| e-texts navigator |
| Wylie |
196b1 ཀྱིས་དེ་བཞིན་གཤེགས་པ་ལ་མཆོད་པའི་མཆོག་བྱས་པར་འགྱུར་རོ། །བརྒྱ་བྱིན་གྱིས་གསོལ་པ། བཅོམ་ལྡན་འདས་ཆོས་ཀྱི་རྣམ་གྲངས་འདི་བདག་གིས་གཟུང་ལགས་སོ། །འདི་ནི་བདག་གིས་དེ་བཞིན་གཤེགས་པའི་བྱིན་གྱི་རླབས་ཁོ་ནས་རྒྱས་པར་བགྱིའོ། །མ་འོངས་པའི
196b2 སེམས་ཅན་ཆེན་པོ་དེ་དག་ལ་ཡང་བསྟབས་པར་འཚལ་ལོ། །དེ་ཅིའི་སླད་དུ་ཞེ་ན་བཅོམ་ལྡན་འདས་བདག་གིས་ནི་དེ་བཞིན་གཤེགས་པ་ལ་བཀའ་དྲིན་བསབས་པའི་རྔོ་མི་ཐོགས་ཏེ། འདི་ལྟར་བདག་ནི་དེ་བཞིན་གཤེགས་པའི་ཆོས་ཀྱིས་ཕན་གདགས་པའི་སླད་དུའོ། །བཅོམ་ལྡན
196b3 འདས་གཞན་ཡང་ཅི་ནས་བདུད་དང་། ཕྱིར་རྒོལ་བ་ངེས་པར་བཅོམ་ནས་འདི་འཛམ་བུའི་གླིང་དུ་སྤྱོད་པར་འགྱུར་བ་དེ་ལྟ་བུར་ཆོས་ཀྱི་རྣམ་གྲངས་འདི་དེ་བཞིན་གཤེགས་པས་བྱིན་གྱིས་བརླབ་ཏུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཀཽ་ཤི་ཀ་དེའི་ཕྱིར་ལེགས་པར་རབ་ཏུ་ཉོན
196b4 ལ་ཡིད་ལ་ཟུང་ཤིག་དང་། བར་དུ་གཅོད་པ་ཐམས་ཅད་རྣམ་པར་སྦྱོང་བ་ཞེས་བྱ་བའི་རིག་སྔགས་དང་། གསང་སྔགས་ཀྱི་གཞིའི་བྱིན་བརླབ་ངས་བསྟན་པར་བྱ་སྟེ། རིག་སྔགས་དང་། གསང་སྔགས་ཀྱི་གཞི་དེ་དག་གིས་བདུད་ཐམས་ཅད་དང་། ཕས་ཀྱི་རྒོལ་བ་ཐམས་ཅད་ཀྱང་ཤིན་ཏུ
196b5 ཚར་གཅོད་པར་འགྱུར་ལ་དེ་བཞིན་གཤེགས་པའི་ཆོས་ཀྱི་སྒྲོན་མ་འདི་ཡང་ཡུན་རིང་དུ་གནས་པར་འགྱུར་རོ། །ཏདྱ་ཐཱ། ཨ་བྷ་ཡེ། བྷ་ཡ་བི་ག་ཏེ། བྷ་ཡ་བི་ཤོ་དྷ་ནེ། ཨ་བྷ་ཡ་དཱ་དེ། ནི་རུ་པ་དྲ་བེ། ཨ་ནཱ་ཀུ་ལེ། ཨཱ་ཀུ་ལ་སཾ་ཤོ་དྷ་ནེ། ཨ་གྲ་ཧེ། ཨ་བི་བཱ་དེ། ཨ་ཀལྤེ། ཨ་ཙྱུཏྟེ། ཤུ་བྷ་ཏེ་ཛེ།
196b6 ཏེ་ཛོ་བ་ཏི། མ་ཧཱ་ཏེ་ཛེ། ཨུ་པ་ཤཱ་མེ། མཻ་ཏྲྱུངྒ་ཏེ། ཤོ་ཥ་ཡ་མཱ་ནེ། སཏྱ་དརྵ་ཎེ། ཨ་བི་རུད་དྷེ་ས་ཧི་ཏ་ཨརྠེ། ཨརྠ་སིདྡྷེ། ཨ་མྲྀ་ཏ་བ་ཏེ། སཱ་ག་རེ། སཱ་ག་ར་བ་ཏི། ཨ་བྷི་དེ། བཛྲ་སནྡྷི། ཨཀྵ་ཡེ། ཨཀྵ་ཏ་པྲ་བྷེ། ཛཱ་ཏི་བི་ཤོ་དྷ་ནེ། ཤུདྡྷེ། ཤུདྡྷེ། ཨ་བ་བྷཱ་ས་བ་ཏི། ས་མ་པྲ་ཡོ་གེ། ས་མ་ཙི་ཏེ། ཨ་ནུཏྟ་རེ།
196b7 བུདྡྷ་ཨ་དྷི་ཥྛཱ་ནེ། ཤཱི་ལ་བི་ཤོ་དྷ་ནེ། ཨནྟི་ཀྲ་མ་ཎེ། ཨ་སཾ་ཧཨཱ་རྱེ། ནི་གྲྀ་ཧཱི་ཏཾ་མཱར་བ་ལམ། པ་རཱ་ཛ་ཡོ་བྷྲྀ་ཥྚི་ག་ཏཱ་ནཱཾ། ཛྭ་ལྔ་ནཱཾ་དྷ་རྨོ་ལྐཱ་ནཱཾ། སཾ་གྲྀ་ཧཱི་ཏཱ་ན། དྷ་རྨ་ཏཱ་ནཱཾ། ཨུངྒྷ་ཊཱི་ནཾ། དྷརྨ་ནི་དྷཱ་ནཱན། ཀཽ་ཤི་ཀ་རིག་སྔགས་དང་། གསང་སྔགས་ཀྱི་གཞི་ནི་འདི་དག་ཡིན་ཏེ། འདས་པ་དང་། མ་འོངས་པ
iiif viewer powered by OpenSeadragon
