| e-texts navigator |
| Wylie |
193a1 འགྱུར། །སྐྱེ་དང་རྒ་དང་གནོད་པར་བགྱི་བ་གང་། །འཆི་དང་གནས་པ་གང་ལགས་སུ་ཡང་མེད། །གང་འདིར་སྐྱེ་དང་རྒ་དང་ན་དང་འཆི། །ཤེད་ལས་སྐྱེས་དང་ཤེད་བུ་དེ་མ་མཆིས། །འདི་ན་བདག་དང་བདག་གི་མ་མཆིས་ཏེ། །གང་ཟག་ཤེས་སྐྱེས
193a2 ཤེད་བུ་ཡོང་མ་མཆིས། །འདི་བདག་པོ་མ་མཆིས་དབང་མ་མཆིས། །འཚོ་བའི་འཇིག་རྟེན་སྒྱུ་མ་ལྟ་བུར་འཇུག་།བྱེད་པ་མ་མཆིས་ཚོར་བ་པོ་མ་མཆིས། །འོན་ཀྱང་ལས་མཆིས་འབྲས་བུ་དོན་མ་མཆིས། །འགྲོ་བའི་ལས་ཀྱི་རྐྱེན་གྱིས་རང་བཞིན་འབྱུང་། །
193a3 ཕན་ཚུན་དུ་ནི་རྒྱུ་ལ་རྟེན་པར་འདུས། །དགེ་དང་མི་དགེའི་ལས་གང་བགྱིད་པ་དང་། །གང་ཞིག་བསྒོམས་དང་གང་ཞིག་མང་དུ་བགྱིས། །ཡུལ་ནམ་མཆིས་ཕྱོགས་ནམ་མཆིས་ཏེ། །ངོ་བོ་ཉིད་སྟོང་འོན་ཀྱང་རྣམ་པར་སྨིན། །ནང་དང་སླད་རོལ་བར་ན་མི་གནས་ཏེ། །ཆོས
193a4 རྣམས་གང་དུའང་འཕུངས་པ་ཡོང་མ་མཆིས། །དེ་དག་གང་ལའང་རྟེན་པ་མ་མཆིས་ལ། །རྣམ་པར་སྨིན་པ་སླུ་བར་ཡོང་མི་བགྱིད། །སྐྱེས་པ་མི་མངའ་འགག་པ་མངའ་མ་ལགས། །མཁས་པ་རྣམས་ནི་གོ་བར་བགྱི་སླད་དུ། །ཉན་པ་ལ་ནི་སྨྲ་བས་ཚིག་ཀྱང་བསྟན། །
193a5 ལྟ་བ་རྣམ་པར་སྦྱང་བའི་སླད་དུ་བསྟན། །གང་གི་འདུ་ཤེས་འདུ་ཤེས་ཅན་མ་མཆིས། །མྱ་ངན་འདས་མཆིས་སུ་ཡང་ཞི་མ་མཆིས། །སྐྱེ་བ་མ་མཆིས་མཐའ་གང་མཐའ་དེ་ལགས། །བདག་གི་བདག་མེད་མཐའ་ནི་ནམ་མཁའི་མཐའ། །ཀུན་གྱི་མཐའ་ནི་མཐའ་མཉམ་ཐོབ་པ
193a6 དེས། །སངས་རྒྱས་བསམ་གྱིས་མི་ཁྱབ་དམ་པ་འཐོབ། །སྔོན་གྱི་མཐའ་དང་ཕྱི་མའི་མཐའ་དང་ནི། །སྐྱེ་བའི་མཐའ་དང་སྐྱེ་བ་མ་མཆིས་མཐའ། །མཐའ་ཀུན་དེ་ལྟར་མཉམ་པར་མཐོང་བ་དང་། །ཆགས་མེད་མཐའ་ཡི་སྒོ་ཤེས་ལྡན་པ་དང་། །དུས་གསུམ་མཐའ་རྣམས་ལ་ནི་མ
193a7 ཆགས་དེས། །རྒྱལ་བ་རྣམས་ཀྱི་རིགས་མཆོག་ཐོབ་པར་འགྱུར། །འགྲོ་བ་བཅིངས་ལས་རྣམ་པར་གྲོལ་མཛད་ནས། །ཞི་མཆོག་མྱ་ངན་འདས་པ་བརྙེས་པར་འགྱུར། །འགྲོ་ཀུན་རྨི་ལམ་ལྟ་བུར་དེས་གཟིགས་ནས། །འདིར་ནི་མིང་དང་གཟུགས་ལ་སེམས་མ་ཆགས། །ཆོས་ཀུན
iiif viewer powered by OpenSeadragon
