར་བྱེད་པ་ཡིན། །ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་ཆོས་ལ་དབང་སྒྱུར་བས་དབང་ཕྱུག་ཏུ་གྱུར་པ་རྣམས་ཡིན་ཏེ། བཞི་གང་ཞེ་ན། ཡེ་ཤེས་ཀྱི་སྟོབས་ཅན
109a3 རྣམས་ཡིན་ཞིང་ཉོན་མོངས་པའི་སྟོབས་ཅན་རྣམས་མ་ཡིན་པ་དང་། སེམས་ལ་དབང་སྒྱུར་བ་རྣམས་ཡིན་ཞིང་བདུད་ཀྱི་དབང་སྒྱུར་བ་མ་ཡིན་པ་དང་། གཟུངས་དང་སྤོབས་པ་ཕུན་སུམ་ཚོགས་པ་རྣམས་ཡིན་པ་དང་། འབྲས་བུ་ཡོད་པར་ཆོས་སྟོན་པ་རྣམས་ཡིན་ཏེ། ཆོས་བཞི
109a4 པོ་དེ་དག་དང་ངོ་། །དེ་ལ་འདི་སྐད་ཅེས་བྱ་སྟེ། དེ་དག་ཡེ་ཤེས་སྟོབས་ལྡན་ཉོན་མོངས་དབང་མི་འགྲོ། །ཤེས་རབ་སྟོབས་ཀྱིས་བླུན་སྤངས་ལྟ་རྣམས་ཀུན་དུ་བྲལ། །སེམས་ལ་དབང་སྒྱུར་བྱེད་ཅིང་བདུད་བཞི་སྤངས་གྱུར་ལ། །སྤོབས་པ་བརྟན་པར་གྱུར་ཅིང
109a5 གཟུངས་ཀྱིས་འཁྲུགས་པ་མེད། །དེ་དག་སྟོན་པ་འབྲས་བུ་མེད་པར་མི་འགྱུར་ཏེ། །དེ་ཕྱིར་མྱུར་དུ་དབང་ཕྱུག་ཉིད་དང་ལྡན་པར་འགྱུར། །ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་བྱ་བ་ཐམས་ཅད་ལ་སློབ་དཔོན་དུ་གྱུར་པ་རྣམས་ཡིན་ཏེ།
109a6 བཞི་གང་ཞེ་ན། ང་རྒྱལ་མེད་པ་དང་། བླ་མ་ལ་གུས་པ་དང་། བག་ཡོད་པ་དང་། འདུན་པ་དྲག་པོ་སྟེ། ཆོས་བཞི་པོ་དེ་དག་དང་ངོ་། །དེ་ལ་འདི་སྐད་ཅེས་བྱ་སྟེ། ང་རྒྱལ་མེད་ཅིང་བླ་མར་གུས་པས་གནས་གྱུར་ལ། །ཀུན་ནས་བག་ཡོད་བྱང་ཆུབ་མཆོག་ལ
109a7 འདུན་དྲག་ཅིང་། །བསམ་པ་ཐག་པས་སྨོན་ཅིང་རྟག་ཏུ་དྲང་གྱུར་ལ། །སློབ་དཔོན་དཔེ་མཁྱུད་མེད་པ་རྟག་ཏུ་སློབ་དཔོན་འགྱུར། །མཁས་པ་འཇིག་རྟེན་འཇིག་རྟེན་འདས་པའི་དོན་མཁས་ཤིང་། །ཚུལ་དང་ཚུལ་མ་ཡིན་པའི་མཁས་པས་བརྟན་པ་རྣམས། །
iiif viewer powered by OpenSeadragon
