| e-texts navigator |
| Wylie |
200b1 པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །ཀླུའི་བདག་པོ་འདོད་པ་ལ་ལོག་པར་གཡེམ་པ་སྤངས་པའི་སྐྱེས་བུ་གང་ཟག་ནི་མཁས་པས་བསྔགས་པའི་ཆོས་བཞི་འཐོབ་བོ། །བཞི་གང་ཞེ་ན། འདི་ལྟ་སྟེ། དབང
200b2 པོ་སྡོམ་པ་དང་། རྒོད་པ་ལས་ཡང་དག་པར་འདའ་བ་དང་། འཇིག་རྟེན་ཐམས་ཅད་ཀྱིས་བསྔགས་པ་དང་། ཆུང་མ་མི་འཕྲོགས་པ་སྟེ། ཀླུའི་བདག་པོ་འདོད་པ་ལ་ལོག་པར་གཡེམ་པ་སྤངས་པའི་སྐྱེས་བུ་གང་ཟག་ནི་མཁས་པས་བསྔགས་པའི་ཆོས་བཞི་པོ་དེ་དག་འཐོབ་བོ། །
200b3 འདོད་པ་ལ་ལོག་པར་གཡེམ་པ་སྤངས་པའི་དགེ་བའི་རྩ་བ་དེ་གལ་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྔོ་ན། དེ་དགེ་བའི་རྩ་བ་དེས་སྐྱེས་བུ་ཆེན་པོའི་མཚན་མདོམས་ཀྱི་སྦ་བ་སྦུབས་སུ་ནུབ་པ་འཐོབ་བོ། །ཀླུའི་བདག་པོ་དུ་སྨྲ་བ་སྤངས་པའི་སྐྱེས་བུ
200b4 གང་ཟག་ནི་ལྷ་དང་མིས་བསྔགས་པའི་ཆོས་བརྒྱད་འཐོབ་བོ། །བརྒྱད་གང་ཞེ་ན། འདི་ལྟ་སྟེ། ཨུད་པ་ལའི་དྲི་འབྱུང་བས་ཁ་ཡོངས་སུ་དག་པ་འཐོབ་པར་འགྱུར་བ་དང་། འཇིག་རྟེན་ཐམས་ཅད་ཀྱི་ཚད་མར་འགྱུར་བ་དང་། ལྷ་དང་མི་དགའ་བས་དབང་གཅིག་པོར་འགྱུར་བ
200b5 དང་། དབུགས་འབྱིན་པས་འབྱུང་པོ་རྣམས་དོགས་པ་མེད་པར་འགྱུར་བ་དང་། ལྷག་པའི་བསམ་པ་ཕུན་སུམ་ཚོགས་པས་ལུས་དང་། ངག་དང་། སེམས་ཡོངས་སུ་དག་པར་འགྱུར་བ་དང་། ཚིག་འཁྲུལ་པ་མེད་པས་མཆོག་ཏུ་དགའ་བ་མང་བར་འགྱུར་བ་དང་། ཚིག་གཟུང
200b6 བར་འོས་པས་ངག་ཉན་པར་འགྱུར་བ་དང་། ཤེས་རབ་ཐོབ་པས་ལྷ་དང་མི་རྣམས་ཀྱི་ནང་དུ་ཁ་ན་མ་ཐོ་བ་མེད་པར་འགྱུར་བ་ཡིན་ཏེ། ཀླུའི་བདག་པོ་དུ་སྨྲ་བ་སྤངས་པའི་སྐྱེས་བུ་གང་ཟག་ནི་ལྷ་དང་མིས་བསྔགས་པའི་ཆོས་བརྒྱད་པོ་དེ་དག་འཐོབ་བོ། །དུ་སྨྲ་བ་སྤངས
200b7 པའི་དགེ་བའི་རྩ་བ་དེ་གལ་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྔོ་ན། དེ་དགེ་བའི་རྩ་བ་དེས་བདེན་པའི་རྗེས་སུ་འཇུག་པའི་ཚིག་ཏུ་འགྱུར་རོ། །ཀླུའི་བདག་པོ་ཕྲ་མའི་ཚིག་སྤངས་པའི་སྐྱེས་བུ་གང་ཟག་ནི་མི་ཕྱེད་པ་ལྔ་འཐོབ་བོ། །ལྔ་གང་ཞེ་ན།
iiif viewer powered by OpenSeadragon
