| e-texts navigator |
| Wylie |
103a1 དག་སྟེ། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་པོ་དེ་དག་དང་ལྡན་ན་ཐེག་པ་ཆེན་པོ་ལ་གཞན་གྱི་དྲིང་མི་འཇོག་པ་རྣམས་ཡིན་ནོ། །དེ་ལ་འདི་སྐད་ཅེས་བྱ་སྟེ། ཐབས་ལ་མཁས་པ་མངོན་པར་སྒྲུབ་པར་བྱེད་པ་ཡི། །མངོན་སུམ་ཤེས་རབ
103a2 རྟོགས་པར་ཁོང་དུ་ཆུད་གྱུར་ཅིང་། །ཐམས་ཅད་སྐྱབས་ཕྱིར་སྙིང་རྗེ་ཆེན་པོ་ཡངས་པ་ལ། །གནས་པའི་བྱམས་པ་མངོན་པར་སྒྲུབ་པར་བྱེད་གྱུར་ལ། །དོན་དང་ཆོས་ལ་ཤིན་ཏུ་མཁས་པར་འགྱུར་བ་ཡི། །སོ་སོ་ཡང་དག་རིག་ལ་སྤོབས་པ་ཐོབ་གྱུར་ལ། །བྱང་ཆུབ་ལམ
103a3 ལ་མངོན་ཤེས་དག་གིས་རྣམ་རྩེ་ན། །དེས་ནི་གཞན་གྱི་དྲིང་ལ་འཇོག་པར་མི་འགྱུར་རོ། །ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། བརྩམ་པ་ཐམས་ཅད་ལ་བརྩོན་འགྲུས་བརྟན་པ་རྣམས་ཡིན་ཏེ། བཞི་གང་ཞེ་ན། ཕྱིར་མི་ལྡོག་པའི
103a4 བརྩོན་འགྲུས་དང་། བསམ་པ་དག་པའི་བརྟུལ་བ་དང་། བྱང་ཆུབ་ལ་འདུན་པ་དྲག་པོ་དང་ལྡན་པ་དང་། སངས་རྒྱས་ཀྱི་ཆོས་ཡོངས་སུ་བསྒྲུབ་པ་ལ་ཡིད་ཡོངས་སུ་མི་སྐྱོ་བ་དང་ལྡན་པ་སྟེ། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་པོ་དེ་དག་དང་ལྡན་ན
103a5 བརྩམ་པ་ཐམས་ཅད་ལ་བརྩོན་འགྲུས་བརྟན་པ་ཡིན་ནོ། །དེ་ལ་འདི་སྐད་ཅེས་བྱ་སྟེ། བརྩོན་འགྲུས་བརྟན་ཞིང་རབ་ཏུ་གནས་པ་མེད་གྱུར་ཅིང་། །བསམ་པ་རྙོག་པ་མེད་ཅིང་ཡོངས་སུ་དག་གྱུར་ལ། །སངས་རྒྱས་ཡེ་ཤེས་དོན་ཕྱིར་འདུན་པ་གྲགས་ལྡན་ཞིང་། །སངས
103a6 རྒྱས་ཆོས་རྣམས་འདོད་ཅིང་རྟག་ཏུ་ཡང་མི་སྐྱོ། །གང་ལ་ཆོས་བཞི་རྒྱ་ཆེན་ཁྱད་པར་དེ་ཡོད་པ། །དེ་ནི་བྱང་ཆུབ་ལམ་དུ་མངོན་འབྱུང་བརྟན་འགྱུར་ཞིང་། །བྱང་ཆུབ་ཡན་ལག་ལག་མཐིལ་བཞག་པ་བཞིན་གྱུར་ལ། །རིང་པོ་མི་ཐོགས་འཇིག་རྟེན་གསུམ་གྱི་ཆོས་རྒྱལ
103a7 འགྱུར། །ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་བསོད་ནམས་དག་གིས་མངོན་པར་འཕགས་པ་རྣམས་ཡིན་ཏེ། བཞི་གང་ཞེ་ན། བྱང་ཆུབ་སེམས་དཔའ་རྣམས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་འདོམས་པར་བྱེད་པ་དང་། སེམས་ཅན་གང
iiif viewer powered by OpenSeadragon
