| e-texts navigator |
| Wylie |
107a1 རྟོག་པ་སྤྱོད་པ་རྣམས་ཡོངས་སུ་མྱ་ངན་ལས་འདའ་བར་བྱེད་པ་དང་། སྨོན་པ་མེད་པ་ལ་གནས་ཤིང་སེམས་ཅན་ཡོངས་སུ་སྨིན་པར་བྱ་བའི་ཕྱིར། བསམ་བཞིན་དུ་སྐྱེ་བ་ལེན་པ་དང་། ཐབས་ལ་མཁས་ཤིང་ཤེས་རབ་ཀྱི་ངེས་པར་བྱུང་བ་སྟེ། ཆོས་བཞི
107a2 པོ་དེ་དག་དང་ངོ་། །དེ་ལ་འདི་སྐད་ཅེས་བྱ་སྟེ། སྟོང་ཉིད་སྤྱོད་ཡུལ་དེ་དག་ལྟས་བཅིང་གྲོལ་བྱེད་ཅིང་། །མཚན་མེད་གནས་ཤིང་སེམས་ཅན་འདི་དག་ཡོངས་སྨིན་བྱེད། །སྨོན་པ་མེད་ལ་གནས་ཤིང་སེམས་ཅན་སྨིན་བྱའི་ཕྱིར། །བསམ་བཞིན་སྐྱེ་ཞིང་གང་དུ་འདོད་པ་དེར
107a3 སྐྱེ་འགྱུར། །ཤེས་རབ་ཐབས་ཀྱིས་ངེས་བྱུང་རྣམ་ཐར་སྒོར་གནས་ཀྱང་། །འདུས་མ་བྱས་པའི་དབྱིངས་ནི་དུས་མིན་ཐོབ་མི་བྱེད། །ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་ལྷག་པའི་ང་རྒྱལ་ཅན་ཚར་གཅོད་པའི་ཕྱིར་སྣརེལ་ཞིར་བསྒྲུབ་པ་ལ་མཁས
107a4 པ་རྣམས་ཡིན་ཏེ། བཞི་གང་ཞེ་ན། ཆོས་ཀྱི་དབྱིངས་ཀུན་ནས་སྒོ་ཡང་དག་པར་ཤེས་པ་དང་། ཆོས་ཐམས་ཅད་སྒྲིབ་པ་མེད་པར་མོས་པ་དང་། ཀུན་ཏུ་རྟོག་པའི་རྩ་བ་ལས་བྱུང་བའི་ཉོན་མོངས་པ་རྣམས་ཡོངས་སུ་ཤེས་པ་དང་། མྱ་ངན་ལས་འདས་པའི་རང་བཞིན་ཅན་གྱིས
107a5 ཆོས་ཐམས་ཅད་ལ་ནེམ་ནུར་མེད་པ་སྟེ། ཆོས་བཞི་པོ་དེ་དག་དང་ངོ་། །དེ་ལ་འདི་སྐད་ཅེས་བྱ་སྟེ། སེམས་མཉམ་ཆོས་ཀྱི་དབྱིངས་སུ་ངེས་པར་བྱུང་གྱུར་ཅིང་། །དེ་དག་རྣམས་ཀྱིས་སྒྲིབ་པ་འགའ་ཡང་མཐོང་མི་འགྱུར། །ཉོན་མོངས་ཀུན་ཏུ་རྟོག་པའི་རྩ་ལས་རབ་བྱུང་བར། །
107a6 ཤེས་ནས་དེ་ལས་སྣརེལ་ཞིར་ཀུན་ཏུ་སྟོན་མི་བྱེད། ཆོས་འདི་ཐམས་ཅད་རང་བཞིན་མྱ་ངན་འདས་པ་དང་། །མ་སྐྱེས་མ་འགག་ངོ་བོ་ཉིད་ཀྱིས་དག་པ་ཡིན། །དེ་དག་ཀུན་མཁྱེན་ཡོངས་བཙལ་མྱ་ངན་འདས་གྱུར་ནས། །ལྷག་པའི་ང་རྒྱལ་ཅན་དག་ཚར་གཅོད་བྱེད་པ་ཡིན། །ལྷའི
107a7 བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་ལས་ཀྱི་བྱ་བ་ཐམས་ཅད་ཀྱི་རྒྱུ་ལ་མཁས་པ་རྣམས་ཡིན་ཏེ། བཞི་གང་ཞེ་ན། ལོངས་སྤྱོད་ཆེན་པོའི་རྒྱུ་སྦྱིན་པ་མི་སྤོང་བ་དང་། མཐོ་རིས་སུ་སྐྱེ་བའི་རྒྱུ་ཚུལ་ཁྲིམས་མི་སྤོང་བ་དང་། ཤེས་རབ་ཆེན་པོའི་རྒྱུ་ཐོས
iiif viewer powered by OpenSeadragon
